დღე: მაისი 10, 2022

ლიეტუვას საგარეო საქმეთა მინისტრის, გაბრიელიუს ლანდსბერგისის განცხადებით,  ერთადერთი გზა რუსული აგრესიისგან დასავლეთისა და მისი მოკავშირეების დასაცავად, რუსეთის პრეზიდენტ ვლადიმერ პუტინის თანამდებობიდან გადაყენებაა. მინისტრის განცხადებით, 2008 და 2014 წელს კრემლის მიერ განხორციელებული ქმედებები ამტკიცებს, რომ რუსეთი აგრესორი ქვეყანაა. ლანდსბერგისის განმარტებით, ფაშიზმზე გამარჯვების დღეს პუტინის გამოსვლა აშკარას ხდის, რომ რუსეთი უკრაინასთან ომში წარუმატებლობას განიცდის. ,,გამარჯვების დღეს პუტინის ყოველწლიური გამოსვლა და გენერლების პირქუში სახეები აშკარად აჩვენებდა, რომ რუსეთი უკრაინასთან ომში წარუმატებლობას განიცდის. ჩვენი გადმოსახედიდან, სანამ დღევანდელი რეჟიმი იქნება ხელისუფლებაში, მის გარშემო მყოფ ქვეყნებს გარკვეულწილად საფრთხე ემუქრებათ. არა მხოლოდ პუტინი, არამედ მთელი რეჟიმი უნდა…

მეტი...

ხარკოვის რეგიონალური სამხედრო ადმინისტრაციის ხელმძღვანელის, ოლეგ სინეგუბოვის ინფორმაციით, იზიუმში, ხუთსართულიანი შენობის ნანგრევების ქვეშ 44 მშვიდობიანი მოქალაქის ცხედარი იპოვეს. ,,დროებით ოკუპირებულ იზიუმში, მარტის დასაწყისში ოკუპანტების მიერ დანგრეული ხუთსართულიანი შენობის ნანგრევებში 44 მშვიდობიანი მოქალაქის ცხედარი იპოვეს. ეს არის რუსი ოკუპანტების კიდევ ერთი საშინელი სამხედრო დანაშაული მშვიდობიანი მოსახლეობის წინააღმდეგ,”- განაცხადა ოლეგ სინეგუბოვმა.

მეტი...

უკრაინის გენშტაბის წარმომადგენელმა პავლო კოვალჩუკმა ყოველდღიურ ბრიფინგზე განაცხადა, რომ რუსულმა ძალებმა უკრაინის ქიმიურ ობიექტებზე შესაძლოა, დივერსიული აქტები განახორციელონ. „არ არის გამორიცხული, უკრაინის ქიმიური მრეწველობის ობიექტებზე დივერსიული აქტების განხორციელების შესაძლებლობა, ამაში უკრაინის შეიარაღებული ძალების შემდგომი დადანაშაულებით,”- აცხადებენ უკრაინის გენშტაბში. უკრაინის შეიარაღებული ძალების გენერალური შტაბის ინფორმაციით, რუსული ძალები შეტევით ქმედებებს ახორციელებენ უკრაინის სახელმწიფოს აღმოსავლეთ ნაწილში დონეცკისა და ლუგანსკის ოლქების ტერიტორიაზე.

მეტი...

ევროპის განვითარების ბანკის ინფორმაციით, რუსეთის ინტერვენციის შედეგად უკრაინის ეკონომიკა მიმდინარე წელს, თითქმის მესამედით შემცირდება. ამასთან, EBRD აცხადებს, რომ უკრაინის ეკონომიკა 2023 წლისთვის  25%-ით გაიზრდება. EBRD-ის ანგარიშის მიხედვით, რუსეთის აგრესიამ შეაჩერა ეკონომიკური ზრდა უკრაინაში. ომის ხანგრძლივობა, ომის შემდგომი რეკონსტრუქციის მასშტაბები და ის თუ რამდენი ლტოლვილი დაბრუნდება სახლში, გავლენას მოახდენს ეკონომიკური ზრდის ტემპზე. რაც შეეხება რუსეთს, ბანკის პროგნოზით, რუსეთის ეკონომიკა წელს 10%-ით შემცირდება და 2023 წელს  ნულოვანი ზრდა დაფიქსირდება.

მეტი...

აშშ-ის პრეზიდენტმა, ჯო ბაიდენმა  ხელი მოაწერა  „უკრაინის დემოკრატიის დაცვის ლენდ-ლიზის აქტს“, რომელიც  უკრაინის გარდა, შეიარაღების გამარტივებული წესით მიწოდებას აღმოსავლეთ ევროპის ქვეყნებისთვისაც ითვალისწინებს. დოკუმენტის თანახმად, 2022-2023 ფისკალურ წლებში პრეზიდენტს შეუძლია, მისცეს ნებართვა აშშ-ის მთავრობას, დროებით სარგებლობაში ან იჯარით გადასცეს თავდაცვის საშუალებები უკრაინის მთავრობას ან აღმოსავლეთ ევროპის ქვეყნებს, რომლებზეც გავლენა მოახდინა უკრაინაში რუსეთის ინტერვენციამ. კანონპროექტი დაეხმარება ამ ქვეყნებს თავდაცვითი შესაძლებლობების გაძლიერებაში და მათი სამოქალაქო მოსახლეობის დაცვაში, რუსეთის ძალების მხრიდან პოტენციური ინტერვენციისგან ან მიმდინარე აგრესიისგან. შეგახსენებთ, ლენდ-ლიზის აქტი უკრაინისთვის შეიარაღების სწრაფი და გამარტივებული გზით, ბიუროკრატიული პროცედურების გარეშე მიწოდებას ითვალისწინებს.

მეტი...

დღეს თბილისის საქალაქო სასამართლოში ე.წ პიჯაკების საქმეზე მიხეილ სააკაშვილის  პროცესი გაიმართება. სავარაუდოდ, დღევანდელ სხდომას ყოფილი პრეზიდენტი ვერ დაესწრება. მიზეზი, გართულებული ჯანმრთელობის მდგომარეობაა. “ის კვლავინდებურად არის ცუდად, მისი ჯანმრთელობის მდგომარეობა უარესდება, ამიტომ, ის სავარაუდოდ, ვერ მოახერხებს დასწრებას. გავაგრძელებთ მტკიცებულებების გამოკვლევას, ბუნებრივია, პროცესი რჩება ისევ ისე პოლიტიზირებულ პროცესად, როგორიც იყო, არავითარ სხვაობას ამ მიმართულებით არ ველოდებით, უბრალოდ შევეცდებით, რომ ეს პროცესიც იყოს ნათელი ინდიკატორი იმისა, თუ როგორი პოლიტიზირებული დევნა მიმდინარეობს მიხეილ სააკაშვილის წინააღმდეგ,”- აცხადებს სააკაშვილის ადვოკატი, შოთა თუთბერიძე.

მეტი...

თეთრი სახლის პრესსპიკერი ჯენ ფსაკი, 9 მაისთან დაკავშირებულ ღონისძიებაზე ვლადიმერ პუტინის სიტყვით გამოსვლას აფასებს. თეთრი სახლის პრესსპიკერი რუსეთის პრეზიდენტის განცხადებებს აბსურდს უწოდებს და უკრაინას კიდევ ერთხელ უცხადებს მხარდაჭერას. ,,მაშინ, როცა პრეზიდენტი პუტინი და რუსი ხალხი გამარჯვების დღეს აღნიშნავდნენ, ჩვენ ვხედავთ, რომ რუსული ძალები ომის დანაშაულებს და სისასტიკეს სჩადიან უკრაინაში, როდესაც ისინი მონაწილეობენ სასტიკ ომში, რომელიც იწვევს უამრავ ტანჯვას და ნგრევას. ეს დღე ევროპაში მშვიდობისა და ერთიანობის და მეორე მსოფლიო ომში ნაცისტების დამარცხების აღნიშვნის დღე უნდა იყოს. ამას ყოველწლიურად აღნიშნავენ რუსეთშიც. ამის ნაცვლად, პუტინი ამახინჯებს ისტორიას და ცვლის ან ცდილობს შეცვალოს…

მეტი...

ოკუპანტები ქალაქ მარიუპოლში “აზოვსტალის” ქარხანაზე შტურმს აგრძელებენ. რუსი სამხედროები აფეთქებენ სტრატეგიულ ობიექტებსა და ხიდებს,  რომლითაც მშვიდობიანი მოქალაქეების ევაკუაცია მიმდინარეობს. აღნიშნულ ინფორმაციას მარიუპოლის მერის მრჩეველი, პეტრო ანდრიუშჩენკო ავრცელებს. ამასთან, დონეცკის ოლქის ხელმძღვანელის განცხადებით, “აზოვსტალში” ამ დრომდე რჩება მშვიდობიანი მოსახლეობა. ,,აზოვსტალში ასზე მეტი სამოქალაქო პირია დარჩენილი. ეს მაშინ, როცა მუდმივი დაბომვა ხდება. ავიაცია და არტილერია უწყვეტად მუშაობს. მხოლოდ მაშინ ჩერდება, როცა ევაკუაცია მიმდინარეობს”- აღნიშნა დონეცკის საოლქო ადმინისტრაციის ხელმძღვანელმა.

მეტი...

გაეროში ამერიკის შეერთებული შტატების ელჩის, ლინდა თომას-გრინფილდის განცხადებით ვლადიმერ პუტინმა მარცხი აღიარა. ელჩმა აღნიშნა რომ,  რუსეთის პრეზიდენტმა 9 მაისთან დაკავშირებით გამართულ საზეიმო ღონისძიებაზე,  უკრაინიდან რუსული ჯარების გაყვანის ბრძანება არ გასცა, რაც ომის გაგრძელებაზე მიუთითებს. ,,უკრაინაში პუტინის მცდელობებმა შედეგი არ გამოიღო. მან ვერ შეძლო უკრაინის რამდენიმე დღეში დაჩოქება. კონფლიქტი არ დასრულებულა, რა თქმა უნდა, მან არ გამოაცხადა ჯარების გაყვანა. ჩვენი შეფასებით, ეს შეიძლება იყოს გრძელვადიანი კონფლიქტი,”- განაცხადა ლინდა თომას-გრინფილდმა.

მეტი...

უკრაინის შინაგან საქმეთა მინისტრის მრჩეველი, ანტონ გერაშენკო Telegram-ზე ინფორმაციას ავრცელებს, რომლის მიხედვითად უკრაინაში რადას ყოფილი დეპუტატი, დავით ჟვანია გარდაიცვალა. უკრაინული მედიის ინფორმაციით, ჟვანია ზაპოროჟიეს რაიონში, სოფელ ნოვოპოკროვკასთან საარტილერიო თავდასხმის შედეგად დაიღუპა.  

მეტი...

გაეროს გენერალურმა მდივანმა ანტონიო გუტიერეშმა, კიშინოვში მოლდოვის პრემიერ-მინისტრთან გამართულ პრესკონფერენციაზე უკრაინაში მიმდინარე ომის შედეგებზე ისაუბრა. ,,უკრაინის ომის გავლენა რეგიონსა და მსოფლიოში ღრმა და ფართო შედეგების მომტანია. ესკალაციის შედეგები ზედმეტად შიშის მომგვრელია. მე ღრმად ვარ შეშფოთებული ომის გაგრძელებითა და შესაძლო გავრცელებით, რომელსაც რუსეთი აწარმოებს უკრაინაში. ასევე იმ გავლენით, რომელიც მას აქვს არა მხოლოდ რეგიონში, არამედ მთელ მსოფლიოში. გაერო ერთგულია არა მხოლოდ უკრაინელი, არამედ მოლდოველი ხალხის მხარდაჭერაშიც ამ რთულ დროს. თქვენი სუვერენიტეტი, დამოუკიდებლობა, ტერიტორიული მთლიანობა და ის მტკიცე პროგრესი, რომელსაც ბოლო სამი ათწლეულის განმავლობაში მიაღწიეთ, არ უნდა შეირყეს,”- აღნიშნა ანტონიო გუტიერეშმა.

მეტი...

რუსმა სამხედროებმა  საჰაერო იერიში უკრაინის ქალაქ ოდესაზე მიიტანეს. დაიბომბა ერთ-ერთი ტურისტული ობიექტი და ხანძარი გაუჩნდა სავაჭრო ცენტრს. სამხრეთის ოპერატიული სარდლობის ინფორმაციით, დაბომბვის შედეგად დაიღუპა ერთი და დაშავდა 5 ადამიანი.  უწყების ცნობით, დაჭრილები საავადმყოფოში გადაიყვანეს, ხანძარი კი  ამ დროისთვის ლიკვიდრებულია.

მეტი...

თეთრ სახლში „ლენდ-ლიზის“ კანონის ხელმოწერას უკრაინის პრეზიდენტი ზელენსკი საკუთარ სოციალურ გვერდზე ეხმიანება როგორც პრეზიდენტი წერს, ეს ისტორიული ნაბიჯია. ,,მადლობელი ვარ აშშ-ის პრეზიდენტ ბაიდენისა და ამერიკელი ხალხის, ჩვენი თავისუფლებისა და მომავლისთვის ბრძოლაში უკრაინის მხარდაჭერისთვის. ,,ლენდ-ლიზის” შესახებ კანონის ხელმოწერა ისტორიული ნაბიჯია. დარწმუნებული ვარ, ისევ ერთად გავიმარჯვებთ და ჩვენ, დავიცავთ დემოკრატიას უკრაინაში და ევროპაში, როგორც 77 წლის წინ”, – წერს ზელენსკი. შეგახსენებთ, აშშ-ის პრეზიდენტმა ჯო ბაიდენმა ხელი მოაწერა კანონს, რომლის მიხედვითაც, აშშ უკრაინას სწრაფ და ეფექტურ სამხედრო დახმარებას გაუწევს. აშშ თავისუფალია, „ლენფ-ლიზის“ კანონს ხელი მოეწერა, რითაც უკრაინის მომარაგება უწყვეტად მოხდება

მეტი...

პრეზიდენტმა ჯო ბაიდენმა უკრაინისთვის „ლენდ-ლიზის“ შესახებ კანონს ხელი მოაწერა. კანონი ოფიციალურად ამოქმედდა. ხელის მოწერის ცერემონია კი თეთრ სახლში გაიმართა. კანონი პრეზიდენტ ბაიდენს შესაძლებლობას აძლევს, ეფექტურად და სწრაფად გაუგზავნოს იარაღი და სხვა სახის აღჭურვილობა უკრაინას. ,,ლენდ-ლიზის” პროგრამა მეორე მსოფლიო ომის დროს გამოიყენეს სწორედ ეს იყო შესაძლებლობა, შტატებს მოკავშირეებისთვის იარაღი და სხვა აღჭურვილობა ოპერატიულად მიეწოდებინა.  

მეტი...