დღე: აპრილი 27, 2021

ჩემი თხოვნაა, დავასრულოთ ის პერიპეტიები, რაც ოპოზიციის შიგნით ერთმანეთთან გვქონდა, დავასრულოთ ოპოზიციის ზიზღზე აგებული პოლიტიკა, – ამის შესახებ ოპოზიციონერმა დეპუტატმა, „მოქალაქეების“ წევრმა, ლევან იოსელიანმა პარლამენტის პლენარულ სხდომაზე განაცხადა. მან „ლელოს“ ლიდერს, მამუკა ხაზარაძეს პირადადაც მიმართა და იმედი გამოთქვა, რომ მათი პარლამენტში თანამშრომლობა ნაყოფიერი იქნება. „მივესალმები ოპოზიციონერ კოლეგებს, რომლებიც დღეს შემოვიდნენ პარლამენტში. ვულოცავ მათ ამ გადაწყვეტილებას. მიმაჩნია, რომ ეს არის ნამდვილად სწორი და ამ ქვეყნისთვის საჭირო გადაწყვეტილება, საითაც ძალიან დიდ ხანს მივდიოდით ჯერ ერთად, მერე ცალ-ცალკე, მაგრამ საბოლოო ჯამში, მივედით იმ შედეგამდე, რომ დღეს პარლამენტი ასე თუ ისე შედგა და ოპოზიციის…

მჯერა, რომ დღეიდან ჩვენ ვიწყებთ საპარლამენტო ცხოვრების ახალ ეტაპს – შედგა მრავალპარტიული პარლამენტი, ოპოზიციის ფართო სპექტრის მონაწილეობით, რაც იმას ნიშნავს, რომ ამ დარბაზში ამომრჩევლის ხმა მაქსიმალურად გაჟღერდება, – ამის შესახებ პარლამენტის თავმჯდომარემ, კახა კუჭავამ პარლამენტში სიტყვით გამოსვლისას განაცხადა. როგორც მან განაცხადა, ის უზრუნველყოფს, რომ დაიცვას ბალანსი და ხელი შეუწყოს პარლამენტში დემოკრატიულ პროცესების განვითარებას. „სიმბოლურია, რომ პარლამენტის ახალი თავმჯდომარის არჩევა სწორედ იმ დღეს დაემთხვა, როდესაც რამდენიმეთვიანი, მე ვიტყოდი, ხელოვნური შეფერხების შემდეგ, დღეს ოპოზიციის რამდენიმე პარტიის წარმომადგენელი შემოუერთდა საპარლამენტო საქმიანობას. ყველას დიდი მადლობა, ვინც იზრუნა იმისთვის, რომ საპარლამენტო ცხოვრება ჩვეულ რეჟიმში ჩამდგარიყო. მე მჯერა, რომ…

პარლამენტის თავმჯდომარედ კახა კუჭავა აირჩიეს. საკანონმდებლო ორგანო მუშაობას ახალი თავმჯდომარის პირობებში განაგრძობს. კახა კუჭავას მხარი 86 დეპუტატმა დაუჭირა, წინააღმდეგი იყო 6. “დღეს ჩვენ ყველანი გამარჯვებულები ვართ. ამ ტრიბუნასთან დგომა ძალიან დიდ პასუხისმგებლობას მანიჭებს. მინდა ირაკლი კობახიძეს მადლობა გადავუხადო იმისათვის, რომ მისი ინიციატივით წარმადგინეს პარლამენტის თავმჯდომარის პოზიციაზე,” – განაცხადა კახა კუჭავამ.  კახა კუჭავა ქვეყნის ისტორიაში უმაღლესი საკანონმდებლო ორგანოს რიგით მეთორმეტე სპიკერია.  მანამდე პარლამენტის თავმჯდომარის პოსტს არჩილ თალაკვაძე იკავებდა.  “ქართული ოცნების” პირობებში ერთი მოწვევის პარლამენტის თავმჯდომარის ცვლილება მეორედ მოხდა. წინა შემთხვევაში, 20 ივნისის მოვლენებისას, თანამდებობა ირაკლი კობახიძემ დატოვა.

პარტია “გამარჯვებული საქართველოს” თავმჯდომარე, ირაკლი ოქრუაშვილი სოციალური ქსელიდან პარლამენტში შესულ ოპოზიციონერებს მიმართავს: „დიდებით შესვლას ღირსისა ჩვენისა მართალი ოპოზიციონრებისა ვაშაძისა, ხაზარაძისა, ჯაფარიძისა, უსუფაშვილისა და სხვათა სახლსა ბიძინასისა – ჩვენისა პარლამენტში“, – წერს სოციალურ ქსელში ირაკლი ოქრუაშვილი.

დღეს საქართველოს პარლამენტისთვის მნიშვნელოვანი დღეა, პარლამენტის სხდომას ესწრება საპარლამენტო ოპოზიციის დამატებითი წარმომადგენლობა, – ამის შესახებ პლენარულ სხდომაზე სიტყვით გამოსვლისას საპარლამენტო უმრავლესობის ლიდერმა ირაკლი კობახიძემ განაცხადა. მისივე თქმით, სხდომას ესწრებიან იმ პარტიების წარმომადგენლები, რომლებმაც ხელი მოაწერეს ევროკავშირის მხარდაჭერით დადებულ პოლიტიკურ შეთანხმებას. „ამ შეთანხმების მთავარი ამოცანა გახლდათ არა პარლამენტში ვინმეს შემოსვლა არ-შემოსვლა, რაც თავისთავად ბუნებრივია მნიშვნელოვანი ამოცანა და ფაქტორია, არამედ ქართულ პოლიტიკაში პოლარიზაციისა და რადიკალიზმის შემცირება, ნაკლები დესტრუქციისა და მეტი კონტრუქციის უზრუნველყოფა ჩვენს პოლიტიკურ ცხოვრებაში. უნდა ითქვას, რომ ეს მიზანი ჯერ კიდევ მისაღწევი რჩება. ამ ფონზე კიდევ ერთხელ უნდა გავიხსენოთ ის სამწუხარო მოვლენა, რომ საქართველოში…

ჩვენ არ უნდა დაგვავიწყდეს საოკუპაციო ხაზთან მცხოვრები ჩვენი მოქალაქეების ურთულესი ყოფა. ეს არის ის საკითხები, რაც დღეს პირველ რიგში ხელისუფლების და პოლიტიკოსების განხილვის მთავარი თემა უნდა იყოს და პრინციპში, არანაირი მნიშვნელობა არ აქვს პარლამენტის თავმჯდომარე და მისი მოადგილე გაცვლიან თუ არა ერთმანეთში სავარძლებს, – ამის შესახებ დამოუკიდებელმა დეპუტატმა, გიორგი ხოჯევანიშვილმა განაცხადა. „მე, როგორც გორისა და კასპის მაჟორიტარმა, ჩემი გამოსვლა მინდა დავიწყო, იმ კონკრეტული საკითხებით, რომელიც დღეს აქტუალური და მნიშვნელოვანია ჩვენი მოქალაქეებისთვის. დღეს ჩვენს მოქალაქეებს აქვთ სამართლიანი განცდა, რომ ხელისუფლება მათზე სათანადოდ არ ზრუნავს და სხვა ვიწრო პოლიტიკური დღის წესრიგით არის…

თითქმის 6-თვიანი ბოიკოტის შემდეგ, პარლამენტში ოპოზიციური სპექტრის მონაწილეობით პირველი პლენარული სხდომა მიმდინარეობს. სხდომას ესწრებიან იმ ოპოზიციური პარტიების წარმომადგენლები, რომლებმაც მედიატორ შარლ მიშელის მიერ მომზადებულ შეთანხმების დოკუმენტს ხელი მოაწერეს. კერძოდ, დღეს პარლამენტში შევიდნენ: ზურაბ ჯაფარიძე, პაატა მანჯგალაძე, გიორგი ვაშაძე, ხათუნა სამნიძე, სალომე სამადაშვილი, ბადრი ჯაფარიძე, მამუკა ხაზარაძე, ვახტანგ მეგრელიშვილი, დავით უსუფაშვილი, არმაზ ახვლედიანი, ანა ნაცვლიშვილი, იაგო ხვიჩია, თეონა აქუბარდია. პლენარულ სხდომაზე, რომელსაც ბოიკოტის რეჟიმში მყოფი ოპოზიციის ნაწილი ესწრება, რეგისტრაცია 107-მა დეპუტატმა გაიარა. ამ წუთებში სხდომაზე პოლიტიკური განცხადებები კეთდება, განცხადებების დასრულების შემდეგ კი პარლამენტის ახალი თავმჯდომარის არჩევის პროცედურა დაიწყება. ამ პოსტზე წარდგენილია კახა კუჭავა.

საქართველოს პარლამენტის ყოფილი თავმჯდომარის არჩილ თალაკვაძის განცხადებით, გავრცელებული ინფორმაცია, თითქოს ის თბილისის მერობის არჩევნებში მონაწილეობას აპირებს, მიზანმიმართული ჭორია.  “გუშინ გავრცელდა ინფორმაცია, თითქოს მე თბილისის მერის არჩევნებში მონაწილეობას ვაპირებ, ეს გახლავთ მიზანმიმართული ჭორი. მე ვთქვი, რომ თბილისს გამორჩეული მერი ჰყავს და დარწმუნებული ვარ, თბილისში ძალიან ბევრს სურს მერად კვლავ კახა კალაძე იხილოს,”- განაცხადა არჩილ თალაკვაძემ. 

„არავის არაფერს არ შევარჩენთ,“ – ამის შესახებ სოციალურ ქსელში „ნაციონალური მოძრაობის“ ქუთაისის პოლიტიკური მდივანი, ირაკლი გვალია წერს. დღეს აქტივისტები ვახტანგ მეგრელიშვილის პარლამენტთან შეძახილებით შეხვდნენ: „თქვენ მართლა ხომ არ გგონიათ სახუმაროდ ვზივართ კარვებში? დაიდოს ვადამდელი,“ – წერს ირაკლი გვალია სოციალურ ქსელში.

პარტია “გირჩის” ლიდერმაი იაგო ხვიჩიამ, პარლამენტში მისვლის შემდეგ სელფი გადაიღო და სოციალურ ქსელ “ფეისბუკში” პოსტი გამოაქვეყნა – “მე და ჩემი ახალშემოსული კოლეგები” – წერს იაგო ხვიჩია.  დღეს შეთანხმებაზე ხელმომწერი ოპოზიციური პარტიები საპარლამენტო ტრიბუნებს პირველად დაიკავებენ. იქნება სიტყვით გამოსვლები, განიხილება დოკუმენტის ერთ-ერთი მთავარი საკითხი –  ამნისტიის კანონპროექტი. ასევე, დღეს სავარაუდოდ, საქართველოს პრეზიდენტი გიორგი რურუას შეწყალების აქტს გამოსცემს. 

ნიკა მელიას დირექტივები და ციხეში დაწერილი რაღაც აპრილის თეზისები საერთდ არ მაინტერესებს – რას დავუჭერთ მხარს და რას არ დავუჭერთ მხარს ამას ჩვენი პარტია გადავწყვეტთ, – ეს განცხადება ჟურნალისტებთან დეპუტატმა ალეკო ელისაშვილმა გააკეთა. “სულ არ მაინტერესებს მელია იქიდან, გაზეთ “პრავდაში” რა დირექტივებს აქვეყნებს”, – განაცხადა ელისაშვილმა.

“სტრატეგია აღმაშენებლის” ლიდერი გიორგი ვაშაძე, რომელიც საქართველოს საკანონმდებლო ორგანოში მივიდა, აცხადებს, რომ დღეიდან შეთანხმების აღსრულება იწყება.  “დღეიდან შეთანხმების აღსრულება იწყება. ველოდებით, რომ გიორგი რურუას დღეს შეიწყალებენ. პარალელურად გვექნება კიდევ ერთი სამუშაო შეხვედრა ამნისტიის კანონთან დაკავშირებით. ჩვენ ვიმუშავებთ მხოლოდ იმ საკითხებზე, რასაც შეთანხმება მოიცავს. ნიკა მელია კი ამნისტიის კანონის მიღების შემდეგ გათავისუფლდება,”- აცხადებს “სტრატეგია აღმაშენებლის” ლიდერი გიორგი ვაშაძე.  დღეს შეთანხმებაზე ხელმომწერი ოპოზიციური პარტიები  საპარლამენტო ტრიბუნებს პირველად დაიკავებენ. იქნება სიტყვით გამოსვლები, განიხილება დოკუმენტის ერთ-ერთი მთავარი საკითხი –  ამნისტიის კანონპროექტი.

„გირჩის“ ერთ-ერთი ლიდერის ვახტანგ მეგრელიშვილის საკანონმდებლო ორგანოში მისვლას სამოქალაქო აქტივისტების გაღიზიანება მოჰყვა. ისინი ვახტანგ მეგრელიშვილს პარლამენტში შესვლის საშუალებას არ აძლევდნენ. სამოქალაქო აქტივისტები ოპოზიციის პარლამენტში შესვლას არ ეთანხმებიან და აცხადებენ, რომ ოპოზიცია საკანონმდებლო ორგანოში არ უნდა შესულიყო. „რა უფლებით მოხვედით? ვინც შედიხართ იქ, აყალბებთ 20 ივნისის მდგომარეობას, ყველა არაკაცები ხართ“, – აღნიშნა ერთ-ერთმა მომიტინგემ, რომელმაც ვახტანგ მეგრელიშვილი პარლამენტში შესვლისას შეაფერხა. სამოქალაქო აქტივისტების ეს ქცევა ვახტანგ მეგრელიშვილმა საბოტაჟად შეაფასა. „ეს არის საბოტაჟი,“- აღნიშნა მან.

ინცინდენტების პრევენციისა და მათზე რეაგირების მექანიზმის ფარგლებში, ერგნეთში 99-ე შეხვედრა გაიმართება. ქართული მხარე, საოკუპაციო ძალების უკანონო პატიმრობაში მყოფი საქართველოს მოქალაქეების ზაზა გახელაძის, გენადი ბესტაევისა და ლაშა ხეთერელის უპირობოდ გათავისუფლებას მოითხოვს. ქართული მხარე ასევე, უკანონო ბორდერიზაციის ფაქტებს გააპროტესტებს. ბოლო ასეთი ფაქტები, დირბი-ტახტისძირისა და ღოღეთი-თამარაშენის მონაკვეთებზე მოხდა. უსაფრთხოების გარდა, საუბარი ჰუმანიტარულ საკითხებსაც შეეხება. ქართულმა მხარემ წინა შეხვედრაზეც მოითხოვა, გამარტივდეს და აღდგეს ოკუპირებულ ტერიტორიაზე მცხოვრები მოსახლეობისთვის თავისუფლად გადაადგილების უფლება და მიეცეთ წვდომა იმ სამედიცინო სერვისზე, რომელსაც საქართველოს ცენტრალური ხელისუფლება სთავაზობს.

მმართველ გუნდში მიესალმებიან ქუჩიდან საკანონმდებლო ორგანოში ოპოზიციის გადანაცვლებას და იმედს გამოთქვამენ, რომ საპარლამენტო საქმიანობა უფრო დატვირთული და საინტერესო გახდება. „ნაცმოძრაობის“ თავმჯდომარემ ნიკა მელიამ, 26 აპრილს ციხიდან წერილი გამოაგზავნა და ოპოზიცური პარტიების წარმოამდგენლებს მიმართა. მელია აცხადებს, რომ თანახმაა გირაოზე იმ შემთხვევაში, თუ ოპოზიციური პარტიები ამნისტიის კანონპროექტს მხარს არ დაუჭერენ. პარლამენტის იურიდიულ საკითხთა კომიტეტის თავმჯდომარე ანრი ოხანაშვილი აცხადებს, რომ შეთანხმება ამნისტიის კანონპროექტთან დაკავშირებით აუცილებლად შესრულდება რადგან “ქართულ ოცნებას” ევროკავშირთან აღებული აქვს პასუხისმგებლობა. შეთანხმებას სჭირდება შესრულება, “ქართული ოცნება” რჩება ერთგული შეთანხმების, აქედან გამომდინარე, გვაქვს პასუხისმგებლობა, მათ შორის, ამნისტიის კანონპროექტზე. ერთი ადამიანის გადასაწყვეტი ვერ…

პრეზიდენტი გიორგი რურუას შეწყალების აქტს სავარაუდოდ, დღეს გამოსცემს. საქართველოს პრეზიდენტი 21 აპრილს გავრცელებული განცხადებიც თანახმად, გამომდინარე იქიდან, ოპოზიციონერი დეპუტატების პარლამენტში შესვლა 27 აპრილს იგეგმება, პრეზიდენტი, შეწყალების აქტს იმავე დღეს გამოსცემს. „საქართველოს პრეზიდენტმა მისი 19 აპრილის განცხადებაში აღნიშნა: იმისთვის, რომ ქვეყანა და პარლამენტი ნორმალურ პოლიტიკურ რეჟიმს შეუდგეს და გამოწვევებს გაუმკლავდეს, მიიღო შეწყალების გადაწყვეტილება გარკვეული პირობებით. იქიდან გამომდინარე, რომ პოლიტიკურმა პარტიებმა – მმართველმა პარტიამ და ოპოზიციამ, შეთანხმებას მიაღწიეს და ევროპული საბჭოს პრეზიდენტმა ისევე როგორც აშშ-ს ელჩმა ეს ფაქტი დაადასტურეს, ამგვარად პირველი პირობა შესრულებულია. რაც შეეხება მეორე პირობას, პოლიტიკურმა პარტიებმა საჯაროდ მოაწერეს ხელი საბოლოო…