დღე: მაისი 9, 2022

“ნატოს” გენერალური მდივანი იენს სტოლტენბერგი, რუსეთის პრეზიდენტს ვლადიმერ პუტინს მიმართავს და ომის დასრულებისკენ მოუწოდებს. ჩრდილო-ატლანტიკური ალიანსის გენერალური მდივანი, მედიასთან საუბრისას კიდევ ერთხელ ადასტურებს უკრაინის მიმართ მხარდაჭერას. “კიდევ ერთხელ მოვუწოდებ პრეზიდენტ პუტინს 9 მაისს, დაუყოვნებლივ დაასრულოს ომი, გაიყვანოს თავისი ჯარები უკრაინიდან და დაიწყოს სამშვიდობო მოლაპარაკებები. მტკიცედ ვდგავართ უკრაინის გვერდით და გავაგრძელებთ ქვეყნის დახმარებას თავდაცვის უფლებით ისარგებლოს,”- განაცხადა იენს სტოლტენბერგმა.

უკრაინის პრეზიდენტი, ვოლოდიმირ ზელენსკი 9 მაისთან დაკავშირებით მორიგ  ვიდეომიმართვას ავრცელებს. ზელენსკიმ აღნიშნა, რომ უკრაინელები მეორე მსოფლიო ომშიც ნაციზმის წინააღმდეგ იბრძოდნენ და გაიმარჯვეს, ისევე როგორც მისი რწმენით, გაიმარჯვებენ რუსეთის წინააღმდეგ ომში. “ჩვენ ვიბრძვით ჩვენი შვილების თავისუფლებისთვის და ამიტომ გავიმარჯვებთ. ჩვენ არასოდეს დავივიწყებთ იმას, რაც ჩვენმა წინაპრებმა გააკეთეს მეორე მსოფლიო ომში, რომელშიც რვა მილიონზე მეტი უკრაინელი დაიღუპა. ძალიან მალე უკრაინაში, ჩვენ გამარჯვების ორი დღე გვექნება, ვიღაცას კი არცერთი არ დარჩება. მაშინ მოვიგეთ. ჩვენ ახლაც გავიმარჯვებთ და ხრეშატიკი იხილავს გამარჯვების აღლუმს – უკრაინის გამარჯვებას! გილოცავთ ნაციზმზე გამარჯვების დღეს!  დიდება უკრაინას!”- განაცხადა ვოლოდიმირ ზელენსკიმ.

ოკუპირებული “სამხრეთ ოსეთის” ე.წ. ყოფილმა პრეზიდენტი ანატოლი ბიბილოვი ე.წ. არჩევნებში დამარცხდა. მან დამარცხება  აღიარა და ალან გაგლოევს გამარჯვება მიულოცა. აღნიშნულ ინფორმაციას “სპუტნიკი” ავრცელებს. „ჩემთვის ხალხის არჩევანი ეჭვგარეშეა და ჩემს სიტყვას ვასრულებ, როგორც პრინციპში ყოველთვის. ვფიქრობ, რომ არჩევნები შედგა, ყველამ იცით შედეგი. ალან გაგლოევს ვუსურვებ წარმატებულ მუშაობას”, – აღნიშნა ანატოლი ბიბილოვმა. ე.წ. ყოფილმა პრეზიდენტმა ბიბილოვმა მადლობა გადაუხადა ყველას, ვინც შეასრულა თავისი სამოქალაქო მოვალეობა და მათ, ვინც მას მხარი დაუჭირა. მანამდე ე.წ. რესპუბლიკის “ცესკომ” კენჭისყრის წინასწარი შედეგები გამოაცხადა: “ბიულეტენების 18 პროცენტის დამუშავების შემდეგ ლიდერობს პარტია “ნიხასის” ლიდერი ალან გაგლოევი 59,2 პროცენტით. ბიბილოვს…

„აზოვსტალის“ მეტალურგიულ ქარხანაში მდგომარეობა კრიტიკულია: სამედიცინო დახმარების უზრუნველსაყოფად საჭირო საშუალებების არარსებობის გამო, ჩვენი ჯარისკაცები იღუპებიან,”- აღნიშნულ ინფორმაციას, ,,აზოვის“ პოლკის მეთაურის მოადგილე, სვიატოსლავ პალამარი  ავრცელებს. სვიატოსლავ პალამარმას განცხადებით, დაღუპულთა  და დაჭრილთა რაოდენობა ყოველდღიურად იზრდება. „დაღუპულთა რაოდენობას არ ვაცხადებ. დამიჯერეთ, საუბარია ასობით უკრაინელ ჯარისკაცზე. დაჭრილია 600-მდე ადამიანი, მაგრამ ეს რიცხვი ყოველდღიურად იზრდება, ისევე როგორც დაღუპულების რაოდენობა“, – აღნიშნა პალამარმა. პალამარა აღნიშნავს, რომ ნანგრევებიდან ცხედრების ამოყვანა, ცეცხლის შეწყვეტის შეთანხმების შემდეგ გახდება შესაძლებელი. „ჩვენ არც კი ვიცით ზუსტად რამდენი სამხედროს ცხედრის ამოღება ვერ მოვახერხეთ ამ ნანგრევებიდან. მიმაჩნია, რომ რუსულ მხარესაც სჭირდება დაღუპული ჯარისკაცების ცხედრების…

,,ევროკავშირმა უნდა იფიქროს, რომ რუსეთის გაყინული სავალუტო რეზერვები უკრაინის აღდგენისთვის გამოიყენოს,” – აღნიშნული განცხადება, საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენლმა ჯოზეფ ბორელმა გააკეთა. ბორელის განცხადებით, აშშ-მა ავღანეთის ცენტრალური ბანკის რეზერვების მილიარდობით დოლარზე აიღო კონტროლი, რათა სხვა საკითხებთან ერთად გადაეხადა ტერორიზმის მსხვერპლთა კომპენსაცია. შესაბამისად, სავსებით ლოგიკურია მსგავს რამეზე ფიქრი  რუსეთთან მიმართებაში. „თანახმა ვიქნებოდი, რადგან ეს სრულიად ლოგიკურია. ფული გვაქვს და ვინმემ ამიხსნას, რატომ არის კარგი ავღანეთის ფულით ამის გაკეთება, რუსული ფულით კი არა“, – აღნიშნა ჯოზეფ ბორელმა.  

9 მაისს ევროკავშირის წარმომადგენლობა საქართველოში, ევროკავშირის წევრ სახელმწიფოებსა და საქართველოს მოქალაქეებთან ერთად, ევროპის დღეს აღნიშნავს. ევროპის დღეს, საქართველოს გვერდით არის ევროპის გუნდი, რომელიც ხაზს უსვამს ევროკავშირსა და საქართველოს შორის არსებულ მჭიდრო ურთიერთობას. ევროკავშირის ელჩი კარლ ჰარცელი,  ევროპის დღესთან დაკავშირებით ტრადიციულ განცხადებას ავრცელებს. ელჩი ყურადღებას ევროკავშირისა და საქართველოს საერთო ღირებულებებზე ამახვილებს და კიდევ ერთხელ ადასტურებს ევროკავშირის მხარდაჭერას საქართველოს მიმართ. ,,საქართველოში ჩვენი მჭიდრო პარტნიორობა   მომავალში გაიზრდება,  რადგან  საქართველომ  ისტორიული ნაბიჯი გადადგა – ევროკავშირში გაწევრიანებაზე განაცხადი შეიტანა  – მისი მოსახლეობის  აბსოლუტური უმრავლესობის მისწრაფებების შესაბამისად და ცივილიზაციურ ფესვებზე დაყრდნობით. საქართველოს პირველი რესპუბლიკის კონსტიტუცია ქართულ საზოგადოებასა და კულტურაში დემოკრატიის, თანასწორობის, მრავალფეროვნებისა და თავისუფლების ღირებულებების ღრმა საფუძვლის არსებობას გვაჩვენებს. ღირებულებებისა, რომელიც ყველასთვის დღემდე ძვირფასია და მათ დასაცავად გვინდა ერთობლივი მუშაობის გაგრძელება და ბრძოლა მთელ მსოფლიოში. ევროკავშირი საქართველოს გვერდით  დგას. ძლიერი, აყვავებული და დემოკრატიული ქვეყნის აღმშენებლობის მხარდასაჭერად”…

უკრაინული მედიის ინფორმაციით, „აზოვსტალის“ ქარხნის ტერიტორიიდან კიდევ 173 ადამიანის ევაკუაცია განხორციელდა. გავრცელებული ინფორმაციით, ათი ავტობუსი უკვე უკრაინის ხელისუფლების კონტროლირებად ტერიტორიაზეა. მარიუპოლის ქალაქის საბჭოს განცხადებით, „აზოვსტალიდან“ მშვიდობიანი მოქალაქეების ევაკუაციის  დროს,  სამი უკრაინელი ჯარისკაცი დაიღუპა, ექვსი კი დაშავდა. „უკრაინის შეიარაღებული ძალები და ლეგიონი „აზოვი“, უდიდესი ძალისხმევის ფასად, არა მხოლოდ ინარჩუნებენ თავდაცვას, არამედ შველიან სამოქალაქო პირებს. მტერი ამ დროს ურტყამს ზურგში. ცინიკურად, ეშმაკურად, რუსულად“, – აღნიშნულია განცხადებაში.

,,უკრაინაში ახლა კიდევ ოთხი ბუჩაა, რუსეთის არმია უკრაინაში გენოციდით არის დაკავებული,” – ამის შესახებ უკრაინის პრეზიდენტის ადმინისტრაციის მრჩეველმა, ალექსეი არესტოვიჩმა განაცხადა. არესტოვიჩის განცხადებით, რუსი სამხედროები მასობრივად აწამებენ და კლავენ მშვიდობიან მოსახლეობას. „ჯერჯერობით საკითხი უკრაინელი ხალხის გადარჩენაზეა, რადგან რუსული არმია აქ წმინდა გენოციდს ეწევა. სხვათა შორის, გაერო-ს საერთაშორისო სასამართლო ამ საქმეს სწორედ რუსეთის გენოციდად განიხილავს უკრაინის წინააღმდეგ – ასე ჰქვია საქმეს და არა სხვანაირად. მასობრივი გაუპატიურებები, ბავშვების, მოხუცების მკვლელობები, მშვიდობიანი მოსახლეობის სიკვდილით დასჯა და ა.შ. ჯერ რომელ „ძმობაზე“ შეიძლება, ვისაუბროთ? თუნდაც ურთიერთობების აღდგენა მოხდეს – ბოლოს და ბოლოს, მეზობლები ვართ – ეს…