დღე: მაისი 23, 2022

დიდი ბრიტანეთის პრემიერ-მინისტრი ბორის ჯონსონი, ღია წერილს აქვეყნებს და უკრაინელ ბავშვებს მიმართავს. ჯონსონის განცხადებით, უკრაინელმა ბავშვებმა უნდა იამაყონ მათი მშობლებით, ოჯახებით, ჯარისკაცებით და ყველაზე მეტად საკუთარი თავით. ,,ბევრმა თქვენგანამ ნახა ან განიცადა ის, რისი მოწმეც არცერთი ბავშვი არ უნდა იყოს. მიუხედავად ამისა, ყოველდღე უკრაინელი ბავშვები ყველას გვასწავლიან, თუ რას ნიშნავს იყო ძლიერი და ღირსეული, თავი მაღლა აწიო ყველაზე რთულ დროსაც კი, არ ვიცი რა შეიძლება იყოს უკეთესი მისაბაძი მაგალითი ბავშვებისთვის და ზრდასრულებისთვის, თქვენ არ ხართ მარტო”- წერს ბორის ჯონსონი.

მარიუპოლის მერის მრჩეველის, პეტრო ანდიუშენკოს განცხადებით, ქალაქის მაცხოვრებლები საფილტრაციო ბანაკებში გადაჰყავთ. ანდიუშენკოს ცნობით, 21 მაისს მარიუპოლიდან 313 ადამიანი ჯერ რუსეთის მიერ კონტროლირებად ბეზიმენეში, მოგვიანებით კი რუსეთის ტერიტორიაზე გადაიყვანეს. გადაყვანილთა შორის 55 ბავშვია. გავრცელებული ინფორმაციით, საფილტრაციო ბანაკებში უკრაინელებს სამუშაო ძალად იყენებენ.

საფრანგეთის ევროპულ საქმეთა მინისტრის, კლემენტ ბონის განცხადებით, უკრაინის ევროკავშირში   გაწევრიანებას სავარაუდოდ 15-20 წელი დასჭირდება. ამასთან,  მინისტრმა მხარი დაუჭირა საფრანგეთის პრეზიდენტის, ემანუელ მაკრონის ინიციატივას, რომელიც ახალი ევროპული პოლიტიკური საზოგადოების შექმნას ითვალისწინებს. მის ფარგლებში უკრაინა და ევროკავშირის სხვა არაწევრი ქვეყნები მოიაზრებიან. „თუ ვამბობთ, რომ უკრაინა 6 თვეში, ერთ წელიწადში, ორ წელიწადში შევა ევროკავშირში, ვიტყუებით. ეს არ არის სიმართლე. ამას ძალიან დიდი დრო სჭირდება და არ მინდა, ილუზიები და ტყუილი გავყიდოთ. თუ უკრაინელებს ვეუბნებით, „კეთილი იყოს თქვენი მობრძანება ევროკავშირში, მაგრამ თქვენ ბოლომდე არ წაიკითხეთ კონტრაქტი, სქოლიოში ნათქვამია: ჰეი, ეს იქნება 15 წელიწადში“, მაშინ…

გაეროს ინფორმაციით, მსოფლიოში ლტოლვილთა რაოდენობამ პირველად გადააჭარბა 100 მილიონს. ანგარიშის მიხედვით, ამგვარი ზრდის ერთ-ერთი მიზეზი  რუსეთის მიერ უკრაინაში დაწყებული ომი გახდა. გაერო-ს ლტოლვილთა უმაღლესი კომისრის ცნობით, ადამიანები იძულებულნი გახდნენ, დაეტოვებინათ თავიანთი ქვეყნები სამხედრო და სამოქალაქო კონფლიქტების, დევნის, ადამიანის უფლებების დარღვევის ან სხვა მსგავსი მიზეზის გამო. გაერო-ს ექსპერტების განცხადებით, კონფლიქტის დაწყებიდან დღემდე 14 მილიონზე მეტი უკრაინელი გახდა დევნილი. მათგან დაახლოებით ექვსმა მილიონმა ქვეყანა დატოვა, ხოლო რვა მილიონი იძულებით გადაადგილებული პირი გახდა. გავრცელებული ინფორმაციით, მსოფლიოში ლტოლვილთა რაოდენობა აღემატება მსოფლიო მოსახლეობის ერთ პროცენტს.

რუსეთის დელეგაციის ხელმძღვანელი, ვლადიმირ მედინსკი  მოლაპარაკებების შეჩერებაში უკრაინას ადანაშაულებს. მისი თქმით, რუსეთს არასდროს უთქვამს უარი მოლაპარაკებებზე და პასუხისმგებლობას სამშვიდობო მოლაპარაკებების გაყინვაში, უკრაინას აკისრებს. ,,რუსეთს არასდროს უთქვამს უარი მოლაპარაკებებზე, მათ შორის, უმაღლეს დონეზე. ეს არაერთხელ დაადასტურა ვლადიმერ პუტინმა. ერთადერთი საკითხია, რომ პრეზიდენტებს შორის სამიტისთვის სერიოზული მომზადებაა საჭირო. სახელმწიფოს მეთაურები უნდა შეიკრიბონ საბოლოო შეთანხმების მისაღწევად და დოკუმენტებზე ხელმოსაწერად და არა ფოტოების გადასაღებად. ერთი თვის წინ ჩვენ უკრაინულ მხარეს გადავეცით ხელშეკრულების პროექტი, რომელშიც უკვე შეთანხმებული იყო რამდენიმე ფუნდამენტური პოზიცია. თუმცა, მას შემდეგ უკრაინის მხრიდან დიალოგის გაგრძელების სურვილი არ ყოფილა. როგორც ჩანს, ისინი არ…

ევროკავშირის საგარეო საქმეთა სამსახურის ხელმძღვანელის, ჯოზეფ ბორელის განცხადებით,  ევროკავშირმა  საკუთარ უსაფრთხოებაზე მეტი პასუხისმგებლობა უნდა აიღოს. მისი თქმით, უკრაინის სამხედრო მხარდაჭერის შედეგად, იარაღის მარაგები ამოიწურა, რამაც ევროპაში დეფიციტი გამოიწვია. „რუსეთის სასტიკმა თავდასხმამ უკრაინაზე ომი დააბრუნა ევროპულ მიწაზე. ომში ჩართული სამხედრო აქტივების რაოდენობით, მისი ადამიანური ხარჯებითა და გლობალური შედეგებით, ის წარმოადგენს ევროპის უსაფრთხოების ლანდშაფტის ტექტონიკურ ცვლილებას. ევროკავშირმა სწრაფად და მკვეთრად მოახდინა რეაგირება უკრაინისთვის პოლიტიკური, ფინანსური, ჰუმანიტარული და სამხედრო დახმარების შეთავაზებით. ახლა აშკარაა, რომ ევროპას საფრთხე ემუქრება, როგორც ომის დაწყებამდე ვაცხადებდით, როდესაც წარმოვადგენდით სტრატეგიულ კომპასს, რომელიც შემდეგ დაამტკიცა საბჭომ და გვთავაზობს რეალური ცვლილების გეგმას უფრო ძლიერი…

უკრაინის არმიის პრესსამსახურის ინფორმაციით, დონბასში რუსეთმა ბოლო ერთ დღეში 45 დასახლებული პუნქტი დაბომბა, რის შედეგადაც შვიდი მშვიდობიანი მოქალაქე დაიღუპა, რვა კი დაშავდა. მათივე განცხადებით, რუსეთმა სხვადასხვა ტიპის შეიარაღების გამოყენებით გასული დღე-ღამის განმავლობაში გაანადგურა 116 სამოქალაქო ობიექტი. ამასთან, უკრაინის არმიამ დონბასში ბოლო ერთ დღეში რუსეთის 11 შეტევა მოიგერიეს, გაანადგურეს მოწინააღმდეგის ტანკები, ჯავშანტრანსპორტიორები და „სუ 25“-ის ტიპის სამხედრო თვითმფრინავი. უკრაინული მედიის ცნობით, რუსეთმა საზღვაო ბაზირების ფრთოსანი რაკეტებით იერიში მიიტანა ჟიტომირის რეგიონის ინფრასტრუქტურულ ობიექტებზე. უკრაინის საჰაერო სარდლობის საჰაერო თავდაცვის ქვედანაყოფებმა ოთხი ფრთოსანი რაკეტა გაანეიტრალეს.

პოლონეთისა და უკრაინის პრეზიდენტებმა გადაწყვეტილება მიიღეს, საბაჟოზე „რევოლუციური წესრიგი“ დაამყარონ. ამისთვის კი შეთანხმებასაც მიაღწიეს, საბაჟო კონტროლი ერთობლივად განახორციელონ. „მივიღეთ გადაწყვეტილება, რომელიც რევოლუციას მოახდენს ჩვენს საზღვარზე არსებულ წესრიგში. ვნერგავთ საერთო საბაჟო კონტროლს პოლონეთთან. ეს მნიშვნელოვნად დააჩქარებს სასაზღვრო პროცედურებს, აღმოფხვრის კორუფციული რისკების უმეტესობას. მაგრამ ეს ასევე არის ევროკავშირის საერთო საბაჟო სივრცეში ჩვენი ინტეგრაციის დასაწყისი“ – აცხადებს პრეზიდენტი ზელენსკი. შეგახსენებთ, რომ გუშინ, უკრაინაში პოლონეთის პრეზიდენტი ანჯეი დუდა ჩავიდა, რომელმაც რადას წევრებს მიმართა.  როგორც პრეზიენტი ზელენსკი აცხადებს, პოლონეთი უკრაინის მხარდაჭერას ყოველთვის გრძნობდა და ამას არასდროს დაივიწყებენ უკრაინელები.