დღე: აპრილი 28, 2021

ამერიკის სრულუფლებიანი ელჩი საქართველოში კელი დეგნანი ფიქრობს, რომ ახლა ქვეყნისთვის მნიშვნელოვანია, პარტიები იყვნენ პარლამენტში. როგოც კელი დეგნანმა ჟურნალისტებს განუცხადა,  მათ ქვეყნის პროგრესზე უნდა იმუშაონ. „ძალიან ჯანსაღი პროცესია, რომ პოლიტიკურ პარტიებს აქვთ დებატები. სწორედ  ისინი გადაწყვეტენ  საკითხს ისე, რომ მისაღები იყოს ყველასთვის. რაც მნიშვნელოვანია, ისინი დაბრუნდნენ პარლამენტში, სადაც აშშ-ის შეხედულებით ისინი უნდა იყვნენ და იმუშაონ ქვეყნის  პროგრესზე. შემდეგი დიდი გამოწვევა იქნება საარჩევნო სისტემისა და  და სასამართლოს რეფორმა. ეს  შეთანხმების ნაწილია“ – განაცხადა ელჩმა დეგნანმა.

საქართველოში აშშ-ის ელჩი კელი დეგნანი ნიკანორ მელიას პატიმრობიდან გათავისუფლებასთან დაკავშირებით შეფასებას აკეთებს და ამბობს, რომ მისთვის პარლამენტში ყოფნა მნიშვნელოვანი უნდა იყოს.   „დეტალები უნდა გადაწყვიტონ პოლიტიკურმა ლიდერებმა, აშშ-ის გადასაწყვეტი არ არის ასეთი რამ. ამერიკის გადასაწყვეტი არ არის, რას გადაწყვეტს ბატონი მელია.   ის უმსხვილესი ოპოზიციური პარტიის ლიდერია, რაც მნიშვნელოვანი ადგილია. ვფიქრობ, მისთვის ძალიან მნიშვნელოვანი უნდა იყოს, რომ პარლამენტში იყოს, დემოკრატიულ პროცესში მიიღოს მონაწილეობა და წარმოადგინოს მისი ამომრჩევლები. ასე რომ, იმედი მაქვს, ეს ასე მოხდება“, – განაცხადა კელი დეგნანმა მედიასთან.

“ლელო საქართველოსთვის” ლიდერი, მამუკა ხაზარაძე გამოდის ინიციატივით, რომ 20 ივნისის მოვლენებთან დაკავშირებით, საპარლამენტო კომისია შეიქმნას. მისი განცხადებით, საზოგადოებამ უნდა იცოდეს ვინ გადაამეტა უფლებამოსილებას და ვინ გასცა ბრძანება. “გამოვდივართ ინიციატივით, რომ შეიქმნას საპარლამენტო კომისია. ინფორმაცია არის დახურული, ქართული ოცნება ითხოვს ყველას შეწყალებას, მაგრამ სანამ შეწყალებაზე იქნება საუბარი, საზოგადოებამ უნდა იცოდეს, ვინ არიან ეს პირები, ვინ გადაამეტა უფლებამოსილებას, ვინ იჯალათა, ვინ გასცა ბრძანება, ამას სჭირდება დადგენა და შესაბამისად სჭირდება საპარლამენტო კომისიის შექმნა”, – აცხადებს მამუკა ხაზარაძე

ოპოზიციის სახელით, დეპუტატმა  შალვა შავგულიძემ საკანონმდებლო ორგანოში ამნისტიის ალტერნატიული კანონპროექტი დაარეგისტრირა. როგორც შავგულიძემ განმარტა, მმართველ გუნდთან პოზიციების შეჯერება ვერ მოხერხდა. „ძალიან დიდი მცდელობა გვქონდა, რომ მოხერხებულიყო ხელისუფლებასთან შეჯერება და ერთი კანონპროექტი შესულიყო, მაგრამ, ვერ შევაჯერეთ პოზიციები. ჩვენი კანონპროექტი სრულად შეესაბამება შარლ მიშელის შეთანხმების სულისკვეთებას და მის მოთხოვნებს. იქ აღნიშნულია, რომ 19-21 ივნისის მოვლენებთან დაკავშირებით უნდა მოხდეს ამნისტირება ყველა დარღვევისა და დაკავების, რაც იმას ნიშნავს, რომ ორი წლის განმავლობაში, 2019 წლის ივნისიდან დღემდე რა დარღვევებსაც იძიებდა სახელმწიფო, უკვე არსებული, წარდგენილი ბრალდებები, დაკავებები, დარღვევები, ყველა უნდა მოყვეს. ანუ, ჩვენი კანონპროექტი შეეხება არსებულ ბრალდებებს“…

პოლიტიკური პარტია „მოქალაქეების” თავმჯდომარე ალეკო ელისაშვილი  აცხადებს, რომ 20 ივნისის საქმეზე საგამოძიებო კომისიის შექმნა ამნისტიის კანონთან შესაბამისობაში არ მოდის. მისი შეფასებით,  საგამოძიებო კომისია და ამნისტიაზე საუბარი ერთად არ გამოვა. „ურთიერთსაწინააღმდეგო რამეზე ვსაუბრობთ. წინააღმდეგი არ ვართ, საგამოძიებო კომისია შეიქმნას, მაგრამ, ორივე ერთად არ გამოვა.  ან ამნისტიაზე უნდა ვილაპარაკოთ, ან საგამოძიებო კომისიის შექმნაზე. გამაოგნებელია დამოკიდებულება, რომ თუ საგამოძიებო კომისია არ შეიქმნება, მაშინ ამნისტია არ გვინდა. ძლივს რაღაცაზე შევთანხმდით და რატომ გვინდა რევიზია. ამნისტია ხომ ნიშნავს პაუსხისმგებლობისგან ადამიანების გათავისუფლებას, თან შეთანხმებული ვართ, რომ მძიმე დანაშაულებზე არ გავრცელდება“ – განუცხადა ელისაშვილმა ჟურნალისტებს. შეგახსენებთ, რომ…

„გირჩი – მეტი თავისუფლებას“ ხელმძღვანელი ზურა ჯაფარიძე ამნისტიის შესახებ მმართველი გუნდის მიერ ინიცირებულ კანონპროექტს აფასებს და აცხადებს, რომ ეს „ჩამორეცხვის“ კანონპროექტია. „ქართულ ოცნებას“ უნდა, ყველას ყველაფერი ჩამორეცხონ. რასაც ისინი აკეთებენ, ეს არის შეთანხმებიდან გასვლა. ოპოზიციამ უნდა გავიაროთ, ღირს თუ არა, რომ ჩვენი ალტერნატიული ვერსია დავარეგისტრიროთ, თუ საერთოდ ამასაც აზრი აქვს. თუ ერთიანი დოკუმენტი ვერ მივიღეთ, ჩემი აზრით ირღვევა შეთანხმება და არღვევს, რა თქმა უნდა „ქართული ოცნება”. შეთანხმების დარღვევის შემთხვევაში, რა იქნება ჩვენი შემდგომი მოქმედება, გადასაწყვეტია“ – განაცხადა ჯაფარიძემ მედიასთან.

„იმის გათვალისწინებით, რომ სოციალური დახმარების მიმღებთა 45% შრომისუნარიანი პირია, ჩვენს მიზანს წარმოადგენს, აღნიშნული პირებისთვის არა გრძელვადიანი შემწეობის დანიშვნა, არამედ დასაქმების რეალური შესაძლებლობის შეთავაზება და მათი ეკონომიკურ საქმიანობაში  ჩართვა,“ – ეს განცხადება ჯანდაცვის მინისტრმა ეკატერინე ტიკარაძემ პარლამენტში გააკეთა და სოციალურად დაუცველთა ბაზის განახლების საჭიროებაზე ისაუბრა. როგორც მინისტრი განმარტავს, სოციალურად დაუცველი ოჯახების  მეთოდოლოგიაში ცვლილებები შევა. „სტატუსის მინიჭების პროცესი უნდა გახდეს მეტად გამჭვირვალე და ობიექტური. დახმარება უნდა  მიიღონ რეალური საჭიროების მქონე ადამიანებმა და არავინ დარჩეს სახელმწიფოს მხარდაჭერის მიღმა. გაუმჯობესებული ადმინისტრირების მიზნით, მიმდინარეობს სოციალურად დაუცველი ოჯახების შეფასების პროცესის „დიჯიტალიზაცია“. სპეციალური ტექნიკით აღჭურვილი სოციალური აგენტების მიერ, ინფორმაცია…

სალომე სამადაშვილმა რუსთავის პენიტენციური დაწესებულება დატოვა. როგორც მან ჟურნალისტებს განუცხადა, ნიკა მელიასთვის მთავარი ოპოზიციის ერთიანობის შენარჩუნებაა. „ძალიან კმაყოფილია, რომ გიორგი რურუა გათავისუფლდა. მას მიაჩნია, რომ დღეს ძალიან მნიშვნელოვანია ოპოზიციამ შეინარჩუნოს ერთიანობა. ნიკამ ძალიან კარგად იცის, რომ ყველა გადაწყვეტილება, რომელიც მე მივიღე, იყო როგორც ჩვენი სახელმწიფოს ინტერესებიდან გამომდინარე, ასევე ის, თუ როგორ ვაფასებ მე ამ ვითარებიდან გამოსავლის გზას. ერთი პოლიტპატიმარი უკვე გათავისუფლდა, დიდი იმედი მაქვს, მალე ჩვენ მეორესაც გავათავისუფლებთ“, – განაცხადა  სამადაშვილმა ჟურნალისტებთან.

პატიმრობაში მყოფი ნიკანორ მელიას ადვოკატი საპატიმრო დაწესებულებიდან გამოვიდა. როგორც ადვოკატი გიორგი კონდახაშვილი აცხადებს, მელია ევროკავშირის გირაოს მხოლოდ ერთადერთ შემთხვევაში დათანხმდება.   „მელია ევროკავშირის გირაოს იმ შემთხვევაში დათანხმდება, თუ პარლამენტიდან ამნისტიის შესახებ კანონპროექტის გაწვევა მოხდება. „ოცნების“ მიერ დაინიცირებული კანონპროექტით ინდულგენციას მიიღებს ყველა პირი. ნიკას პირობაა ასეთი – თუ უარი ეთქმევა ამნისტიის კანონს და იქნება გათხოვილი, ის გირაოს დათანხმდება. პირობა ნიშნავს იმას, რომ  მხოლოდ ერთ შემთხვევაში იქნება თანახმა. ეს არის ალიან მძიმე კანონპროექტი, რომლითაც ინდულგენციას იღებენ მოძალადეები და მაღალი თანამდებობის პირები“ – განაცხადა გიორგი კონდახაშვილმა მედიასთან.   

„ერთიანი ნაციონალური მოძრაობა“ საკანონმდებლო ორგანოში მხოლოდ მაშინ შევა, როცა ნიკანორ  მელია საპატიმრო დაწესებულებიდან გათავისუფლდება. ეს არის ულტიმატუმი, რომლის გადახედვაც არ მოხდება. როგორც „ნაციონალური მოძრაობის“ წარმომადგენელი თინა ბოკუჩავა აცხადებს, ამ პოზიციას პარტიის არც ერთი წევრი არ უღალატებს. „სამართლებრივი მექანიზმები არსებობს, მათ შორის – აღკვეთის ღონისძიების გარეშე ნიკა მელიას გათავისუფლება მყისიერად და შემდეგ უკვე ბრალის მოხსნა, რაც იქნება იმ ანალოგიური მეთოდის მიღწევა, რასაც ამნისტიით ცდილობენ ახლა. ეს არ იქნება შეთანხმების დარღვევა, რადგან ძალიან კარგად გვახსოვს ეს კონკრეტული ფორმულირება ამ შეთანხმებაში. არაერთხელ ვთქვით და ეს პოზიცია საზოგადოებისთვის არის ცნობილი, რომ „ნაციონალური მოძრაობა“ პარლამენტში…