დღე: მაისი 5, 2021

დაავადებათა კონტროლისა და საზოგადოებრივი ჯანდაცვის  ეროვნული ცენტრის სამეცნიერო საბჭოს ხელმძღვანელი პაატა იმნაძე „მედიაცენტრ მთავართან“ საუბარში ადასტურებს, რო საქართველოში არაერთი შემთხვევა დადასტურდა, როცა ვაქცინირებული ადამიანები დაინფიცირდნენ. „გიდასტურებთ, რომ ჩვენთან არის შემთხვევები, როცა პირველი დოზით ვაქცინირების შემდეგ ადამიანები დაინფიცირდნენ. მათი რიცხვი ერთეულები არ არის,  თუმცა, ამ ვაქცინის მთავარი დამსახურება სწორედ ის არის, რომ არც ერთ მათგანს, ვინც  ვაქცინაციის შემდეგ დაინფიცირდა, გართულება არ ჰქონია. დაავადება ძალიან მსუბუქად მიმდინარეობდა და მალევე გამოჯანმრთელდნენ“ – განუცხადა პაატა იმნაძემ „მედიაცენტრ მთავარს“.    მისივე შეფასებით, თბილისში, „სინოფარმის“ აცრაზე, თვის მეორე ნახევრის ჩათვლით, ყველა ადგილი დაჯავშნილია, რაც საიმედო სურათია.

დაავადებათა კონტროლისა და საზოგადოებრივი ჯანდაცვის  ეროვნული ცენტრის სამეცნიერო საბჭოს ხელმძღვანელის, პაატა იმნაძის განცხადებით, ქვეყანაში ინფიცირების მაჩვენებელი, ყოველდღიურად, 1500 ინფიცირებულზე ავიდა. როგორც იმნაძემ „მედიაცენტრ მთავართან“ საუბარში განაცხადა, აქაც, ძირითადი პრობლემა სუფრა, ქეიფი და გართობაა. „რეგულაციები იმიტომ არსებობს რომ მოხდეს მისი ზუსტი დაცვა. ტრასპორტის მოძრაობის შეჩერებაც სწორე მობილობის შემცირებას უკავშირდება. მობილობის შემცირება ნიშნავს იმას, რომ გლდანიდან ვარკეთილში ან ერთი კუთხიდან მეორეში სტუმრად,  საქეიფოდ  არ უნდა დავდიოდეთ. სხვანაირად მობილობა ვერ შემცირდება და ვერც ვირუსს შევაკავებთ. სუფრა პრობლემური სწორედ იმიტომაა, რომ სუფრაზე, ძალიანაც რომ გინდოდეს, პირბადით ვერ დაჯდები“,, – განუცხადა პაატა იმნაძემ „მედიაცენტრ მთავარს“.…