დღე: მაისი 26, 2022

უკრაინული მედიის ინფორმაციით, რუსული ძალები თავს დაესხნენ 40-ზე მეტ ქალაქს აღმოსავლეთ დონბასსა და ლუგანსკის რეგიონებში. საჰაერო იერიშის შედეგად 5 მშვიდობიანი მოქალაქე დაიღუპა, 12 კი დაშავდა. ,,ოკუპანტებმა დონეცკისა და ლუგანსკის ოლქის 40-ზე მეტ ქალაქს ესროლეს, გაანადგურეს ან დააზიანეს 47 სამოქალაქო ობიექტი, მათ შორის 38 სახლი და სკოლა. ამ დაბომბვის შედეგად დაიღუპა 5 მშვიდობიანი მოქალაქე და დაიჭრა 12″, – აცხადებენ უკრაინის შეიარაღებული ძალების გენშტაბში.

საფრანგეთის პრეზიდენტი ემანუელ მაკრონი საქართველოს დამოუკიდებლობის დღესთან დაკავშირებით საქართველოს პრეზიდენტ სალომე ზურაბიშვილს მისალოც წერილს უგზავნის. „საქართველოს დამოუკიდებლობის დღესთან დაკავშირებით, მოხარული ვარ, გულწრფელად გისურვოთ თქვენ და მთელ ქართველ ხალხს ბედნიერება, კეთილდღეობა და მშვიდობა. თითქმის სამი თვეა, რაც ევროპის კონტინენტი შეიგრძნობს რუსეთის მიერ სუვერენული ქვეყნის, უკრაინის წინააღმდეგ წამოწყებულ მკვლელ აგრესიულ ომს. ამ თავდასხმის წინაშე, რომელიც სერიოზულ ზიანს აყენებს ჩვენი კონტინენტის უსაფრთხოებასა და სტაბილურობას, როგორც არასდროს, აუცილებელია, ევროპის ოჯახმა შეინარჩუნოს ერთიანობა. უკრაინელი ხალხის მხარდაჭერით, იქნება ეს თქვენს ტერიტორიაზე ამჟამად მყოფი მრავალი ლტოლვილის მიღებითა თუ ჰუმანიტარული დახმარების მიწოდებით, ქართველებმა დაადასტურეს თავიანთი სრული ერთგულება ჩვენთვის…

ამერიკის შეერთებული შტატების სახელმწიფო მდივანი, ენტონი ბლინკენი ქართველ ხალხს 26 მაისს- საქართველოს დამოუკიდებლობის დღეს ულოცავს. ,,ამერიკის შეერთებული შტატების სახელით ვულოცავ ქართველ ხალხს დამოუკიდებლობის დღეს.  ქართველ ხალხს ღრმად ესმის დამოუკიდებლობისა და თავისუფლების ფასი. მიუხედავად რუსეთის მიერ საქართველოს ტერიტორიის 20%-ის ოკუპაციისა, ქართველმა ხალხმა აჩვენა მტკიცე გადაწყვეტილება, მიჰყვეს ევროატლანტიკურ მომავალს. ჩვენ ვგმობთ რუსეთის აგრესიას საქართველოს წინააღმდეგ და მტკიცედ ვუჭერთ მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ჩვენი ორმხრივი ურთიერთობის 30 წლის განმავლობაში, შეერთებული შტატები ამაყობს, რომ მხარს უჭერს საქართველოს ძალისხმევას დემოკრატიული განვითარების წინსვლის, მისი ეკონომიკის დივერსიფიკაციისა და აყვავებული მომავლის ასაშენებლად.…

უკრაინის პრეზიდენტის ადმინისტრაციის მრჩეველის, ალექსეი არესტოვიჩის განცხადებით, უკრაინის აღმოსავლეთ ფრონტზე არსებულ ვითარებაში დამნაშავე გერმანიაცაა. მისი თქმით, „ლენდ ლიზის“ პროექტმა არ გაამართლა არა აშშ-სა და ბრიტანეთის შეიარაღების, არამედ გერმანული შეიარაღების გამო. „ფაქტობრივად, გერმანული მხარე აჭიანურებს საბრძოლო ტექნიკის გადაცემას და ირიბად არის დამნაშავე იმაში, რაც ფრონტზე ხდება. რომ გვყავს გამოფიტული დანაყოფები, განადგურებული შეიარაღებით. რუსულ შეიარაღებასთან შეფარდებით მინორულ პოზიციაში არიან, განსაკუთრებით არტილერიაში“, – განაცხადა არესტოვიჩმა. არესტოვიჩის თქმით, ევროპა სერიოზულ კრიზისში შედის, ეს კრიზისი კი პირდაპირ აისახება უკრაინელ საზოგადოებაზე. მისი განმარტებით, ევროკომისია ევროპის ცალკეული ქვეყნებისგან პრინციპულად განსხვავებულ პოზიციას იკავებს, ის პროუკრაინულია და ამბობს, რომ უკრაინამ უნდა გაიმარჯვოს…

ევროკავშირის ელჩი საქართველოში კარლ ჰარცელი ქართველ ხალხს დამოუკიდებლობის დღეს ულოცავს. როგორც ევროპელი დიპლომატი აცხადებს, საქართველომ არჩევანი გააკეთა, ახლა კი, არჩევანის გასამყარებლად  კონკრეტული ნაბიჯებია გადასადგმელი. „მთელი გულით ვულოცავ საქართველოს და ქართველ ხალხს დამოუკიდებლობის დღეს. ევროკავშირი საქართველოს დამოუკიდებლობის, სუვერენიტეტისა და ტერიტორიული მთლიანობის ურყევ მხარდამჭერად რჩება. ამ რთულ დროს ჩვენ უკრაინისადმი სოლიდარობა გვაერთიანებს. ჩვენ საქართველოს გვერდით ვართ და ვაფასებთ ჩვენს შორის არსებულ ღრმა კავშირებს. გვინდა, რომ ეს კავშირები კიდევ უფრო გაღრმავდეს. 3 მარტს საქართველოს მთავრობამ ევროკავშირში გაწევრიანებაზე განაცხადი გააკეთა, რაც ქვეყნის მოსახლეობის აბსოლუტური უმრავლესობის მისწრაფებას გამოხატავს. საქართველომ არჩევანი გააკეთა საკუთარ ისტორიულ ღირებულებებზე დაყრდნობით. ახლა…

ამერიკის შეერთებული შტატების მისალოც წერილში, რომელიც საქართველო, დამოუკიდებლობის დღეს მიიღო, ნათქვამია, რომ ამერიკის შეერთებული შტატები აფასებს გლობალური უსაფრთხოების საქმეში საქართველოს მიერ შეტანილ წვლილს. „ბატონო პრემიერ-მინისტრო! მსურს თქვენ და ქართველს ერს 26 მაისს დამოუკიდებლობის დღე მოგილოცოთ. ქართველი და ამერიკელი ხალხი ერთმანეთთან ძლიერ არიან დაკავშირებულნი დამოუკიდებელი სულისკვეთებით და თავისუფლებისადმი ზიარი ერთგულებით. საქართველომ თავისი მტკიცე მიზანდასახულობა აჩვენა მსოფლიოს მასშტაბით თავისუფლების დაცვისას. დიდად ვაფასებთ თქვენს მიერ გლობალური უსაფრთხოების საქმეში შეტანილ წვლილს ჩვენი 30-წლიანი ორმხრივი ურთიერთობების განმავლობაში, მათ შორის ავღანეთში ჩვენი საერთო ვალდებულებისა და თავგანწირვის კონტექსტში. საქართველოს დამოუკიდებლობას აღვნიშნავთ, თუმცა აქვე ვაცნობიერებთ იმ ფაქტს, რომ რუსეთის მიერ…

საქართველოს პარლამენტის თავმჯდომარემ უკრაინის რადასგან დამოუკიდებლობის დღის მისალოცი მიიღო. უკრაინის უმაღლესი რადას თავმჯდომარე რუსლან სტეფანჩუკი შალვა პაპუაშვილს საქართველოს დამოუკიდებლობის დღეს ულოცავს  და  მადლობას უხდის უკრაინის მეგობრული მხარდაჭერისთვის მისი თანამედროვე ისტორიის ყველაზე რთულ პერიოდში „უკრაინის უმაღლესი რადასა და პირადად ჩემი სახელით გულწრფელად გილოცავთ საქართველოს ეროვნულ დღესასწაულს – დამოუკიდებლობის დღეს. დიდ მადლობას ვუხდი ქართველ პარლამენტარებს უკრაინის მეგობრული მხარდაჭერისთვის მისი თანამედროვე ისტორიის ყველაზე რთულ პერიოდში. ასევე დიდად ვაფასებ თქვენი ვიზიტის დროს გამოვლენილ სოლიდარობას უკრაინელ ხალხთან, რომელიც ცდილობს, აღადგინოს მშვიდობა და უსაფრთხოება ევროპის კონტინენტზე. ძალიან გამიხარდა, რომ მომეცა შესაძლებლობა, თქვენთან ერთად განმეხილა საპარლამენტთაშორისო თანამშრომლობის პრიორიტეტული…

რუსთაველის გამზირზე, 11:00 საათზე, საქართველოს დამოუკიდებლობის დღის აღსანიშნავი ღონისძიებები დაიწყება. დაგეგმილია წვევამდელები ფიცს დადება, რომელიც თბილისის პარალელურად, 5 მუნიციპალურ ერთეულში მოხდება. 20:30 საათზე კი ღონისძიებას გალა კონცერტი დახურავს. 15 მუნიციპალიტეტში სამხედრო ტექნიკას გამოფენენ. დაგეგმილია  საჰაერო შოუც. ღონისძიებაში მონაწილეობას ევროკავშირის ქვეყნები და ამერიკის ელჩი მიიღებს. ისინი საქართველოს დამოუკიდებლობის დღეს მიულოცავენ. შესრულება ევროკავშირის ჰიმნიც.  

ევროკომისიის პრეზიდენტი შარლ მიშელი რუსული აგრესიის წინაღმდეგ მორიგ გზავნილს ავრცელებს. ევროპელი დიპლომატი კრემლს მიმართავს, შეაჩეროს ომი. „კრემლი, შეწყვიტე დეზინფორმაციის გავრცელება. სურსათის უსაფრთხოებას საფრთხეს უქმნის და გადაზიდვებს აფერხებს არა სანქციები, არამედ თქვენი ომი უკრაინაში… 20 მილიონ ტონაზე მეტი მარცვლეული დაბლოკილია თქვენი ნაღმებითა და თქვენი ომით. უნდა შევაჩეროთ ომი და აღვადგინოთ სურსათის მიწოდების გლობალური ჯაჭვები,“ – აცხადებს შარლ მიშელი.  

„მიუხედავად ათასობით რუსული რაკეტისა, რომელიც უკრაინას დაეცა, მიუხედავად ათობით ათასი მოკლული უკრაინელისა, მიუხედავად ბუჩასა და მარიუპოლისა, ზოგიერთი ლიდერი დათმობაზე საუბრობს“ – აცხადებს პრეზიდენტი ზელენსკი და ამ ლიდერების განცხადებებით გაკვირვებულია. „სულ მცირე, რაც რუსეთმა გააკეთა, არსებობს ვიღაც ვინც ამბობს, მოდით, განვიხილოთ მათი ინტერესები. წელს დავოსზე, ეს კვლავ გაჟღერდა. მიუხედავად ათასობით რუსული რაკეტისა, რომელიც უკრაინას დაეცა; მიუხედავად ათობით ათასი მოკლული უკრაინელისა; მიუხედავად ბუჩასა და მარიუპოლისა; მიუხედავად განადგურებული ქალაქებისა; მიუხედავად რუსული სახელმწიფოს მიერ აგებული „ფილტრის ბანაკებისა“ სადაც კლავენ, აწამებენ, აუპატიურებენ და ამცირებენ ისე, როგორც კონვეერში. რუსეთმა ეს ყველაფერი ევროპაში ჩაიდინა. თუმცა, დავოსში, შორეული წარსულიდან გამოდის მაგალითად ბატონი კისინჯერი და ამბობს,…

ოფიციალური უკრაინა უკმაყოფილოა, რომ ნატო რუსეთ-უკრაინის შესაჩერებლად არაფერს აკეთებს. როგორც უკრაინის საგარეო საქმეთა მინისტრმა დმიტრო კულებამ დავოსის მსოფლიო ეკონომიკურ ფორუმზე განაცხადა, ნატოს აღნიშნული პოზიცია არ არის მოსაწონი და „განზე მდგომი“ უწოდა. „ნატო, როგორც ალიანსი, როგორც ინსტიტუტი, სრულიად განზეა და ფაქტობრივად არაფერს აკეთებს. ვწუხვარ, რომ ამას ამაზე საუბარი მიწევს“, – აღნიშნა კულებამ. .  

რუსეთისთვის დაწესებული სანქციების პარალელურად, ევროკომისიის ინიციატივაა,  სანქციების დარღვევა დანაშაულად გამოცხადდეს. აღნიშნული წინადადება დღის წესრიგში იმიტომ დადგა, რომ ზოგიერთი ქვეყანა სანქციების გვერდის ავლაშია შემჩნეული. წინადადება კი  ევროკავშირის მთავრობებს უფლებას მისცემს, სანქციები მათ წინააღმდეგაც გაატაროს, ვინც არსებულ სანქციებს გვერდს უვლის. იუსტიციის საკითხებში ევროკომისრის,  დიდიე რეინდერსის განაცხადებით, რუსეთის წინააღმდეგ დაწესებული ევროკავშირის სანქციების დარღვევა  სისხლის სამართლის დანაშაულია ევროგაერთიანების 12 ქვეყანაში, 13 სახელმწიფო მას ადმინისტრაციულ ან სისხლის სამართლის დანაშაულად განიხილავს, ხოლო ევროკავშირის ორი წევრი კი აღნიშნულს მხოლოდ ადმინისტრაციულ სამართალდარღვევად აფასებს. ახალი ინიციატივა კი ნიშნავს, რომ რუსეთისთვის დაწესებული სანქციების თავის არიდება დანაშაულად იქცეს ბლოკის 27-ივე წევრ ქვეყანაში.