თვე: მაისი 2022

ევროკავშირის ლიდერები რუსული ნავთობის იმპორტზე ემბარგოს დაწესებაზე  შეთანხმდნენ. სანქციების ახალი პაკეტი ნავთობის იმპორტის ორ მესამედზე მეტის აკრძალვას ითვალისწინებს. აკრძალვა არ შეეხება მილსადენებით იმპორტირებულ რუსულ ნავთობს. აღნიშნულ გადაწყვეტილებას ოციალურ ქსელ „ტვიტერში“ ეხმიანება  საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, ჟოზეფ ბორელი. „მივესალმები ევროკავშირის ლიდერების გადაწყვეტილებას რუსული ნავთობის აკრძალვის შესახებ. გარდამტეხი მნიშვნელობის გადაწყვეტილება პუტინის ომის მანქანის მწყობრიდან გამოსაყვანად. ჩვენი ერთიანობა ჩვენი სიძლიერეა“- წერს ჯოზეფ ბორელი „ტვიტერზე“.

უკრაინის პრეზიდენტის ოფისის ხელმძღვანელის მრჩეველის, მიხაილ პოდოლიაკის განცხადებით, უკრაინა არ დათანხმდება „მინსკ 3-ს. მისი თქმით, უკრაინა ვერ ისაუბრებს ცეცხლის შეწყვეტაზე უკრაინის ტერიტორიიდან რუსეთის ჯარების გაყვანამდე. მიხაილ პოდოლიაკის ცნობით, ზოგიერთი ევროპელი პოლიტიკოსი იწყებს საუბარს იმაზე, რომ უკრაინამ უნდა შეწყვიტოს ბრძოლა და რუსეთთან გარკვეული სამშვიდობო შეთანხმებას მიაღწიოს. „ჩვენ ვერ წავალთ ახალ „მინსკ-3“-ზე, ეს ცხადია. რადგან ეს არის გადადებული ომის ბილეთი. ჩვენ ვერ ვისაუბრებთ ცეცხლის შეწყვეტაზე უკრაინის ტერიტორიიდან რუსეთის ჯარების გაყვანამდე. ეს ხომ გასაგებია, რომ ისინი გამაგრდებიან, დაიწყებენ თავიანთი გაძლიერებული ხაზების შექმნას და ჩვენ ძალიან გაგვიჭირდება მათი უკრაინის ტერიტორიიდან განდევნა. ჩვენ ვერ დავთანხმდებით…

,,ახლა არ არის შესაძლო დამნაშავის ძიების დრო, ახლა ხანგრძლივი თამაშისთვის მზადების დროა”,- ამის შესახებ საქართველოში ევროკავშირის ელჩმა, კარლ ჰარცელმა განაცხადა. ელჩი კანდიდატის სტატუსის მინიჭებასთან დაკავშირებით ვარაუდების გამოთქმას ერიდება და აღნიშნავს, რომ ახლა საქართველო სტატუსის მისაღებად, მუშაობას უნდა შეუდგეს. ,,მე მოვერიდები საკუთარი ვარაუდების გამოთქმას  იმასთან დაკავშირებით, თუ როგორი იქნება კომისიის საბოლოო შეფასება, ან როგორი იქნება წევრი სახელმწიფოების გადაწყვეტილება საქართველოსთან მიმართებით. თუმცა, უნდა აღვნიშნო, რომ მიუხედავად იმისა, თუ როგორი იქნება შედეგი – მოსალოდნელზე ნაკლები, მოსალოდნელზე მეტი, კონკრეტული პირობებით თუ მათ გარეშე – დასკვნა, რომელიც ნებისმიერ შემთხვევაში უნდა გამოვიტანოთ, არის ის, რომ ახლა…

ევროპული საბჭოს პრეზიდენტის, შარლ მიშელის ცნობით,  საბჭო მზადაა, უკრაინას დამატებით 9 მილიარდი ევრო გამოუყოს. ,,ევროპული საბჭო გააგრძელებს უკრაინის დახმარებას, “დიდ შვიდეულთან“ ერთად. “ევროპული საბჭო მზადაა, უკრაინას 9 მილიარდი ევრო გამოუყოს. ძლიერი და კონკრეტული მხარდაჭერა უკრაინის რეკონსტრუქციაში”, – წერს შარლ მიშელი „ტვიტერში“.  

უკრაინის პრეზიდენტის ოფისის ხელმძღვანელის მრჩეველის ალექსეი არესტოვიჩის განცხადებით, უკრაინის ომში გამარჯვებას სულ მცირე რამდენიმე თვე დასჭირდება.  არესტოვიჩის ცნობით, უკრაინამ დაამარცხა რუსული ,,სპეცოპერაცია”, თუმცა ომში გამარჯვება წინ არის. ,,მინდა, გაიგოთ ძალიან მნიშვნელოვანი რამ, რუსული “სპეცოპერაცია” ჩვენ უკვე დავამარცხეთ, ომში გამარჯვება კი ჯერ წინ არის. ის ხანგრძლივი იქნება, მინიმუმ რამდენიმე თვე. საქმე აღარ ეხება, ვინ უფრო მეტ თვითმფრინავს ჩამოაგდებს ან ვინ გაანადგურებს საჰაერო დესანტს. საქმე ეხება, ვინ გაიმარჯვებს დიპლომატიურ მოედნებზე, სასანქციო მოედნებზე, ვინ გაიმარჯვებს საინფორმაციო დაპირისპირებაში და ა.შ. რუსული შესაძლებლობები ჯერ კიდევ აღემატება ჩვენსას ფინანსური თვალსაზრისით და ასე შემდეგ”, – აცხადებს არესტოვიჩი.

უკრაინის პრეზიდენტი ვოლოდიმირ ზელენსკი მორიგ ვიდეომიმართვას ავრცელებს. ზელენსკის თქმით, ოკუპანტებმა, უკრაინაში უკვე ნახევარი მილიონი ტონა მარცვლეული მოიპარეს და ახლა ეძებენ გზებს მის გასაყიდად. ამასთან, უკრაინის პრეზიდენტის განმარტებით, რუსეთის მიერ შავ ზღვაში უკრაინული პორტების ბლოკირების გამო, უკრაინა ექსპორტზე ვერ აგზავნის 22 მილიონ ტონა მარცვლეულს, რაც გლობალურ კრიზისს იწვევს. ვიდეომიმართვაში ზელენსკიმ კიდევ ერთხელ მოუწოდა ევროკავშირს, დააწესოს ემბარგო რუსულ ნავთობზე და გაზარდონ ზეწოლა აგრესორ ქვეყანაზე. ,,ვითარება დონბასში უკიდურესად მძიმეა. რუსეთის არმია კვლავ ცდილობს, რომ გარკვეულ რეგიონებში ძალები შეკრიბოს და ჩვენს დამცველებზე უფრო მეტი ზეწოლა მოახდინოს. ოკუპანტების მთავარ სამიზნედ რჩება სევეროდონეცკი, ლისიჩანსკი, ბახმუტი, ავდიივკა, კურახოვე,…

ამერიკის შეერთებული შტატების პრეზიდენტმა, ჯო ბაიდენმა სიტყვით გამოსვლისას განაცხადა, რომ რუსეთი აწარმოებს აგრესიულ ომს თავისუფლების, დემოკრატიის და უკრაინის  იდენტობის გასანადგურებლად. მისივე თქმით, თავისუფლება უფასო არასდროს ყოფილა და უკრაინელები ღირსეულად იბრძვიან მის შესანარჩუნებლად. ,,ახლა, როდესაც რუსეთი აწარმოებს მორიგ აგრესიულ ომს თავისუფლების, დემოკრატიის, მეზობელი უკრაინის კულტურის და იდენტობის გასანადგურებლად, ჩვენ ცხადად ვხედავთ ყველაფერს, რაც დევს სასწორზე. თავისუფლება არასდროს ყოფილა უფასო, დემოკრატიებს ყოველთვის სჭირდებათ ჩემპიონები. დღეს დემოკრატიისთვის და თავისუფლებისთვის მრავალწლიან ბრძოლაში უკრაინა და მისი ხალხი მოწინავე ხაზზე არიან და იბრძვიან თავიანთი ქვეყნის გადასარჩენად, თუმცა, მათი ბრძოლა არის უფრო დიდი ბრძოლის ნაწილი, რომელიც ყველა…

ევროპულმა საბჭომ, სხდომის შემდეგ დასკვნითი განცხადება გამოაქვეყნა, სადაც საუბარია უკრაინის, მოლდოვისა და საქართველოს ევროკავშირში წევრობის განცხადებაზე. როგორც საბჭოს ერთობლივ გზავნილშია ნათქვამი, ამ საკითხს ივნისის შეხვედრაზე განიხილავენ. „ევროპული საბჭო გმობს უკრაინის წინააღმდეგ რუსეთის აგრესიის ომს. მოუწოდებს რუსეთს, დაუყოვნებლივ შეწყვიტოს თავისი განურჩეველი თავდასხმა მოქალაქეებზე და სამოქალაქო ინფრასტრუქტურაზე, დაუყოვნებლივ და უპირობოდ გაიყვანოს ყველა თავისი სამხედრო დანაყოფი და აღჭურვილობა უკრაინის მთელი ტერიტორიიდან საერთაშორისოდ აღიარებულ საზღვრებში. რუსეთის ძალების მიერ ჩადენილი სისასტიკე, გამოწვეული ტანჯვა და ნგრევა აღუწერელია. ევროპული საბჭო მოუწოდებს რუსეთს, დაუყოვნებლივ დაუშვას ჰუმანიტარული წვდომა და უსაფრთხო გასასვლელი ყველა მოქალაქისთვის. ევროპული საბჭო ელოდება, რომ სრულად დაცული იქნება ჰუმანიტარული სამართალი, მათ შორის სამხედრო…

ევროპული საბჭოს სხდომაზე, რომელიც გუშინ შეიკრიბა, უკრაინასთან დაკავშირებით რამდენიმე მნიშვნელოვანი გადაწყვეტილება მიიღეს. ერთ-ერთი საკითხი, რაზეც ლიდერებმა იმსჯელეს, რუსეთის მიმართ სანქციების გაძლიერებაა. ევროპული საბჭო მზადაა, გააძლიეროს რუსეთსა და ბელარუსზე ზეწოლა, რომ უკრაინის წინააღმდეგ რუსეთის ომის შეაჩეროს. ასევე, ევროპული საბჭო ყველა ქვეყანას მიმართავს, სანქციებს მიუერთდეს. „სანქციების გვერდის ავლის ან რუსეთის სხვა საშუალებებით დახმარების ნებისმიერი მცდელობა უნდა იქნას აღკვეთილი“, – აღნიშნულია საბჭოს განცხადებაში.

ევროპარლამენტის თავმჯდომარის, რობერტა მეცოლას განცხადებით, სამი ქვეყნისთვის კანდიდატის სტატუსის მინიჭება პრიორიტეტია. „ევროკავშირის კანდიდატი ქვეყნის სტატუსის მინიჭება უკრაინისთვის, საქართველოსთვის და მოლდოვისთვის არის ერთ-ერთი მთავარი საკითხი, რომელზეც დღეს ვისაუბრებ. ჩვენთვის, როგორც ვთქვით, ევროკავშირის კანდიდატის სტატუსის მინიჭება უკრაინისთვის, ასევე საქართველოსთვის და მოლდოვისთვის რჩება პრიორიტეტად. სხვაგვარად რა იქნება ის გზავნილი, რომელსაც ჩვენ ვუგზავნით ამ ქვეყნების ხალხს. ამიტომ, ველოდებით ევროკომისიის შეხედულებას. ჩვენ ვნახეთ, რომ უკრაინამ უპასუხა კითხვარს სინათლის სიჩქარით და სწორედ ამ სიჩქარით ველოდებით ევროკავშირისგან შემდგომ ნაბიჯებს. ევროპარლამენტი გააკეთებს ყველაფერს, რაც შეუძლია ჩვენი ინსტიტუციური ძალაუფლების ფარგლებში“ – აღნიშნა რობერტა მეცოლამ.  

აშშ-ის პრეზიდენტი ჯო ბაიდენი ჟურნალიტებთან  აცხადებს, რომ ამერიკა უკრაინას სარაკეტო სისტემებით არ ამარაგებს. „ჩვენ არ ვუგზავნით უკრაინას სარაკეტო სისტემებს“, – განაცხადა ჯო ბაიდენმა ჟურნალისტებთან. შეგახსენებთ, რომ უკრაინულმა მხარემ სარაკეტო სისტემები ითხოვა, რომელიც ასობით მილის მანძილზე მოქმედებს.