დღე: აპრილი 20, 2021

20 ივნისის დროს გავრილოვების ბანდის მაღალჩინოსნების მიერ, ჩადენილი დანაშაულის ამინისტიის მხარდაჭერა, მკრეხელობად მიმაჩნია, – ამის შესახებ “ნაციონალური მოძრაობის” პოლიტიკური საბჭოს წევრი გიორგი ბარამიძე სოციალურ ქსელში წერს, რითაც ხელისუფლებასა და ოპოზიციის ნაწილს შორის მიღწეულ შეთანხმებას ეხმაურება, რომლის დოკუმენტიც 20 ივნისის მოვლენების გამო დაკავებულების ამნისტირებას ითვალისწინებს. “ყველამ იცის ჩემი და მიშას ძმაკაცობაც და ჩემი მისდამი, როგორც თანამედროვე ქართული სახელმწიფოს შემქმნელის მიმართ უღრმესი პატივისცემა და პირადად მის მიმართ და ჩვენი ერთად გაკეთებული საქმისადმი ერთგულების შესახებ. ეს უცვლელი იყო და დარჩება. მიშას იმიტომაც (სხვა უამრავი კარგი თვისებისა და დამსახურების გარდა) ვცემ პატივს, რომ (მიუხედავად…

„კახა კალაძეს არაფერი სჭირს საამისო, რომ ვინმეს გუნდში იხილოთ,“- ასე გამოეხმაურა დედაქალაქის მერი მედიის მიერ დასმულ შეკითხვას, რომელიც ყოფილი პრემიერ-მინისტრ გიორგი გახარიას გუნდთან შეერთებას შეეხებოდა. მისივე თქმით, ნაადრევია საუბარი მერობის კანდიდატებზე და მმართველი პარტია ყველა მათგანს, ასევე საკრებულოს წევრობის კანდიდატებს არჩევნებამდე 1 – 1,5 თვით ადრე დაასახელებს.

„ევროპული საქართველოს“ ლიდერის, გიგა ბოკერიას შეფასებით, ოპოზიციონერების ჯგუფმა შარლ მიშელის მიერ მომზადებულ შეთანხმების დოკუმენტზე ხელის მოწერით შეცდომა დაუშვეს. როგორც ბოკერიამ ჟურნალისტებთან საუბრისას აღნიშნა, შეთანხმების დოკუმენტს დემოკრატიული ინსტიტუტების და არჩევნების მიმართ ნდობა უნდა აღედგინა, თუმცა არსებული მოცემულობით, ამის საპირისპირო სურათს ხედავენ. „ჩვენი საერთო ამოცანა იყო უზარმაზარი ზიანის შემდეგ, რომელიც ივანიშვილის რეჟიმმა მიაყენა, ამ შეთანხმებას ქვეყანაში დემოკრატიული ინსტიტუტების და არჩევნების მიმართ ნდობის აღდგენისკენ გადაედგა ნაბიჯი. სამწუხაროდ, ამ ეტაპზე როგორც არის ვითარება, ჩვენი გუნდი ამ შედეგს ვერ ვხედავთ, პირიქით საფრთხეს ვხედავთ, რაც ძალიან ცუდია. მიუხედავად ამისა, პატივს ვცემ ყველას გადაწყვეტილებას, მჯერა, რომ უმრავლეს შემთხვევაში პოლიტიკურ პარტნიორებს…

გრიგოლ ვაშაძემ შარლ მიშელის მიერ შემოთავაზებულ შეთანხმების დოკუმეტნს ხელი მოაწერა.  შეგახსენებთ, გუშინ ისტორიული შეთანხმება შედგა – ხელისუფლებამ და ოპოზიციამ ორბელიანების სასახლეში ევროპული საბჭოს პრეზიდენტის, შარლ მიშელის დოკუმენტზე “საქართველოს წინსვლის გზა” ხელი მოაწერა. დოკუმენტზე ხელმომწერები არიან : “გირჩი, “გირჩი მეტი თავისუფლება”, “მოქალაქეები”, “ლელო”, “რესპბუბლიკელები”, “ქართული ოცნება” და ინდივიდუალურად – დავით ბაქრაძე და “ნაციონალური მოძრაობის” წევრი სალომე სამადაშვილი.

„ქართული ოცნების“ გენერალური მდივნის, კახა კალაძის განცხადებით, გირაოს გადახდის შემთხვევაში, ნიკა მელიას დღესვე შეუძლია ციხის დატოვება. ამის შესახებ თბილისის მერმა მედიასთან გაკეთებულ კომენტარში ისაუბრა. „საქართველოს პოლიტპატიმრები არ ჰყავს. ეს იყო შეთანხმების ნაწილი. მელიას დღესვე შეუძლია დატოვოს ციხე. მან უნდა გადაიხადოს გირაო და გირაოს გადახდის შემთხვევაში, დღესვე გამოვა გარეთ. რაც შეეხება რურუას, ამასთან დაკავშირებით პრეზიდენტმა გააკეთა განმარტებები და ჩვენი მხრიდანაც იყო განცხადებები”, – აღნიშნა კახა კალაძემ. მისივე თქმით, მნიშვნელოვანია, რომ პოლიტიკურ პარტიებს შორის შეთანხმება შედგა. „ყოველთვის მივესალმებოდი და მოვუწოდებდი ყველას, შეთანხმება შემდგარიყო. კომპრომისები, რა თქმა უნდა, არის მნიშვნელოვანი პოლიტიკაში და ძალიან მიხარია, რომ პოლიტიკურ პარტიებს შორის მოხდა…

ნაციონალური მოძრაობის“ წევრი ხატია დეკანოიძე მიხეილ სააკაშვილის განცხადებას გამოეხმაურა. „სრულიად ვეთანხმები მიხეილ სააკაშვილის ძალიან სწორ პოზიციას: ნიკა მელიას უპირობო (!!!) გამოსვლის შემდეგ, პარტია უნდა შეუერთდეს შეთანხმებას. მანამდე, რაც გუშინ ვთქვი, ჩვენი ნებისმიერი გადაწყვეტილება იქნება მორალური შეცდომა და პოლიტიკური დევნის დაკანონება. მელია უნდა იყოს ოპოზიციის საერთო კანდიდატი თბილისის არჩევნებზე და გავმართოთ მართლაც დიდი რეფერენდუმი ქვეყნისთვის“, – წერს დეკანოიძე სოციალურ ქსელში. ცნობისთვის, საქართველოს ყოფილი პრეზიდენტი მიხეილ სააკაშვილი „ნაციონალურ მოძრაობას“ მოუწოდებს, ნიკა მელიას გათავისუფლების შემდეგ, შარლ მიშელის დოკუმენტს ხელი მოაწეროს და პარლამენტში შევიდეს.

სწორი განცხადებაა, ენმ უნდა იყოს ამ ერთობის ავანგარდში“, – ასე აფასებს პოლიტიკოსი გიგი უგულავა საქართველოს ყოფილი პრეზიდენტის მიხეილ სააკაშვილის განცხადებას, სადაც ის მოუწოდებს „ნაციონალურ მოძრაობას“ ნიკა მელიას გათავისუფლების შემდეგ, შარლ მიშელის დოკუმენტს ხელი მოაწერონ. როგორც გიგი უგულავა აღნიშნავს, მას შემდეგ, რაც ნიკა მელია ციხეს დატოვებს, ოპოზიციამ ამომრჩეველს ერთობის ახალი საფუძვლები უნდა შევთავაზოს. „სწორი განცხადებაა. ერთობა უნდა შენარჩუნდეს. ენმ უნდა იყოს ამ ერთობის ავანგარდში. ამისთვის ნიკა მელია უნდა გამოვიდეს ციხიდან და ოპოზიციურ ამომრჩეველს ერთობის ახალი საფუძვლები უნდა შევთავაზოთ“, – წერს გიგი უგულავა. შეგახსენებთ, საქართველოს ყოფილი პრეზიდენტი მიხეილ სააკაშვილი „ნაციონალურ მოძრაობას“ მოუწოდებს, ნიკა მელიას გათავისუფლების შემდეგ, შარლ მიშელის დოკუმენტს ხელი მოაწერონ.

გიორგი გახარიას საპარლამენტო გუნდის წევრებმა, ევროკავშირის ოფისში შარლ მიშელის დოკუმენტს  – “საქართველოს წინსვლის გზა” ხელი მოაწერეს.  დოკუმენტს გახარიას გუნდიდან ხელი დეპუტატმა ბექა ლილუაშვილმა და ანა ბუჩუკურმა მოაწერეს.  გახარიას გუნდში ამბობენ, რომ ეს შეთანხმება, ქვეყანაში არსებული კრიზისის განმუხტვისა და შემცირების შესაძლებლობაა.

საქართველოს მესამე პრეზიდენტმა მიხეილ სააკაშვილმა ადგილობრივი არჩევნების წინ  საქართველოში ჩამოსვლა დაანონსა.  “მე, მიხეილ სააკაშვილი, ამ რეფერენდუმის (ადგილობრივი არჩევნები) წინ ჩამოვალ საქართველოში, ფიზიკურად ვიქნები თქვენთან, რა რისკის ფასადაც არ უნდა იყოს ეს ჩემი სიცოცხლისთვის, თუ ჩემი თავისუფლებისთვის. მე აუცილებლად ვიქნები ამ პროცესის უშუალო მონაწილე, დამსწრე და თქვენთან ერთად ჩვენი გარდაუვალი გამარჯვების შემოქმედი,” – აცხადებს მიხეილ სააკაშვილი საგანგებო მიმართვაში.

საქართველოს ლეიბორისტული პარტიის თავმჯდომარე, შალვა ნათელაშვილი გუშინ, პოლიტიკური პარტიების ნაწილის მხრიდან შეთანხმების დოკუმენტზე ხელმოწერას ბიძინა ივანიშვილის გადასარჩენ სპეცოპერაციას უწოდებს.  შალვა ნათელაშვილი ამბობს, რომ ოპოზიციონერმა პოლიტიკოსებმა ხელმოწერით პოლიტიკა დაასრულეს.  “გუშინ განხორციელდა სპეცოპერაცია, რუსი ოლიგარქის ბიძინა ივანიშვილის გადასარჩენად, რომელსაც ხელმძღვანელობდა ტრამპის მიერ დანიშნული ამერიკის შეერთებული შტატების ელჩი საქართველოში, ქალბატონი კელი დეგნანი. გუშინდელმა დღემ კიდევ ერთხელ დამარწმუნა, რომ საქართველოს არ ჰყავს არავითარი სტრატეგიული პარტნიორი და მოკავშირე. მე გულისტკივილს გამოვხატავ ჩემი ძვირფასი კოლეგების გამოც, რომლებმაც გუშინ დაამთავრეს პოლიტიკა იმ ხელმოწერის შედეგად,“ – განაცხადა შალვა ნათელაშვილმა. პარტიის პოზიცია გაახმოვანა ”ევროპული საქართველო – მოძრაობა თავისუფლებისთვის” რეგიონული მდივანმა, ლაშა…

„სცენასა და ტვ ეთერებში ვრცლად წარმოდგენილი ,,ლიდერების” უმრავლესობა ჩემგან განსხვავებით პირდაპირ კავშირშია მ. სააკაშვილთან, პარტნიორობის გარდა ისინი იყვნენ მეგობრებიც, ზოგიერთი ამ კაცმა შექმნა, როგორც საჯარო ფიგურა, მაგრამ არცერთს არ უხსენებია იგი !,“ – ამის შესახებ სოციალურ ქსელში ოპოზიციონერი პოლიტიკოსი, ირაკლი ღლონტი წერს. ღლონტი ოპოზიციას ახსენებს, რომ სააკაშვილი პოლიტიკური დევნილია, ის თვლის, რომ დღეიდან პარლამენტმა კიდევ უფრო დაკარგა ლეგიტიმაცია: „ბევრისგან განსხვავებით მე მრავალი წელია თავისუფლად ვამბობ, რომ სააკაშვილს არ ველოდები არცერთ სტრატეგიულ პოლიტიკურ თანამდებობაზე, მაგრამ იქ, სადაც ეს ხალხი 2021 წლის აპრილში დედაქალაქის ცენტრში გამოდიან ხმამაღალი სიტყვით, დიდი ბოდიში, მაგრამ, როცა…

პარლამენტის წევრი და “მოქალაქეების” თავმჯდომარე ალეკო ელიაშვილი აცხადებს, რომ ოპოზიციას “ჩაწიკწიკებულ” საარჩევნო რეფორმას ახვედრებენ. “შარლ მიშელს ჩავეხუტებოდი კორონა რომ არ იყოს. ოპოზიციას ჩაკწიკწიკებულ და გაწიკწიკებულ საარჩევნო რეფორმას ვახვედრებთ,” – განაცხადა ალეკო ელისაშვილმა.