დღე: ივნისი 23, 2021

გელათის ტაძარში არსებულ ხარვეზებს უცხოელი ექსპერტები შეისწავლიან. სპეციალისტები უკვე ტაძარში იმყოფებიან. ამ დროსთვის სამონასტრო კომპლექსში შესასვლელი მედიისთვის, ასევე სტუმრებისთვის დაკეტილია. ადგილზე იმყოფება კულტურის მინისტრის მოადგილე კახა სიხარულიძე. როგორც მან მედიასთან განაცხადა, ექსპერტები არსებულ მდგომარეობას ეცნობიან, შეისწავლიან, რის შემდეგაც დაიწყება სამუშაოები. მისივე თქმით, ექსპერტთა ვინაობა მათივე მოთხოვნის გამო არ სახელდება. “კულტურის სპორტისა და ახალგაზრდობის სამინისტროს დიდი ძალისხმევის შედეგად, პანდემიის პირობებში მოხერხდა უსწრაფეს ვადებში ევროპელი ექსპერტების ჩამოყვანა გელათის პრობლემებთან დაკავშირებით. ჩამოსული არიან ფერწერის ექსპერტები, სახურავის ექსპერტები, ისინი დაწერენ დიაგნოზს, თუ რაში მდგომარეობს პრობლემა, რა სიტუაციაა, შემდეგ დაბრუნდებიან თავიანთ ქვეყნებში, იქ გაკეთდება ყველაფრის…

ზაზა გახელაძის მამა ოკუპირებული ცხინვალის ტერიტორიაზე აღარ გადავა – ამის შესახებ მან ცოტა ხნის წინ განაცხადა. მიხეილ გახელაძის განცხადებით, გადაწყვეტილება პატრიარქის პატივისცემის გამო მიიღო, თუმცა აღნიშნავს, რომ აქციაზე უარის თქმას არ აპირებს. გახელაძის ოჯახთან სამღვდელოების წარმომადგენლები გუშინ იმყოფებოდნენ, რა დროსაც ცნობილი გახდა, რომ ზაზა გახელაძის ოკუპანტების უკანონო ტყვეობიდან დასახსნელად საკუთარ ძალებს საპატრიარქოც გამოიყენებს. კერძოდ, პატრიარქი რუსეთის პატრიარქს მიმართავს თხოვნით, იშუამდგომლოს რუსეთის ხელისუფლებასთან. დღეს ზაზა გახელაძის დაბადების დღეა. მისი გათავისუფლების მოთხოვნით და უკანონო ტყვეობის გასაპროტესტებლად ოჯახი აქციას სიმბოლურად სწორედ დღეს გეგმავს. უსაფრთხოების მიზნით, ქვემო ჭალიდან საოკუპაციო საზღვართან მიმავალ გზაზე სამართალდამცველები არიან…

ზაზა გახელაძეს დღეს ოკუპირებული ცხინვალის ციხეში 34 წელი უსრულდება. რუსი სამხედროების მიერ გატაცებული და დაჭრილი ახალგაზრდის ოჯახი სიმბოლურად საპროტესტო აქციას სწორედ დღეს აპირებს. საკუთარი შვილის დაბადების დღეს ოკუპირებულ ტერიტორიაზე გადასვლას გეგმავს ზაზა გახელაძის მამა. ის ამბობს, რომ მისთვის ეს შვილთან შეხვედრის ერთადერთი გზაა. ზაზა გახელაძის გათავისუფლების პროცესში პატრიარქი ერთვება. ცხინვალის ციხეში მყოფი უკანონო პატიმრის გათავისუფლებაზე ილია მეორე რუსეთის პატრიარქს ხელისუფლებასთან შუამდგომლობას სთხოვს. უკვე მზად არის შესაბამისი წერილიც. ამის შესახებ ინფორმაცია სამთავისისა და გორის ეპარქიების ხელმძღვანელებმა ზაზა გახელაძის ოჯახს თავად მიაწოდეს. სასულიერო პირები სოფელ ქვემო ჭალაში გვიან ღამით იმყოფებოდნენ.

დღეს საქართველოს მთავრობის ადმინისტრაციაში, პრემიერ-მინისტრ ირაკლი ღარიბაშვილის ხელმძღვანელობით, ეროვნული უსაფრთხოების საბჭოს სხდომა გაიმართება. პრესსამსახურის ინფორმაციით, სხდომა 10:00 საათზე დაიწყება. საბჭოს დღის წესრიგი უცნობია, თუმცა სხდომაზე სავარაუდოდ, საქართველოსა და რეგიონში უსაფრთხოების კუთხით შექმნილ ვითარებას განიხილავენ.

სახალხო დამცველს დღეს პარლამენტში ელოდებიან. ნინო ლომჯარია სესიაზე წლიური ანგარიშით წარსდგება. ანალოგიური დოკუმენტი ომბუდსმენმა მანამდე კანონმდებლებს საკომიტეტო მოსმენაზე გააცნო. ოპოზიციონერი დეპუტატები სახალხო დამცველის აპარატის მუშაობას დადებითად აფასებენ, თუმცა აქვთ შეკითხვები და რჩევებიც. “სტრატეგია აღმაშენებლის” წევრის თეონა აქუბარდიას თქმით, კითხვების მთავარი ადრესატი არა სახალხო დამცველი, არამედ მთავრობაა, რომელიც მის ანგარიშსა და რეკომენდაციებს არასათანადოდ ასრულებს. “გირჩში” თვლიან, რომ ომბუდსმენის ანგარიშში უამრავი რეკომენდაციაა და უმჯობესი იქნებოდა რჩევები ნაკლები ყოფილიყო, რაც უმრავლესობას სპეკულაციის საშუალებას არ მისცემდა. კითხვებისთვის ემზადება უმრავლესობაც. მათი თქმით, კითხვები იქნება იმასთან დაკავშირებით თუ როგორ ხედავს სახალხო დამცველი იმ გამოწვევებთან გამკლავების გზებს, რა…