დღე: ივნისი 28, 2021

გურიის რეგიონში სახელმწიფო რწმუნებულად გიორგი ურუშაძე დაინიშნა. პრემიერ-მინისტრის პრესსამსახურის ინფორმაციით, ირაკლი ღარიბაშვილმა ახლად დანიშნულ და ყოფილ გუბერნატორებთან, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძესა და მთავრობის ადმინისტრაციის რეგიონებთან ურთიერთობის დეპარტამენტის უფროს ლერი ბარნაბიშვილთან ერთად, სამუშაო შეხვედრა გამართა. მთავრობის მეთაურმა ახლად დანიშნულ გუბერნატორთან რეგიონში განსახორციელებელი პრიორიტეტული პროექტები განიხილა, რომლებიც მათ შორის პრემიერის მიერ ინიცირებული პროგრამის „განახლებული რეგიონების“ ფარგლებში იგეგმება. გიორგი ურუშაძე პროფესიით სამართალმცოდნეა. გურიის რეგიონში სახელმწიფო რწმუნებულად დანიშვნამდე იგი სახელმწიფო ქონების ეროვნულ სააგენტოში მუშაობდა, ხოლო მანამდე – სხვადასხვა თანამდებობაზე, ფინანსთა სამინისტროს მომსახურების სააგენტოში. გიორგი ურუშაძემ გურიის რეგიონში სახელმწიფო რწმუნებულის თანამდებობაზე გიორგი…

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 1989 წელს დაბადებული თ.კ. ჯანმრთელობის განზრახ მძიმე დაზიანების და წარსულში ნასამართლევი, 1986 წელს დაბადებული ა.მ. დანაშაულის შეუტყობინებლობის ბრალდებით, თბილისში დააკავეს. ინფორმაციას შსს ავრცელებს. უწყების ცნობით, გამოძიებით დადგინდა, რომ მიმდინარე წლის 27 ივნისს, თ.კ.-მ საბაგიროს თანამშრომელს, 1987 წელს დაბადებულ გ.ფ.-ს ცივი იარაღით ჭრილობები მიაყენა და მეგობართან – ა.მ.-სთან ერთად, შემთხვევის ადგილიდან მიიმალა. სამართალდამცველებმა ორივე მათგანი, მომხდარიდან რამდენიმე საათში, ცხელ კვალზე დააკავეს. გამოძიება სისხლის სამართლის კოდექსის 117-ე და 376-ე მუხლებით მიმდინარეობს, რაც ჯანმრთელობის განზრახ მძიმე დაზიანებას და დანაშაულის შეუტყობინებლობას გულისხმობს.

ქუდზე კაცი უნდა გავიდეს, დადგეს იქ, არ მისცეს იმ გარყვნილ და გაუბედურებულ ხალხს საქართველოს ღვთის რისხვა და განადგურება დაატეხონ თავზე, – ამის შესახებ „თბილისი პრაიდის“ ღონისძიებასთან დაკავშირებით მეუფე სპირიდონმა საკვირაო ქადაგებისას განაცხადა. მეუფე სპირიდონი მოქალაქეებს მოუწოდებს „თბილისი პრაიდის“ წინააღმდეგ გავიდნენ. „სოდომისტებს და ნამუსგარეცხილ ხალხს ავყვეთ? ეს გვინდა, საქართველო გავანადგუროთ? ამიტომ ყოველი კაცი, ქუდზე კაცი გავიდეს, დადგეს იქ, არ მისცეს იმ გარყვნილ და გაუბედურებულ ხალხს საქართველოს ღვთის რისხვა და განადგურება დაატეხონ თავზე. როგორც რიგითი ქართველი, ყველას მოგიწოდებთ, რომ გახვიდეთ, დადგეთ იქ და ამ გარყვნილებას არ მისცეთ ადგილი საქართველოში, ამ საშინელ გათახსირებას, რომელიც…

გვიან ღამით დასრულდა ბაგებში მომხდარი ინციდენტის მონაწილე პირების გამოკითხვა ვაკის პოლიციაში. ნასვამ მდგომარეობაში მყოფმა პირებმა საბაგიროს დაცვის თანამშრომელი მუცლის არეში დაჭრეს. დაზარალებული კლინიკაში გადაიყვანეს. მას გადაუდებელი ოპერაცია ჩაუტარდა. ექიმების თქმით, დაჭრილის სიცოცხლეს საფრთხე აღარ ემუქრება. წინასწარი ინფორმაციით, მომხდარს საბაგიროს რიგში მყოფ პირებთან შელაპარაკება უძღოდა წინ. გამოძიება 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

პანდემიის გამო დაწესებული რეგულაციების დარღვევაზე ამნისტიასთან დაკავშირებით მთავრობის ინიციატივა დღეს პარლამენტის ბიუროს სხდომაზე დარეგისტრირდება. საუბარია ორ კანონპროექტზე. ინიციატივის შედეგად, ამნისტია შეეხება 245 ათასზე მეტ საქართველოს მოქალაქესა და 350-მდე იურიდიულ პირს – მათ, ვინც დაარღვიეს იზოლაციის, კარანტინისა და პირბადის ტარების წესები. საერთო ჯამში, უქმდება, დაახლოებით, 76 მილიონი ლარის ჯარიმები. ოპოზიციაში ამ ინიციატივას მოახლოებულ არჩევნებს უკავშირებენ. “წინასაარჩევნოდ, ყოველთვის მორიგ ტრიუკს გადმოაგდებენ ხოლმე და ცდილობენ, არაპირდაპირი გზით მოისყიდონ და მოიპოვონ ამომრჩევლის კეთილგანწყობა. ვინც დააჯარიმეს, მათთვის იქნება შეღავათი, მაგრამ რა ვუყოთ მათ, ვინც უკვე გადაიხადა ჯარიმები? მოხდება მათი კომპენსირება თუ რითი დარეგულირდება ეს თემა?”-აცხადებს პარლამენტის ფრაქციის, “ერთიანი ნაციონალური…