დღე: ივნისი 21, 2021

საარჩევნო რეფორმასთან დაკავშირებით პარლამენტში წარმოდგენილ პოლიტიკურ ძალებს შორის შეხვედრა მიმდინარეობს. შეხვედრაში მონაწილეობენ: ირაკლი კობახიძე, შალვა პაპუაშვილი, იაგო ხვიჩია, ლევან იოსელიანი, პაატა მანჯგალაძე, ანა ნაცვლიშვილი, ასევე ცესკოს თავმჯდომარის მოადგილე გიორგი შარაბიძე. კონსულტაციის მთავარი თემაა საარჩევნო კოდექსზე ვენეციის კომისიისა და ოდირის რეკომენდაციები. მხარები იმსჯელებენ, რა უნდა აისახოს და როგორ შეიძლება დაკორექტირდეს პარლამენტის მიერ პირველი მოსმენით მიღებული „საარჩევნო კოდექსში“ ცვლილებების პროექტი. დღეს, ცვლილებებს მეორე მოსმენით იურიდიულ საკითხთა კომიტეტი განიხილავს.

პარლამენტის საგაზაფხულო სესიის ბოლო კვირა დაიწყო. რეგლამენტის მიხედვით, სესია ივნისის ბოლო პარასკევს იხურება. სწორედ 25 ივნისს, გაწეული მუშაობის ანგარიშით დეპუტატების წინაშე პრემიერ-მინისტრი წარდგება. სესიის დახურვის მიუხედავად, დეპუტატები საზაფხულო არდადეგებზე ჯერ არ მიდიან და რიგგარეშე სესიის ფორმატში ისინი მთელი ივლისის განმავლობაში იმუშავებენ. დაგეგმილია უზენაესი სასამართლოს მოსამართლეების არჩევასა და ცესკო-ს ახალი წესით დაკომპლექტების თაობაზე გადაწყვეტილებების მიღება.

ე.წ. კლანური მმართველობა და გაუმჭვირვალე გადაწყვეტილებები – იუსტიციის საბჭოს მონიტორინგის მე-9 ანგარიშის პრეზენტაციას დღეს ახალგაზრდა იურისტთა ასოციაცია გამართავს. ორგანიზაციაში განმარტავენ, რომ მთავარი პრობლემა მართლმსაჯულების სისტემაში კლანური მმართველობაა. ანგარიშში დარღვევებთან ერთად რეკომენდაციებიც იქნება წარმოდგენილი.

დღეს, 31 ოქტომბრის არჩევნებთან დაკავშირებით პარლამენტის საგამოძიებო კომისიის წევრების კითხვებს ცენტრალური საარჩევნო კომისიის თავმჯდომარე თამარ ჟვანია უპასუხებს. საგამოძიებო კომისია, 21 ივნისის სხდომაზე, ახსნა-განმარტებებს პროკურატურის წარმომადგენლებისგანაც მოისმენს. პარლამენტის საგამოძიებო კომისიამ 20 საარჩევნო უბნის შედეგები გადათვალა. მათგან ოთხი საარჩევნო უბნის კომისიის წევრები და ოლქის თავმჯდომარე პარლამენტში დაიბარა და კომისიის სხდომაზე გამოკითხა. საგამოძიებო კომისიის წევრების შეფასებით, გამოკვეთილი ხარვეზები ძირითადად ტექნიკური ხასიათისაა, რომელთაც საპარლამენტო არჩევნების შედეგზე გავლენა არ მოუხდენია.

მძიმე სოციალური მდგომარეობა, პანდემიასთან ბრძოლა, ქვეყნის საგარეო პოლიტიკა – ეს ის კითხვებია რომელსაც ოპოზიცია დაუსვამს პრემიერს. მართველი გუნდის ოპონენტები იმედოვნებენ , რომ ირაკლი ღარიბაშვილი მწვავე კითხვებს თავს არ აარიდებს. “დარწმუნებული ვარ, არ ექნება იოლი გასეირნება პარლამენტში, იმიტომ რომ ჩვენც სერიოზულად ვიქნებით მომზადებული პრემიერ-მინისტრის შესახვედრად,” – აცხადებს “ნაციონალური მოძრაობის” წევრი ზაალ უდუმაშვილი.

ვენეციის კომისიის დასკვნის შემდეგ, საქართველოს პარლამენტი „საარჩევნო კოდექსში“ დაგეგმილი ცვლილებების პროექტის განხილვას უბრუნდება. „საარჩევნო კოდექსში“ ცვლილებების მეორე მოსმენით განხილვას იურიდიულ საკითხთა კომიტეტი დღეს გააგრძელებს. ოპოზიციის ნაწილი აცხადებს, რომ საარჩევნო რეფორმასთან დაკავშირებით მმართველი გუნდისა და ოპოზიციის ხედვები დაახლოებულია. „საარჩევნო სისტემა არის 19 აპრილის შეთანხმების ის ნაწილი, სადაც, რეალურად, არის მნიშვნელოვანი წინსვლა და მხარეების მნიშვნელოვანი თანხმობა, როგორც ოპოზიციის, ასევე ხელისუფლების. უდიდეს ნაწილში ჩვენი ხედვები დაემთხვა ერთმანეთს. ამ მხრივ საკმაოდ დიდი პროგრესი გვაქვს. ასევე, არსებობს ვენეციის კომისიის საკმაოდ პოზიტიური დასკვნა“, – განაცხადა სერგო ჩიხლაძემ მმართველ გუნდში კი აცხადებენ, რომ ვენეციის კომისიის რეკომენდაციებს სრულად იზიარებენ და იმედს…