დღე: ივნისი 3, 2021

მუხრანში მცხოვრები 52 წლის ირმა ამირაშვილი, 15 დღის წინ თურქეთში გარდაიცვალა, ოჯახმა მისი გარდაცვალების შესახებ გუშინ შეიტყო, ოჯახი დახმარებას ითხოვს. ადვოკატი მამუკა ნოზაძე „მედიაცენტრ მთავრთან“ ყვება, რომ  საქართველოს საგარეო უწყებამ გარდაცვლილის ოჯახის თხოვნა უყურადღებოდ დატოვა: „ის მუშაობდა ქალაქ კონიაში, ოჯახის წევრებმა, შვილმა და მეუღლემ, რომლებიც საფრანგეთში არიან მომხდარის შესახებ გუშინ გაიგეს. ქალი 15 დღე გარდაცვლილია, თურქეთის მხარესთან, როცაა ჰქონდა ოჯახს კომუნიკაცია უთხრეს, რომ ქართულ საკონსულოსთან ჰქონდათ კონსულტაცია და ყურადღება არ მიაქციეს, თურქული მხარე გარდაცვლილის დასაფლავებას აპირებს, ოჯახი დახმარებას ითხოვს,“ – ამბობს „მედიაცენტრ მთავართან“ მამუკა ნოზაძე.

გუმათში პოლიციელზე განხორციელებულ თავდასხმაში ბრალდებულ ირაკლი მუკბანიანს აღკვეთის ღონისძების სახით პატიმრობა შეეფარდა. აღნიშნული გადაწყვეტილება ქუთაისის საქალაქო სასამართლომ მიიღო. დღევანდელ სასამართლო პროცესზე დაცვის მხარე ითხოვდა, რომ დაკავებულის მიმართ აღკვეთის ღონისძიების არცერთი სახე არ გამოყენებულიყო, ამასთან, მათ სასამართლოს ალტერნატივის სახით 10 000-ლარიანი გირაოს გამოყენებაც შესთავაზეს. მოსამართლემ ბრალდების მხარის შუამდგომლობა სრულად დააკმაყოფილა. ცნობისთვის, სამართალდამცავებმა 29 წლის ირაკლი მუკბანიანი სოფელ საყულიაში 1-ელ ივნისს დააკავეს. გამოძიების ინფორმაციით, მუკბანიანი „ნამახვანჰესის“ მშენებლობის საწინაღმდეგო აქციაზე სამართალდამცავს თავს დაესხა. მას ბრალი სისხლის სამართლის კოდექსის 353-ე პრიმა მუხლის პირველი ნაწილით აქვს წარდგენილი.

ახალი გარემოებებიდან გამომდინარე, გარდაცვლილი ექთნის, მეგი ბაქრაძის ადვოკატები პასუხისმგებელი პირების დროულად მხილების აუცილებლობაზე, კიდევ ერთხელ საუბრობენ. ოჯახის ადვოკატები ამბობენ, რომ საქმეს დაემატა ახალი მტკიცებულებები და ეს არის შპრიცები, რომლითაც იმუნიზაცია მოხდა. მათივე თქმით, დასტურდება, რომ მეგი ბაქრაძის კრიტიკულად მძიმე მდგომარეობის მიუხედავად სამედიცინო პერსონალს “ადრენალინი” არ გამოუყენებია, რამაც ფატალური შედეგი გამოიწვია. “ქალბატონ ვიოლეტა ინასარიძეს უნდა წარედგინოს ბრალი, მათ შორის სამსახურეობრივი გულგრილობის მუხლით. ამასთან, საქმეში იკვეთება სამედიცინო დოკუმენტაციის გაყალბება, რაც ცალკე გამოძიებას საჭიროებს. მოწმეთა ჩვენებებიდან იკვეთება, რომ მეგის გაუკეთდა “დექსამეტაზონი” და “დიმედროლი”, მაგრამ არ გაკეთებია “ადრენალინი”, რაც კიდევ ერთი ირიბი მტკიცებულებით დადასტურდა. ამოღებულ იქნა…