თვე: ივლისი 2021

დღევანდელი მმართველი პარტიის ხელმძღვანელების, „ბოსების“ გაბედულებაში მე ყოველთვის ეჭვი მეპარებოდა, – ასე უპასუხა პარტია „საქართველოსთვის“ ლიდერმა გიორგი გახარიამ ჟურნალისტების შეკითხვას, რამდენად სავარაუდოა, რომ „ქართული ოცნება“ 19 აპრილის შეთანხმების ანულირების გადაწყვეტილებას ბიძინა ივანიშვილთან კონსულტაციების გარეშე მიიღებდა. როგორც გახარიამ აღნიშნა, მმართველ პარტიას საკუთარი აზრის გამოთქმის პრობლემა აქვს. „ამ ხალხს გამბედაობის სერიოზული პრობლემა აქვს, ამ ხალხს საკუთარი აზრის გამოთქმის პრობლემა აქვს“, – განაცხადა გახარიამ. ცნობისთვის, „ქართულმა ოცნებამ“ ევროპული საბჭოს პრეზიდენტის შარლ მიშელის ეგიდით შემუშავებული დოკუმენტი ე.წ. 19 აპრილის შეთანხმება ანულირებულად გამოაცხადა.

გუშინ „ქართულმა ოცნებამ“ დატოვა დასავლური სივრცე და პრაქტიკულად მთავარ სტრატეგიულ პარტნიორად რუსეთი აღიარა, – ამის შესახებ „ნაციონალური მოძრაობის“ თავმჯდომარე ნიკა მელიამ 19 აპრილის შეთანხმების ანულირებასთან დაკავშირებით განაცხადა. მისივე თქმით, 2 ოქტომბერს „ქართული ოცნების“ დამარცხება უნდა გაფორმდეს. „რამდენიმე დღის წინ გითხარით, რომ „ქართული ოცნება“, ოლიგარქია უნდა ჩაბარდეს წარსულს და აი, უკვე გუშინვე, „ქართულმა ოცნებამ“ თავად აღიარა, რომ ბარდება წარსულს და შეშინებულებმა, აცახცახებულებმა კარს მომდგარი დამარცხების წინაშე, მიიღეს ის გადაწყვეტილება, რაც მიიღეს. მაგრამ ეს არ ცვლის არანაირ გეგმებს ჩვენს დღის წესრიგში. არანაირი მნიშვნელობა არ აქვს, არანაირი ძალა არ აქვს „ქართული ოცნების“ სურვილს,…

“ნაციონალური მოძრაობის” ლიდერი ნიკა მელია საპარლამენტო მანდატს ტოვებს, დღეს სპეციალურად გამართულ ბრიფინგზე მან განაცხადა, რომ გუშინ “ქართულმა ოცნებამ” მიშელის დოკუმენტის ანულირებით დასავლური სივრცე დატოვა. “გუშინვე ოცნებამ აღიარა რომ ის ბარდება წარსულს. ეს არ ცვლის ჩვენს გეგმებს დღის წესრიგში. გუშინ ოცნებამ დატოვა დასავლური სივრცე და მთავარ სტრატეგიუპ პარტნიორად რუსეთი დაასახელა. კიდევ უფრო ნათელი გახდა რა არჩევანის წიკაშე დგას ქართველი ერი.  ჩვენ შევდივართ ბრძოლაში ამ ქვეყნის გამარჯვებისთვის. არანაირი სიტყვა ბოიკოტთან დაკავშირებით, ეს არის “ქართული ოცნების” ოცნება. რაც შეეხება პარლამენტს, მე ვტოვებ საპარლამენტო მანდატს და ხელით ტერფამდე ელენესთან ერთად გავდივწრ რეფერალენდუმში მონაწილეობის მისაღებად. გუნდის შიგნით…

თბილისის მერობის კანდიდატის ნიკა მელისა და საკრებულოს თავმჯდომარეობის კანდიდატის ელენე ხოშტარიას საარჩევნო შტაბი დააზიანეს. ჩამსხვრეულია ოფისის მინა. შემთხვევა ჭავჭავაძის გამზირზე მაშინ მოხდა, როცა ოფისში “ნაციონალური მოძრაობის” ლიდერებს შეკრება უნდა დაეწყოთ.

ჩოხატაურის მუნიციპალიტეტის მერიის არქიტექტურისა და სივრცითი მოწყობის სამსახურის უფროსმა გოგი ბოლქვაძემ პარტია “ქართული ოცნება” დატოვა და გიორგი გახარიას პარტიას “საქართველოსთვის” შეუერთდა. გადაწყვეტილების შესახებ ბოლქვაძემ განცხადება დღეს ფეისბუქის საკუთარ გვერდზე გამოაქვეყნა. მმართველი პარტიიდან წასვლის მიზეზად, “ქართული ოცნების” უკვე ყოფილი წევრი აცხადებს, რომ დღევანდელმა ხელისუფლებამ სწორ კურსს გადაუხვია და იმ გზას დაადგა, რომლის წინააღმდეგაც წლების წინ პარტია თავად იბრძოდა. კითხვაზე, იქნება თუ არა გახარიას პარტიის მერობის კანდიდატი ჩოხატაურში, პასუხისგან ბოლქვაძემ თავი შეიკავა. გოგი ბოლქვაძე პარტია “ქართული ოცნების” წევრი და აქტიური მხარდამჭერი 2012 წლიდან იყო. ბოლო ხუთი წელის განმავლობაში, ის ჩოხატაურის მუნიციპალიტეტის მერიაში…

გვეგონა, რომ ყველაფერი გამაოგნებელი ვნახეთ, მაგრამ გუშინ „ქართულმა ოცნებამ“ ყველანაირი მწვერვალი დაიპყრო და სახტად დატოვა მთელი მსოფლიო. რაც გუშინ „ქართულმა ოცნებამ“ ჩაატარა, არის სილა გაწნული ევროკავშირისა და შარლ მიშელისთვის, – ამის შესახებ „მოქალაქეების“ ლიდერმა ალეკო ელისაშვილმა განაცხადა. „ფერი ფერს და მადლო ღმერთსო“, ასეა „ქართული ოცნება“ და „ნაციონალური მოძრაობა“. ზუსტად ერთნაირები არიან შინაარსით, ფერი აქვთ სხვადასხვა. თავისი პარტიული ჭუჭრუტანის იქით ვერც „ნაციონალური მოძრაობა“ იხედება და ვერც „ქართული ოცნება“. „ნაციონალური მოძრაობა“ იქცეოდა უპასუხისმგებლოდ მთელი ამ თვეების განმავლობაში და არ აწერდა ხელს, ეს იყო გამაოგნებელი უპასუხისმგებლობა და გვეგონა, რომ ყველაფერი გამაოგნებელი ვნახეთ, მაგრამ…

ეს არის სიცანცარე, რასაც ზოგიერთი დაბოღმილი, პარლამენტში ვერმოხვედრილი პოლიტიკოსი ამბობს – “აი, გამოდით” და რა ხდება მერე? – შერცხვება ბიძინა ივანიშვილს ან ირაკლი კობახიძეს, გაწითლდებიან? და მერე რა მოხდება?!- ასე ეხმიანება “მოქალაქეების” ლიდერი ალეკო ელისაშვილი გამოთქმულ მოსაზრებებს იმის თაობაზე, რომ “ქართული ოცნების” მიერ მიშელის შეთანხმების ანულირების შემდეგ მათ პარლამენტი უნდა დატოვონ. კითხვაზე: დარჩენის შემთხვევაში რა მოხდება, ელისაშვილი აღნიშნავს, რომ „ქართულ ოცნებას“ იმას მაინც წამოაძახებენ, რომ უპასუხისმგებლოები არიან, ისევე როგორც „ნაციონალური მოძრაობა“. „გუშინ ვისმენდი – „არიქა, გამოდით პარლამენტიდან“, მაგრამ ცხელ გულზე მიღებული ნებისმიერი გადაწყვეტილება არის ნაჩქარევი გადაწყვეტილება, ასეთი გადაწყვეტილებების უმეტესი ნაწილი არის ხოლმე შეცდომა. ამ კითხვის ადრესატები…

მინდა, იმ იმედგაცრუებას შევუერთდე, რომელიც ჩვენს პარტნიორებს დაეუფლათ, მაგრამ ეს იმედგაცრუება გამოწვეულია იმ პოლიტიკით, რომელსაც მუდმივად ატარებს “ნაცმოძრაობა” და მის გარშემო შეკრებილი რამდენიმე პოლიტიკური სუბიექტი,- ამის შესახებ ჟურნალისტებთან პარლამენტის პირველმა ვიცე- სპიკერმა გია ვოლსკიმ განაცხადა. როგორც ვოლსკიმ აღნიშნა, მათ არგუმენტებს საერთაშორისო პარტნიორებს გაუზიარებენ. “მათი მიზანია სრული დესტრუქცია, დესტაბილიზაციის მცდელობა და რევოლუციურ სურათზე არათუ უარის თქმა, არამედ პარლამენტში შემოსვლით კიდევ იმ რესურსის მომრავლება, რომელსაც საბოტაჟი და ქვეყნის რყევის მცდელობა ჰქვია. ეს იმდენად თვალსაჩინო და ნათელია, რომ სხვა კომენტარი ვერ გვექნება. რეალურად, არ შეიძლება იმ შეთანხმებაში იყო, რომელსაც მხარს არ უჭერს შეთანხმების მთავარი…

არასაპარლამენტო ოპოზიცია „ქართული ოცნების“ ნაბიჯს მეორე დღეა სოციალურ ქსელში ეხმაურება. „ლეიბორისტული პარტიის“ წევრი ლაშა ჩხარტიშვილი პარლამენტში მყოფ ოპოზიციონერებს, საკანონმდებლო ორგანოს დატოვებას ურჩევს: “დაგუგლეეეთ” კი არა და…გამოდით “პარლამენტიდან”, სასწრაფოდ !“ – წერს ჩხარტიშვილი სოციალურ ქსელში.