თვე: მაისი 2021

„ერთიანი ნაციონალური მოძრაობის“ თავმჯდომარე ნიკანორ  მელია  ოპოზიციურ პარტიებს მიმართავს და მოუწოდებს, ყველაფერი ნეგატიური დაივიწყონ, ისევ გაერთიანდნენ და ერთიანი ძალებით იბრძოლონ. „მინდა, მივმართო ჩვენს კოლეგა მეგობრებს ოპოზიციური პარტიებიდან, არ ვმალავ, ბევრ მათგანთან მეგობრული ურთიერთობა ჩამომიყალიბდა, დიდი პატივისცემით და მოწიწებით ვამბობ ამას.  უნდა გავაერთიანოთ საერთო ძალისხმევა, უნდა დავივიწყოთ წყენა, ყველა წვრილმანი, რომელზეც შესაძლებელია, ჩვენ ვკონცენტრირდებოდით. იცით რატომ? ყველა წვრილმანი, რომელზეც ჩვენ ვკონცენტრირდებოდით, განსაკუთრებით ბოლო პერიოდში, მართლაც წვრილმანია იმ დიდ ამოცანასთან შედარებით, რასაც მტაცებლებისგან სახელმწიფოს გათავისუფლება ჰქვია“ – განაცხადა მელიამ პოლიტიკური საბჭოს დასრულების შემდეგ. მისივე თქმით, ახლა არ არის დრო, დამნაშავე და უდანაშაულო ეძებონ, მთავარია…

„ერთიანი ნაციონალური მოძრაობა“ ევროპელი მედიატორების მიერ შემოთავაზებულ დოკუმენტზე უარს საბოლოოდ ამბობს და მასზე ხელმოწერას არ აპირებს. როგორც „ნაციონალური მოძრაობის“ თავმჯდომარე ნიკანორ მელიამ პოლიტიკური საბჭოს დასრულების შემდეგ განაცხადა, შეთანხმებაში არის ერთი პუნქტი, რომელიც მათთვის კატეგორიულად მიუღებელია. „მივიღეთ გადაწყვეტილება, რომ ევროპული მედიაციით შემოთავაზებულ დოკუმენტს ხელს არ ვაწერთ, მაგრამ უდიდეს პატივისცემას ვუდასტურებ ევროკავშირს, პერსონალურად პრეზიდენტ მიშელს, დანიელსონს, კელი დეგნანს და განსაკუთრებული მადლობა კარლ ჰარცელს. ამ შეთანხმებაში არის ერთი პუნქტი, რომელიც კატეგორიულად მიუღებელია, თუმცა,  სხვა საკითხებთან მიმართებაში, ჩვენ თავიდან ბოლომდე ჩავერთვებით საკანონმდებლო საკითხების გადაწყვეტაში და ვიბრძოლებთ სხვა ოპოზიციურ პარტიებთან ერთად, რომ ეს მავნებლობა, რომელსაც…

„ერთიანი ნაციონალური მოძრაობის“ პოლიტიკური საბჭოს გადაწყვეტილებით, პარტია საკანონმდებლო ორგანოში შევა და კუთვნილ ადგილებს დაიკავებს. განცხადება პარლამენტში შესვლის შესახებ ნიკანორ მელიამ პოლიტსაბჭოს სხდომის დასრულების შემდეგ ბრიფინგზე გააკეთა. „ყველგან ექნება ბიძინა ივანიშვილს ბრძოლა, რადგან წელს ბიძინა ივანიშვილის ოლიგარქიული რეჟიმი უნდა დამარცხდეს და დამარცხდეს ქართველი ხალხის სახელით. ყველაფერი ჩვენზეა დამოკიდებული. მე ბევრი რეგიონი შემოვიარე და დავრწმუნდი, რომ საზოგადოება ელოდება გამარჯვებას, პერსპექტივის დაბრუნებას, იმედის გაღვივებას. ეს ყველაფერი არის ჩვენზე, პოლიტიკოსებზე დამოკიდებული“ – განაცხადა მელიამ. მისივე თქმით, ბოიკოტის შესახებ ოპოზიციის მიერ მიღებული გადაწყვეტილება გააზრებული და გამართლებული იყო.

საკანონმდებლო ორგანოში, უახლოეს დღეებში კანონპროექტი დარეგისტრირდება, რომელიც ნასვამ მდგომარეობაში საჭის მართვისთვის სანქციების გამკაცრებას ითვალისწინებს. კერძოდ, თუ პარლამენტმა კანონპროექტი დაამტკიცა, ნასვამ მძღოლს, საჯარიმო სანქციის გადახდასთან ერთად, პატიმრობაც მოუწევს. ინიციატივა საპარლამენტო ოპოზიციას, კერძოდ კი ლევან იოსელიანსა და ალეკო ელისაშვილს ეკუთვნის. კანონპროექტის მიხედვით, ცვლილებები შედის “ადმინისტრაციულ სამართალდარღვევათა კოდექსის” 116-ე მუხლში. მის მიხედვით,  „სატრანსპორტო საშუალების ალკოჰოლური სიმთვრალის მდგომარეობაში მართვისთვის, ასევე სატრანსპორტო საშუალების მართვისას კანონმდებლობით დადგენილი წესით ალკოჰოლური სიმთვრალის დასადგენად შემოწმებისათვის თავის არიდებისთვის, პასუხისმგებლობად განისაზღვრება სატრანსპორტო საშუალების მართვის უფლების 1 წლით შეჩერება, ნაცვლად 6 თვისა“. გარდა აღნიშნულისა, „მართვის უფლების შეჩერების პერიოდში, სატრანსპორტო საშუალების მართვა ალკოჰოლური სიმთვრალის…

ყოფილი პრემიერ-მინისტრი,  პარტია „საქართველოსთვის“ თავმჯდომარე გიორგი გახარია აცხადებს, რომ ის თბილისის მერობისთვის ბრძოლას არ აპირებს. როგორც მან მედიასთან განაცხადა, მასზე ბევრად უკეთესი კანდიდატი არსებობს. გიორგი გახარია პარტიაში ყველას ეპატიჟება და კარს უხსნის. „ჩვენი პარტიის კარი ღიაა ყველა იმ ადამიანისთვის, რომელსაც შეუძლია, თვალი გაუსწოროს სიმართლეს, რომელსაც ჰყოფნის სითამამე, ეს სიმართლე წარმოთქვას და აღიაროს ქვეყნის, მოქალაქეების წინაშე და რომელსაც შესწევს ძალა, არა სხვებზე ხელის გაშვერითა და მითითებით, არამედ ყოველდღიური ქმედებით, საკუთარ თავზე პასუხისმგებლობის აღებით, ყოველდღიურად იშრომოს, ემსახუროს სახელმწიფოს. სახელმწიფოს, რომელმაც უნდა დაიცვას თითოეული ჩვენი მოქალაქე და სახელმწიფოს, რომელმაც უნდა დაიცვას ჩვენი სამშობლო დღეს,…

გიორგი გახარია ქვეყნის სისუსტეებზე საუბრობს და აცხადებს, რომ ქვეყნის მთავარი პრობლემა კორუფცია, ნეპოტიზმი და სუსტი ინსტიტუტებია. აღნიშული განცხადება მან პარტიის – „საქართველოსთვის“ პრეზენტაციაზე გააკეთა. „ქვეყნის მთავარი პრობლემა არის სუსტი ინსტიტუტები, ქვეყნის მთავარი პრობლემა არის კორუფცია და ნეპოტიზმი, ქვეყნის მთავარი პრობლემა არის სწრაფი ეკონომიკური განვითარება.  რა არის ჩემთვის კატეგორიულად და პრინციპულად მიუღებელი? კატეგორიულად, პრინციპულად მიუღებელი არის ის, რომ „ქართული ოცნება“, პარტია, იმასაც კი, სადაც მართლა თანხმდება და გარკვეული მიღწევები და პროგრესი ჰქონდა, იმასაც დღეს თავისი წარმატების დასაფიქსირებლად ადარებს 10-15 წლის წინანდელ წარსულს. ეს ჩემთვის მიუღებელია. ეს არის ის, რაც ქვეყნის განვითარების…

პარტია „საქართველოსთვის“ თავმჯდომარე გიორგი გახარია უარყოფს ინფორმაციას, რომ ის ბიძინა ივანიშვილის პროექტია.   „არასოდეს არავის პროექტი არ ვყოფილვარ და მით უმეტეს, მომავალში არ ვიქნები არავის პროექტი“, – ასე უპასუხა ყოფილმა პრემიერ-მინისტრმა მედიის კითხვას, რომელიც ბიძინა ივანიშვილს პროექტს ეხებოდა. გიორგი გახარიამ დღეს პარტიის პრეზენტაცია გამართა და პოლიტიკური საბჭოს შემადგენლობა დაასახელა. ასევე, განმარტა, რომ ის არც ერთ კითხვას გაურბის და მზადაა, ყველას პასუხი გასცეს.

საქართველოს ყოფილი პრემიერ-მინისტრი გიორგი გახარია მის მიმართ არსებულ კითხვებზე პასუხებს არ გაურბის და აცხადებს, რომ მას არაფრის ეშინია. როგორც  პარტია „საქართველოსთვის“ დამფუძნებელმა პარტიის პრეზენტაციაზე აღნიშნა, მისი მიზანია რადიკალიზმის დასრულება და ამ მიმართულების ძალებთან თანამშრომლობას არ აპირებს. „მინდა დაგპირდეთ და დაგარწმუნოთ, რომ არ მეშინია არაფერზე საუბრის, რაც გამიკეთებია და რაშიც მონაწილეობა მიმიღია. როგორც აქამდე გამიცია ნებისმიერ კითხვაზე პასუხი, ასე გავაგრძელებთ. იმიტომ, რომ ჩვენი ყველა ნაბიჯის ძირითადი განმსაზღვრელი არგუმენტი და ფაქტორი იყო ფასეულობები ქვეყნის და სახელმწიფოს მსახურება“, – განაცხადა გახარიამ. რაც შეეხება სხვა პოლიტიკურ ძალებთან თანამშრომლობას, მისი პოზიცია შემდეგია: „ჩვენი მთავარი მიზანია,…

პარტია „საქართველოსთვის“ თავმჯდომარე გიორგი გახარია პრემიერ-მინისტრობიდან გადადგომასა და გუნდიდან წასვლის მიზეზებს განმარტავს და აცხადებს, რომ ეს პარტიული ინტერესების სახელმწიფო ინტერესებზე მაღლა დაყენების გამო მოხდა.   „მე ვიყავი ამ პოლიტიკური რეალობის ნაწილი და მე გადავდექი დაკავებული თანამდებობიდან. გადავდექი სწორედ იმიტომ, რომ პარტია დაშორდა რეალურ პრობლემებს, რიგითი მოქალაქეების პრობლემებს, მარტივი მიზეზის გამო, რატომღაც ჩაითვალა, რომ პოლიტიკურ ოპონენტებთან ბრძოლა ბევრად უფრო მნიშვნელოვანი თემაა, ვიდრე ჩვენი რიგითი მოქალაქეების ყოველდღიურ პრობლემებზე ზრუნვა. გადავდექი იმიტომ, რომ ამას ვამბობ აბსოლუტურად გულწრფელად, რვაწლიანი მმართველობის შემდგომ, მმართველი პარტია თავის თუნდაც ყველაზე დიდ მიღწევებს ადარებდა 10-15 წლის წინანდელ რეალობას, ამით…

გიორგი გახარიას პარტია ,,საქართველოსათვის” წევრის  ანა ბუჩუკურის განცხადებით, გიორგი გახარიას გუნდის ღირსეული კანდიდატები ეყოლება.   “ჩვენ მონაწილეობას მივიღებთ აბსოლუტურად ყველა პოლიტიკურ პროცესში, მათ შორის რა თქმა უნდ არჩევნებში.შემიძლია გითხრათ ამ რომ ჩვენი ყველა კანდიდატი იქნება ღირსეული’’ – ამბობს ბუჩუკური.  ბუჩუკური ქართული ოცნების დეპუტატების მიერ ბოლო დროს გაკეთებულ განცხადებებსაც გამოეხმაურა, რომლის მიხედვითაც გახარიას ყოფილი თანაგუნდელები ამტკიცებენ, რომ გახარიას რეიტინგი დამოუკიდებლად არ აქვს და არც პოლიტიკაში აქვს პერსპექტივა.  ,,გიორგი გახარიას და ჩვენი გუნდის რეიტინგი გაიზომება არჩევნებზე. რეიტინგებს ზოგადად ზომავს ამომრჩეველი,“ – განაცხადა ანა ბუჩუკურმა  გიორგი გახარიას პარტიის სადამფუძნებლო კონფერენცია ექსპო ჯორჯიაში იმართება. მოსახლეობას 6 საათიდან…

დიდუბის საგამოფენო სივრცის პავილიონი, სადაც გიორგი გახარიას პარტიის პრეზენტაცია რამდენიმე წუთში დაიწყება, თითქმის შევსებულია. მოწვეული 400 სტუმარი ადგილზეა, პერიმეტრს კი დაცვის სამსახური იცავს და პოლიცია აკონტროლებს. პავილიონის გარეთ კი ხმაურია. სამოქალაქო აქტივისტები და „ნაციონალური მოძრაობის“ მხარდამჭერები აქციას მართავენ და ყოფილი პრემიერის მხრიდან პოლიტიკაში დაბრუნებას აპროტესტებენ. მათ, გარე პერიმეტრი პლაკატებით ააჭრელეს, სადაც ძირითადად 20 ივნისს დაზარალებულთა ფოტოებია გამოსახული. ყოფილი პრემიერ-მინისტრის პარტიის – „საქართველოსთვის“ პრეზენტაცია კი ზუსტად 17:00 საათზე დაიწყება.

სამოქალაქო აქტივისტებმა დიდუბის საგამოფენო ცენტრთან, სადაც რამდენიმე წუთში გიორგი გახარიას პარტიის პრეზენტაცია დაიწყება,  პლაკატები გაშალეს. „არ შეგარჩენთ 20 ივნისს“ –  ეს არის მთავარი ბანერი, რომელიც აქტივისტებმა მიმდებარე ტერიტორიაზე გაშალეს. აქციის მონაწილეები „შეიარაღებულები“ არიან სხვადასხვა “ტრანსფარანტებით”. აქვთ 20 ივნისის ფოტოები და ბანერები, სადაც გამოსახულია 20 ივნისს გამოყენებული რეზინის ტყვიები. ადგილზე მობილიზებულია პოლიცია. შეგახსენებთ, რომ რამდენიმე წუთში, დიდუბის საგამოფენო სივრცეში, გიორგი გახარიას პარტიის პრეზენტაცია დაიწყება.   

დაახლოებით ერთ საათში, ყოფილი პრემიერ-მინისტრი გიორგი გახარია პარტიის დაარსების შესახებ განაცხადს გააკეთებს და საკუთარ გუნდსაც წარადგენს. მანამდე კი, როგორც ოპოზიცია, ისე მმართველი გუნდი მის სხვადასხვა კავშირებზე საუბრობს, და აცხადებს, რომ ეს არ იქნება დამოუკიდებელი თამაში. როგორც „გირჩის“ ერთ-ერთმა ლიდერმა იაგო ხვიჩიამ მედიასთან განაცხადა, გიორგი გახარიას „დამოუკიდებლობა“ საეჭვოა, თუმცა, დარწმუნებულია, რომ ის ამომრჩევლებს მმართველ გუნდს წაართმევს. „რა ინფორმაციაც მე გამაჩნია ბატონ გახარიაზე, მის გუნდზე, მის სამომავლო გეგმებსა და მიზნებზე დასკვნების გამოტანა არ იქნება სწორი. ის, რომ ახალი ადამიანი შემოდის ოპოზიციაში, რომელსაც სპეციფიკური პოლიტიკური „სივი“ აქვს, პოლიტიკურ თამაშს ალბათ ეს უფრო საინტერესოს გახდის.…

პარლამენტის ოპოზიციონერი წევრი იაგო ხვიჩია „ნაციონალურ მოძრაობას“ პარლამენტში ეპატიჟება და მზადაა, სიხარულის ნიშნად, საკანონდებლო ორგანოსთან წყლის პისტოლეტით დახვდეს.   როგორც „გირჩის“ ერთ-ერთი ლიდერი აცხადებს, პარლამენტში მეტი მრავალფეროვნებაა საჭირო. „ვფიქრობდი, წყლის პისტოლეტებით, ხომ არ გავწუწოთ-მეთქი შემოსასვლელში. თან, ზაფხულია და არ ეწყინებათ. თან, გავერთობოდით. მაგრამ მერე მაინც გადავიფიქრე, ვიფიქრე პოლიტიკურ კუდს მოაბამენ ამას-თქო.  დიდი ხანია ველოდებით “ნაციონალურ მოძრაობას” პარლამენტში და მივესალმებით მათ ამ გადაწყვეტილებას,” – განაცხადა იაგო ხვიჩიამ მედიასთან. „ერთიანი ნაციონალური მოძრაობის“ პოლიტსაბჭოს სხდომა ხვალ არის დაგეგმილი. სწორედ  სხდომაზე გადაწყდება შედის თუ არა პარტია პარლამენტში.

სამართალდამცველების მიერ განხორციელებული მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 1 332 ფაქტი გამოვლინდა. როგორც „მედიაცენტრ მტავარს“ უწყებიდან აცნობეს, პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 80 პირი დააჯარიმა. „დაჯარიმებულთა შორის არიან მოქალაქეები, რომლებმაც 23 საათიდან დილის 5 საათამდე დაწესებული გადაადგილების შეზღუდვის წესი დაარღვიეს. გარდა ამისა, ბოლო 24 საათის განმავლობაში, პირბადის ტარების წესის დარღვევის ფაქტზე, ადმინისტრაციულ სამართალდარღვევათა კოდექსის 42(11)-ე მუხლის შესაბამისად 1 024 ფიზიკური პირი დაჯარიმდა, ხოლო პირბადის ტარების წესის განმეორებით დარღვევის 228 ფაქტი გამოვლინდა. შინაგან საქმეთა სამინისტრო კვლავ მოუწოდებს მოქალაქეებს, დაიცვან…