დღე: აპრილი 22, 2021

“ლელოს” განცხადებით, პარტიის ლიდერები  მამუკა ხაზარაძე, ბადრი ჯაფარიძე და გრიგოლ გეგელია ბრიუსელში ნიკა მელიას საპატიმროდან დაუყოვნებლივ გათავისუფლების თემაზე მუშაობენ. განცხადებაში ნათქვამია, რომ ლიდერებმა ევროპარლამენტარებს შესთავაზეს, ევროპელი პარლამენტარები თავდებში დაუდგნენ ნიკა მელიას, რათა დაუყონებლივ შეიცვალოს მისი აღკვეთის ღონისძიება. “მეორე დღეა, “ლელოს” ლიდერები მამუკა ხაზარაძე, ბადრი ჯაფარიძე და გრიგოლ გეგელია ბრიუსელში, სხვა უმნიშვნელოვანეს საკითხებთან ერთად, ინტენსიურად მუშაობენ ნიკა მელიას საპატიმროდან დაუყოვნებლივ გათავისუფლების თემაზე. ერთ-ერთი მიმართულება, რომელიც “ლელოს” ლიდერებმა ევროპარლამენტარებს შესთავაზეს, არის, რომ ევროპელი პარლამენტარები თავდებში დაუდგნენ ნიკა მელიას, რათა დაუყონებლივ შეიცვალოს მისი აღმკვეთი ღონისძიება და მელია იქნას გათავისუფლებული, რაც კრიზისის დროული განმუხტვის აუცილებელი წინაპირობა…

მე ვფიქრობ, რომ კრიზისიდან გამოსასვლელად კარგი ნაბიჯები გადაიდგა, თუმცა ყველაფერი დამოკიდებული იქნება მომავალ კვირებზე და იმაზე, თუ როგორ გადაიდგმება პირველი ნაბიჯები მელიას გათავისუფლებასთან დაკავშირებით, – ამის შესახებ ევროპარლამენტარმა ანდრიუს კუბილიუსმა განაცხადა. მან იმედი გამოთქვა, რომ ევროპული საბჭოს პრეზიდენტის შარლ მიშელის მიერ შემუშავებული დოკუმენტის იმპლემენტაცია სათანადოდ და ეფექტურად განხორციელდება. ამასთანავე, კუბილიუსის თქმით, მას იმედი აქვს, რომ ოპოზიციაც გაიზიარებს თავის წილ პასუხისმგელობას ქვეყნის წინაშე, რათა მან იფუნქციონიროს, როგორც საპარლამენტო დემოკრატიამ. „ჩვენ გვქონდა შეხვედრა პოლიტიკურ დელეგაციასთან, პარტია „ლელოსთან“ და, რა თქმა უნდა, ჩვენ, პირველ რიგში, ვისაუბრეთ უკანასკნელ მოვლენებზე საქართველოში, შეთანხმების ხელმოწერაზე, რომელიც შეთავაზებული იყო…

ამერიკის შეერთებული შტატების საგანგებო და სრულუფლებიანი ელჩი საქართველოში კელი დეგნანი აცხადებს, რომ ქვეყანაში უნდა შეძლოს გამოწვევებზე პასუხის გაცემა. მისივე თქმით, ამნისტიის კანონზე მსჯელობა მიმდინარეობს. “შეთანხმების მიღწევა იყო მნიშვნელოვანი და წინგადადგმული ნაბიჯი. პროცესი წინ მიდის. მტკივნეული პერიოდი იყო 2019-2020, ხანგრძლივი მოლაპარაკების შემდეგ ადვილი არ იყო კომპრომისის მიღწევა. ამნისტიის კანონზე მიდის მსჯელობა. ნიკა მელიას პერსონალური გადაწყვეტილებაა დარჩება თუ არა ციხეში. მისი გათავისუფლების სხვადასხვა გზებზე ვსაუბრობთ. ქვეყანამ უნდა შეძლოს უდიდეს გამოწვევებზე პასუხის გაცემა,” – აღნიშნა დეგნანმა.

„მოვუწოდებთ დარჩენილ ოპოზიციურ პარტიებს და პარლამენტის ინდივიდუალურ წევრებს, გამოიჩინონ ანალოგიური გამბედაობა და საქართველოს კეთილდღეობისთვის იმოქმედონ, რათა პოლიტიკური კრიზისი სრულად და საბოლოდ დარჩეს წარსულში“, – ნათქვამია, სამი ევროპარლამენტარის, მარინა კალიურანდის, ვიოლა ფონ კრამონისა და სვენ მიქსერის ერთობლივ განცხადებაში. განცხადებაში ასევე აღნიშნულია, რომ მიესალმებიან 19 აპრილს „ქართულ ოცნებასა“ და ოპოზიციური პარტიების უმრავლესობას შორის მიღწეულ შეთანხმებას და სჯერათ, საქართველოს პარლამენტი უახლოეს მომავალში შეძლებს სრულად ფუნქციონირებას. „ჩვენ მთელი გულით მივესალმებით, 19 აპრილს მმართველ პარტია „ქართულ ოცნებასა“ და ოპოზიციური პარტიების უმრავლესობას შორის მიღწეულ შეთანხმებას – საქართველოში პოლიტიკური ჩიხი დასრულდეს“, – წერია განცხადებაში. აღნიშნულია ასევე,  რომ,…

პარტია „ქართული ოცნების“ თავმჯდომარის, ირაკლი კობახიძის ბრიუსელში ვიზიტი დასრულდა. როგორც კობახიძე სოციალურ ქსელში წერს, ვიზიტის ფარგლებში მან სხვადასხვა მაღალი დონის შეხვედრები გამართა. ირაკლი კობახიძის განმარტებით, ევროკავავშირი მყარად უჭერს მხარს საქართველოს და მის ხელისუფლებას. „დავასრულე მორიგი ვიზიტი ბრიუსელში. შევხვდი: ევროპული საბჭოს პრეზიდენტს, შარლ მიშელს, ევროკომისარს სამეზობლო პოლიტიკისა და გაფართოების საკითხებში, ოლივერ ვარჰეის, ევროპარლამენტის ვიცე-პრეზიდენტს, კლარა დობრევს, ევროპარლამენტარ ნაჩო სანჩეს ამორს, ევროპარლამენტარ რიჩარდ ჩარნეცკის, ევროპარლამენტარ მიხაელ გალერს, ევროპარლამენტარ ანდრიუს კუბილიუსს, ევროპარლამენტარ რასა იუკნევიჩიენეს, ევროპარლამენტარ სვენ მიქსერს, ევროპარლამენტარ მარინა კალიურანდს, ევროპარლამენტარ პეტრას აუსტრევიჩიუსს, ევროპარლამენტარ ვიოლა ფონ კრამონს. ევროკავშირი მყარად უჭერს მხარს საქართველოს და…

ამერიკის პრეზიდენტი ჯო ბაიდენი, პირველი მსოფლიო ომის დროს, ოსმალეთის იმპერიის მიერ, სომეხთა მასობრივი მკვლელობის გენოციდად, ოფიციალურად აღიარებას გეგმავს. ინფორმაციას „Reuters“-ი ავრცელებს. „24 აპრილს ბაიდენი, მსხვერპლთა მოხსენიების დღეს, სიტყვა გენოციდის გამოყენებას აპირებს“, – წერს „Reuters“-ი. „Reuters“-ის ინფორმაციით, პრეზიდენტმა მიიღო გადაწყვეტილება და სიტყვა გენოციდს გამოიყენებს. თუმცა, არ არის გამორიცხული, თურქეთთან ორმხირვი ურთიერთობების მნიშვნელობის გათვალისწინებით, ბაიდენმა ამ ტერმინის გამოყენება, ბოლო წუთს გადაიფიქროს. ჯერ კიდევ, ერთი წლის წინ, როცა ჯო ბაიდენი პრეზიდენტობის კანდიდატი იყო, მან ოსმალეთის იმპერიის მიერ დახოცილი მილიონ ნახევარი სომეხი, კაცი, ბავშვი და ქალი ახსენა და აღნიშნა, რომ ამ მკვლელობების გენოციდად აღიარების…

გერმანიის ელჩი საქართვცელოში ჰუბერტ ქნირში პოლიტკურ მხარეებს შორის მიღწეულ შეთანხმებას ეხმაურება და აღნიშნავს, რომ შეთანხმებული ნაბიჯების განხორციელება ახლა პოლიტიკაში  ახალ სულისკვეთებას მოითხოვს. ელჩის განცხადება საელჩოს ოფიციალურ ფეისბუქ გვერდზე გამოქვეყნდა. “ევროპული საბჭოს პრეზიდენტის მიერ შემოთავაზებულმა გეგმამ ფართო თანხმობა ჰპოვა პოლიტიკურ ძალებს შორის. მოხარული ვარ ამ კომპრომისის გამო, რომლისთვისაც ქალბატონი ელჩი კელი დეგნანი და ბატონი ელჩი კარლ ჰარცელი ასე დაჟინებით იღწვოდნენ. შეთანხმებული ნაბიჯების განხორციელება ახლა მოითხოვს ახალ სულისკვეთებას პოლიტიკაში, ერთობლივი წარმატებისთვის მუშაობის სულისკვეთებას,” – აცხადებს ქნირში.