თვე: აპრილი 2021

ქვეყნის მთავარი გამოწვევები და საფრთხეები – პარლამენტი 3 საათია სახელმწიფო უსაფრთხოების სამსახურის ხელმძღვანელს უსმენს. ამ წუთებში სხდომა დახურულია და კითხვა პასუხის რეჟიმში მიმდინარეობს. სუს-ის ხელმძღვანელის განცხადებით, ქვეყნის მთავარ გამოწვევად კვლავ რუსული ოკუპაცია და საინფორმაციო ომი რჩება. საქართველოს სახელმწიფო უსაფრთხოების სამსახურის უფროსმა გრიგოლ ლილუაშვილმა განაცხადა, რომ ხელისუფლებამ უნდა აწარმოოს დიალოგი “ჩვენს აფხაზ და ოს ძმებთან”, თუმცა სიფრთხილეა საჭირო, რომ პასუხისმგებლობა არ აიცილოს ძალამ, რომელიც “რეალურად ახორციელებს დღესდღეობით ეფექტურ კონტროლს.” “ყველაზე დიდი გამოწვევა, რაც რეგიონალურ ჭრილში ჩვენ წინაშე, იდგა ეს იყო ჩვენს მეზობლად არსებული კონფლიქტი, ყარაბაღს ვგულისხმობ. მიმდინარე საბრძოლო მოქმედებების ფონზე საქართველოს…

მარნეულში, საკრებულოს შენობასთან, სადაც მოძრაობა „საქართველოსთვის“ წევრები სამოქალაქო აქტივისტ გიორგი მუმლაძის ძმის სამსახურიდან გათავისუფლებას აპროტესტებენ, პოლიციამ 6 პირი დააკავა. როგორც „მედიაცენტრ მთავარს“ შინაგან საქმეთა სამინისტროში განუცხადეს, ადმინისტრაციული სამართალწარმოება 166-ე და 173-ე მუხლებით მიმდინარეობს. ცნობისთვის, მოძრაობა „საქართველოსთვის“ წევრები მარნეულში, საკრებულოს შენობასთან აქტივისტ გიორგი მუმლაძის ძმის სიმონ მუმლაძის სამსახურიდან გათავისუფლებას აპროტესტებენ. სამოქალაქო აქტივისტები ამბობენ, რომ სიმონ მუმლაძის სამსახურიდან გათავისუფლება მისი ძმის, გიორგი მუმლაძის სამოქალაქო აქტივობას უკავშირდება. დაპირისპირება მას შემდეგ დაიწყო, როდესაც ისინი საკრებულოს შენობაში შესვლას და განმარტებას ითხოვდნენ, თუ რატომ მოხდა აქტივისტ გიორგი მუმლაძის ძმის სამსახურიდან გათავისუფლება.

ოკუპირებული სამხრეთ ოსეთის ე.წ. პრეზიდენტის, ანატოლი ბიბილოვის დაცვის წევრი დე ფაქტო ჯანდაცვის მინისტრს ფიზიკურად გაუსწორდა.  დაშავებულს სახეზე ნაკერები დაადეს. ფოტოს და შესაბამის ინფორმაციას სოციალურ ქსელში ადგილობრივი აქტივისტი, გიორგი აბაევი ავრცელებს.  “ყურადღება! მნიშვნელოვანია! იმ ფაქტს, რომ სამხრეთ ოსეთში ამჟამინდელი “მთავრობა” წარმოადგენს დამნაშავეთა და უკანონო ადამიანთა შეკრებას, ცხადყოფს ეს ფოტოც. ინფორმაციის თანახმად, “ჯანდაცვის მინისტრს”, გეორგი ტოტჩიევს სასტიკად სცემა “პრეზიდენტ” ბიბილოვის დაცვის ერთ-ერთმა დაცვამ. ჩემი წყაროების თანახმად, დაცვის ეს თანამშრომელი გაბარაევია,” – წერს ადგილობრივი აქტივისტი.

“ამ კახელებისაც გამკვირვებია, კაცი ყოველ ღამეს თქვენი გულისთვის თავს საფრთხეში იგდებს და კახეთში შემოჭრილ აღა მაჰმად ხანს ეომება,” – ირაკლი ოქრუაშვილი სოციალურ ქსელში ალეკოს ელისაშვილზე წერს. „გადაახურა “ДШК” ხომ ხედავთ და ვეღარ არტყამს მიზანში. არ ეხმარებით, არ ეხმარებით და ერთი საარაყე ქვაბის გაგრილების სისტემა მაინც ათხოვეთ რომ ლულა გააციოს,“ – წერს ოქრუაშვილი. ცნობითვის, რამდენიმე დღის წინ ალეკო ელისაშვილმა ერთ – ერთ ეთერში გაანცხადა, რომ სიზმარში აღა მაჰამ ხანს ეომება.

საკრებულოს ყოფილი წევრი,  ვატო შაქარაშვილი და მომღერალი, გია გაჩეჩილაძე ამბობენ, რომ სასამართლო მედიის გავლენის ქვეშაა მოქცეული, მათ დღეს სასამართლოში მიიტანეს დოკუმენტი, რომლის თანახმადაც ვახო სანაიას თავდსხმაში ბრალდებულებს, 2000 ადამიანი უდგება თავდებში: „სამწუხაროდ, ასეთ ქვეყანაში ვცხოვრობთ, ეს ადამიანები აღდომას დატოვეს ციხეში, სანაია ასამართლებს ხალხს,“ – თქვა უცნობმა სასამართლოს ეზოში. გარდა არსებული საქმისა, აღძრულია ახალი საქმეც, ვახო სანაისა და მის მეუღლეს ადვოკატის ინფორმაციით მუქარის წერილებს უგზავნიან, პროკურატურის ინფორმაციით კი წერილები პენიტენციალური დაწესებულებიდან არ იგზავნება. “სახელმწიფოს რეაქცია უდნა იყოს ადეკვატური მსგავს შემთხვევებზე, სასამართლომ ჩათვალა, რომ არსებობდა ახალი დანაშაულის ჩადენის საფრთხეები, უცნობის ინტერესი რა…

ოზურგეთის მუნიციპალიტეტის სოფელ შემოქმედის სასაფლაოზე რამდენიმე საფლავი გაძარცვეს. წაღებულია ღობის და კარების ფრაგმენტები. გაძარცვულია დაახლოებით 10-მდე საფლავი. გამოძიება 258-ე მუხლის მეორე ნაწილით დაიწყო, რაც საფლავში ჩატანებული ან საფლავზე არსებული ნივთის მართლსაწინააღმდეგო დაუფლებას გულისხმობს და ისჯება ჯარიმით ან შინაპატიმრობით ვადით ერთიდან ორ წლამდე ანდა თავისუფლების აღკვეთით ვადით ორ წლამდე.

თბილისის საქალაქო სასამართლომ პატიმრობაში დატოვა სამივე ბრალდებული, რომელსაც გამოძიება “ფორმულას” ჟურნალისტ ვახო სანაიაზე ჯგუფურ თავდასხმას ედავება. მოსამართლემ მიიჩნია, რომ არსებობდა დანაშაულის ჩადენის განმეორების მაღალი რისკი. მოსამართლემ არ დააკმაყოფილა “აი იას” შეგროვებული ხელწერილები, რომლითაც მომღერალი გია გაჩეჩილაძე (“უცნობი”) და თბილისის საკრებულოს წევრი, ვატო შაქარიშვილი დაკავებულების თავდებობით გათავისუფლებას ითხოვდნენ.

საქალაქო სასამართლოში ვახო სანაიაზე თავდასხმის საქმეზე სასამართლო პროცესი მიმდინარეობს. დღევანდელ სხდომაზე მხარეები შესავალი სიტყვით უნდა წარსდგნენ. საქალაქო სასამართლოში მივიდა მომღერალი გია გაჩეჩილაძე იგივე უცნობი, რომელიც ვახო სანაიას წინააღმდეგ კამპანიას აწარმოებს. “არ ვემხრობი იმას, რომ ადამიანს, ვიდრე სასჯელი არ გამოუტანიათ, მათ ვეძახოთ მოძალადეები და დამნაშავეები. ამის მოსმენა მინდა რა მოხდა. მოვუსმინეთ სანაიას, ახლა მინდა ამ ბიჭებს მოვუსმინო და სანამ ორივე მხარეს არ მოვუსმენ, დასკვნას ჩემით ვერ გამოვიტან,”- აღნიშნა გია გაჩეჩილაძე.  დაზარალებული ჟურნალისტი ვახო სანაია კი, გოგა ხაინდრავასა და გია გაჩეჩილაძე, ხელისუფლებისგან დაქირავებულებს უწოდებს. “ხელისუფლება ცდილობს დაიხსნას ეს ადამიანები პატიმრობიდან. თავის მიერ დაქირავებულ ჯგუფებს აძლევს აქტიურობის დავალებებს,…

ქართული ჯარი არის ერთიანი, აპოლიტიკური, ქვეყნის, მისი ხალხის ერთგული და ამდენად ერთიანობის უდიდესი მაგალითი. ვულოცავ ამ დღესასწაულს საქართველოს სრულიად მოსახლეობას. ვულოცავ მათ, ვინც საერთაშორისო მისიებში თავდადებით მსახურობს, – ამის შესახებ საქართველოს პრეზიდენტმა, სალომე ზურაბიშვილმა თავდაცვის ძალების 30 წლის იუბილეზე განაცხადა. პრეზიდენტმა ქართველ სამხედროებს გაწეული ღვაწლისთვის მადლობა გადაუხადა. „დღეს ქართული ჯარის 30 წლის იუბილეს აღვნიშნავთ, თუმცა ჩვენ ყველამ კარგად ვიცით, რომ 30 წელი კი არა, ქართული ჯარი საუკუნეებს ითვლის და დღევანდელი ჩვენი ჯარი არის საქართველოს მიერ გადახდილი ყველა ომის მემკვიდრე ღირსეული მემკვიდრე. დღეს ჩვენ გვყავს მაღალი სტანდარტის თავდაცვის ძალები, რომელიც მრავალი…