დღე: აპრილი 14, 2021

პარლამენტის წევრი ბექა ლილუაშვილი “ქართული ოცნების” შეცდომებზე საუბრობს და ერთ-ერთ მთავარ შეცდომას სწორედ 20 ივნისს ასახელებს, როდესაც გავრილოვი პარლამენტის სავარძელში ჩაჯდა. “ოცნების” ყოფილი წევრი ასევე ამბობს, რომ ამ შეცდომისთვის “ქართულმა ოცნებამ” არაერთხელ ძალიან მნიშვნელოვანი პოლიტიკური ფასი გადაიხადა. “რაც შეეხება შეცდომებს, ესეც შეცდომაა, მათ შორის. არსებითად დღეს, “ქართული ოცნების” მმართველი გუნდის პირობებში ჩვენ გვაქვს რადიკალიზაციის მსგავსი ხარისხი და არ გვაქვს მკაფიოდ განსაზღვრული ორიენტირები, თუ როგორ უნდა გადავრთოთ ჩვენი ძალისხმევა ისეთი სისტემური გამოწვევების გადაჭრაზე, როგორიც არის, რა თქმა უნდა, ჯანმრთელობა და ეკონომიკური გამოწვევა. ასევე შეცდომა იყო 20 ივნისის დღეს გავრილოვის პარლამენტის სავარძელში…

საქართველოს პარლამენტის თავმჯდომარის, არჩილ თალაკვაძის განცხადებით, ის დღესაც გუნდის სახელით აფიქსირებს, რომ მოლაპარაკებისთვის და შეთანხმებისთვის კარი კვლავ ღიაა და “ქართული ოცნების” მხრიდან არსებობს მზადყოფნა დოკუმენტზე ხელმოწერისთვის: “მესამე რაუნდი ჯერ ბუნებაში არ არსებობს, შესაბამისად, თუ ისინი ამბობენ, რომ არ მოვლენ მესამე რაუნდზე, რაც არ არსებობს, იმაზე როგორ არ მოვლენ, ჩემთვის გაუგებარია. მაგრამ მე გეუბნებით, რომ მოლაპარაკებისთვის და შეთანხმებისთვის ჯერ კიდევ კარი ღიაა. ჩვენი მხრიდან არსებობს მზადყოფნა დოკუმენტის ხელმოსაწერად. ეს პრინციპული მზადყოფნაა და ველით, თუ ოპოზიცია თავის ბოლო გადაწყვეტილებას გადახედავს, ვფიქრობ, ეს მიღწევადია. ამ მოლაპარაკებების ჩაშლა და ბლოკირება არის ოპოზიციის მხარეს. ნიკა…

ხელისუფლებასა და ოპოზიციას შორის მიმდინარე პროცესს “გირჩის” ერთ-ერთი ლიდერი იაგო ხვიჩია “ძალაუფლების დათრევისთვის” ჩხუბს უწოდებს. “ძალაუფლების დათრევისთვის ჩხუბობენ და ერთ მხარეს ჰყავს მეორე მხარის 2 მებრძოლი დატყვევებული, ესენი ითხოვენ მებრძოლების გამოშვებას, ოღონდ მერე რომ ისევ ბრძოლაში ჩაერთონ და “ქართული ოცნება” ამაზე უარს აცხადებს, რაც გასაგებია რაღაც თვალსაზრისით, იმიტომ, რომ ბრძოლა თუ არ მორჩა დატყვევებულ მხედართმთავრებს არავინ არ უშვებს,” – აცხადებს იაგო ხვიჩია, მისი თქმით, “გირჩს” თავისი გზა აქვს არჩეული და დიალოგს გააგრძელებს იმ 7 საკითხთან დაკავშირებით, რომელიც პარტიამ საზოგადოებას ცოტა ხნის წინ წარუდგინა. “ახლა თუ გახურებული ჩხუბი მიდის და ამ მხარეებმა…

ექსპერტი ლევან ნიკოლეიშვილი გიორგი გახარიას თანამოაზრეების მხრიდან „ქართული ოცნების“ დატოვებას ეხმაურება. როგორც ლევან ნიკოლეიშვილი სოციალურ ქსელში წერს, ასეთი უცნაურობა პოლიტიკაში მას იშვიათად უნახავს. „ასეთი უცნაურობა პირადად მე, პოლიტიკაში ხშირად არ მინახავს. „ქართული ოცნების“ შეცდომებიო, ხუთივემ ცალ-ცალკე აღნიშნა… საინტერესოა რა შეცდომებზე აქვთ საუბარი, აუცილებლად უნდა დააკონკრეტონ, რადგან მათი ლიდერი ჯერ შსს მინისტრი იყო, მერე პრემიერ მინისტრი. თუ რამე შეცდომებზე უნდა ისაუბრონ, ალბათ თავად შეიკრიბონ დახურულ სივრცეში და იქ გააანალიზონ, თორე სხვა მხრივ, ასეთი არაადეკვატური განცხადებებით შორს ვერ წავლენ“- წერს ლევან ნიკოლეიშვილი სოციალურ ქსელში. ცნობისთვის, გიორგი გახარიას გუნდის წარმომადგენლებმა უმრავლესობა დატოვეს.

პარლამენტის თავმჯდომარე, არჩილ თალაკვაძე 6 დეპუტატის მიერ “ქართული ოცნების” გუნდის დატოვებას გაუმართლებელ ნაბიჯად აფასებს და ამბობს, რომ დღეს დადასტურდა, რომ გიორგი გახარიამ პირადი ინტერესების გათვალისწინებით იმოქმედა. “ის არათანმიმდევრული დამოკიდებულება, რომელიც გიორგი გახარიამ გამოავლინა ბოლოს რთული გადაწყვეტილების მიღების დროს და გუნდთან ურთიერთობაში, დღეს კიდევ ერთხელ დადასტურდა. სამწუხაროა, რომ ჩვენმა კოლეგებმა პირადი ურთიერთობები აირჩიეს იმ სახელმწიფო ინტერესების და მიზნების პირობის ნაცვლად, რომელიც ჩვენ ერთად მივეცით საზოგადოებას და რაზეც ერთად გვქონდა აღებული პასუხისმგებლობა არჩევნების დროს. ჩვენ დაველოდებით, ვნახავთ რა პოლიტიკური პარტიას შექმნიან, რა იქნება მათი პოზიციონირება, არსებობს ძალიან ბევრი კითხვა და ამ კითხვებზე…

გიორგი გახარიას გუნდის წევრები, “ქართულ ოცნებას” ვოტვებთ და პარტიის მშენებლობის პროცესში გადავდივართ – მზად ვართ გიორგი გახარიასთან ერთად ქმედით ნაბიჯები გადავდგათ, – ამის შესახებ საპარლამენტო უმრავლესობიდან გასულმა დეპუტატმა შალვა კერესელიძემ განაცხადა. მისივე თქმით, საქმიანობას საქართველოს პარლამენტში, როგორც დამოუკიდებელი მაჟორიტარი დეპუტატი ისე გააგრძელებს. „ჩვენ, გიორგი გახარიას გუნდის წევრები „ქართულ ოცნებას“ ვტოვებთ და პარტიის მშენებლობის პროცესში გადავდივართ. მინდა აღვნიშნო, რომ როგორც მაჟორიტარი დეპუტატი მცხეთის, თიანეთისა და ყაზბეგის საქმიანობას საქართველოს პარლამენტში, როგორც დამოუკიდებელი მაჟორიტარი დეპუტატი ისე გავაგრძელებ. ჩართული ვიქნები, როგორც რეგიონული მიმართულებით, ასევე მაღალმთიანი სოფლების განვითარების საქმეში. ჩვენ „ქართულ ოცნების“ წევრები ვიყავით, როგორც აღმასრულებელ, ასევე საკანონმდებლო ხელისუფლებაში,…

საქართველოს პარლამენტის ხუთი წევრი პარტია „ქართულ ოცნებას“ ტოვებს. ამის შესახებ პარლამენტში გამართულ ბრიფინგზე გორისა და კასპის მაჟორიტარმა დეპუტატმა, გიორგი ხოჯევანიშვილმა განაცხადა. ხოჯევანიშვილთან ერთად, პარტიას ტოვებენ დეპუტატები: ბექა ლილუაშვილი, ანა ბუჩუკური, ალექსანდრე მოწერელია, მიხეილ დაუშვილი. გიორგი ხოჯევანიშვილის თქმით, ეს ადამიანები გიორგი გახარიას გუნდის წევრები არიან და დღეიდან გადადიან პარტიის მშენებლობის ეტაპზე. ისინი საქმიანობას დამოუკიდებელ დეპუტატებად განაგრძობენ.

უმრავლესობის წევრი გიორგი ხოჯევანიშვილი „ქართულ ოცნებას“ ტოვებს. არაოფიციალური ინფორმაციით, ხოჯევანიშვილი ყოფილი პრემიერის, გიორგი გახარიას გუნდს შეუერთდება. ხოჯევანიშვილი უმრავლესობის დატოვების საკითხზე განცხადებას დღესვე გააკეთებს. ბრიფინგი 12:00 საათზეა ჩანიშნული. შეგახსენებთ, რომ გავრცელებული ინფორმაციით, გიორგი გახარია პარტიას ქმნის.

„ნამახვანჰესის“ მოწინააღმდეგეების აქციების ერთ-ერთი ორგანიზატორი, ვარლამ გოლეთიანი აცხადებს, რომ სოფელ ნამოხვანისკენ მიმავალი გზის რკინის ბარიერებით გადაკეტვა მათ გეგმებს ვერ შეცვლის. „ჩვენს გეგმებში ეს არაფერს არ ცვლის, ჩვეულებრივად გავაგრძელებთ მშვიდობიან პროტესტს ხეობაში და ვიქნებით აქ, ვიდრე ჩვენი მოთხოვნები არ შესრულდება. დამერწმუნეთ, რომ ამ ფორმატში კომპანია „ენკა“ ნამახვანის კასკადს ვერ ააშენებს რიონის ხეობაში, ანუ თვითონ ეს პროცესი გამორიცხავს, რომ მშენებლობის პროცესი გაგრძელდეს. ახლა უმნიშვნელოვანესია ჩვენი საზოგადოების თანადგომა, რომ ვიყოთ რაც შეიძლება მეტი და მშვიდობიანად გავაგრძელოთ ის საქმე, რასაც აქამდე ვაკეთებდით. ეს ბარიერები გამთენიისას, ოთხ საათზე დადგეს. უბრალოდ, ეს დემონსტრირება და გამოხატულებაა ძალის,…