დღე: აპრილი 9, 2021

უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძის განმარტებით, უქმე დღეები კერძო და საჯარო სექტორს თანაბრად ეხება. „უქმე დღეები ნიშნავს, რომ ის არის ყველასთვის, როგორც კერძო, ასევე საჯარო სექტორისთვის. რაც შეეხება თარიღებს როგორც მოგეხსენებათ, მანამდე დღესასწაულებია, შემდგომ შაბათ-კვირა უწევს, შემდგომ ისევ დღესასწაულია 12 მაისი, შესაბამისად, ეს დღეთა რაოდენობა იქნა ამის მიხედვით განსაზღვრული“, – განაცხადა ღიბრაძემ. შეგახსენებთ, რომ უწყებათაშორისი საკოორდინაციო საბჭოს გადაწყვეტილებით, პანდემიის გამო, 4 -11 მაისი საქართველოს მთელ ტერიტორიაზე უქმედ გამოცხადდა.

საქართველოს პრეზიდენტის განცხადებით, ქვეყანაში პოლიტიკური კრიზისის შექმნაში ორივე მხარე თანაბრად დამნაშავეა და აქ გამარჯვებული არ არსებობს.   „იმედი მაქვს, რომ შეთანხმება მოხდება.  ორივე მხარე, ალბათ, ფიქრობს, რომ გამარჯვებული გამოვიდა ამ პროცესიდან  – იმით იმხნევებს თავს, რომ არ „დათმო“ პრინციპები.  თუმცა ორი კატეგორიის პრინციპი არსებობს. ის, რომელიც საკუთარი ქმედებების გამართლებას ემსახურება, და ის, რომელიც გამოგვიჩენს ჭეშმარიტ გზას. ასეთი პრაგმატული და დაბალანესბული კომპრომისის საშუალებას იძლეოდა და კვლავ იძლევა შეთავაზებული ტექსტი, რომელსაც სრულად ვუჭერ მხარს“ – განაცხადა პრეზიდენტმა საპარლამენტი ტრიბუნიდან, სადაც ის ყოველწლიური მოხსენების ფორმატში მივიდა.   სალომე ზურაბიშვილი ორივე მხარეს მოუწოდებს, მივიდნენ კონკრეტულ გადაწყვეტილებამდე.…

სალომე ზურაბიშვილის პარლამენტში სიტყვით გამოსვლა დასრულებულია, პრეზიდენტი ქვეყანაში რუსი ჟურნალისტის ვლადიმერ პოზნერისა და დუმის წარმომადგენლის, გავრილოვის ვიზიტსაც შეეხო და აღნიშნა რომ სიფრთხილე რომ გამოგვეჩინა, იმას არ მივიღებდით, რაც მივიღეთ.   „მეტი სიფრთხილით მივუდგეთ ყველა შესაძლო მანიპულირებას, რომლის ინიციატივაც შეიძლება, ქვეყნის გარედანაც მოდიოდეს. სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვებდით პარლამენტის თავმჯდომარის სავარძელში“ – განაცხადა სალომე ზურაბიშვილმა. მან ოკუპაციაზეც ისაუბრა და განაცხადა, რომ ეს თემა საკრალური თემაა. „ოკუპაციის თემა ყველაზე საკრალური თემაა და ამ თემასთან დაკავშირებით არ უნდა ისმოდეს აბსურდული ბრალდებები ერთმანეთის მიმართ: „არაფერს აკეთებენ“…

სალომე ზურაბიშვილის განცხადებით, ქვეყანაში ნომერ პირველი გამოწვევა პანდემიაა.  შესაბამისად, არსებული რეგულაციების დაცვა ყველაზე თანაბრად უნდა ვრცელდებოდეს.    „ასეთი მიდგომის მაგალითი გვაჩვენა ისრაელმა, ამ პატარა ქვეყანამ, რომელმაც მთლიანობაში კარგად გაიაზრა, რომ სოლიდარობა და ერთიანობა განაპირობებს ეკონომიკის გადარჩენასა და თითოეული ოჯახის ხვალინდელ კეთილდღეობას“, – განაცხადა სალომე ზურაბიშვილმა საპარლამენტო ტრიბუნიდან. როგორც პრეზიდენტმა აღნიშნა, რეგულაციები ყველას თანაბრად უნდა ეხებოდა, ეს ეკლესია იქნება თუ ქორწილი. „რეგულაციები ყველგან თანაბრად უნდა გავრცელდეს  – ფეხბურთის სტადიონზე, ნოვრუზის დღესასწაულზე თუ ეკლესიაში, წირვაზე, ან კიდევ პოზნერის ნადიმზე თუ ჩვენი მოქალაქეების დიდი ხნით გადადებულ ქორწილებში, დაბადების დღეებზე, საპროტესტო აქციებზე თუ სხვა საზოგადოებრივ თავყრილობებზე.…

საქართველოს პრეზიდენტის განცხადებით, ქვეყნის და მსოფლიოს მთავარი გამოწვევა ჯანდაცვაა და თუ ვინმე ფიქრობს, რომ ამ კრიზისს მარტო გაუმკლავდება, მას არაფერი ესმის.  ეს განცხადება პრეზიდენტმა საკანონმდებლო ორგანოში გააკეთა, სადაც მას ყოველწლიური მოხსენების ფორმატში უსმენენ. „უპრეცედენტო გამოწვევის წინაშე დგას საქართველოს ჯანდაცვა ისევე, როგორც მთელი მსოფლიო ჯანდაცვა. ეს გამოწვევა არის პანდემია. თუ ვინმე ფიქრობს, რომ ამ მასშტაბის კატასტროფას მარტო გაუმკლავდება, ან რომელიმე პოლიტიკური ძალა სხვისი მარცხით გამარჯვებული დარჩება, ეს იმას ნიშნავს, რომ ამ ვითარებისა არაფერი გვესმის და არც ეროვნული პასუხისმგებლობის განცდა გაგვაჩნია. ხომ უნდა ვხვდებოდეთ, რომ ახლა ნიშნის მოგების დრო აღარ არის, ან ერთად…

საქართველოს პრეზიდენტს ამ წუთებში საკანონმდებლო ორგანოში უსმენენ. როგორც პრეზიდენტმა განმარტა, წლიური მოხსენებისთვის 9 აპრილი იმიტომ აირჩია, რომ ეს თარიღი დაკავშირებულია ჩვენი ქვეყნის უმნიშვნელოვანეს მოვლენებთან. მისი თქმით, 9 აპრილი გაიგივებულია ტრაგედიასა და გლოვასთან. თუმცა, სახელმწიფოსთვის ეს დღე სამმაგი გამარჯვების დღეა. „არ შეიძლება ავღნიშნავდეთ 9 აპრილს და არ გვესმოდეს, რომ ჩვენი ძალა მხოლოდ ერთად დგომაშია. ერთიანობა ვერ მოიპოვება დაძალებით, ვერც ხსვისი მონობით, ეს გზა გავლილი გვაქვს და აღარ დავუბრუნდებით. მრავალფეროვნება, მრავალაზროვნება, მრავალპარტიულობა ამ ერთიანობის განუყოფელი ნაწილია და ამას თავისუფლება ჰქვია. ეს თავისთავად იმასაც ნიშნავს, რომ ჩვენ უნდა ვიცოდეთ დათმობა და სხვისი აზრის გათვალისწინება,…

ამ წუთებში, საკანონმდებლო ორგანოში პრეზიდენტის ყოველწლიური ანგარიშის მოსასმენად ემზადებიან. პრეზიდენტი უკვე მივიდა პარლამენტში. სალომე ზურაბიშვილს, დღეს, მხოლოდ საპარლამენტო უმრავლსობის ფრაქცია მოუსმენს. ყოველწლიურ მოხსენებას  „მოქალაქეები“ და „ევროპელი სიციალისტებიც“ ესწრებიან. პრეზიდენტმა პარლამენტში ვიზიტი სიმბოლურად, 9 აპრილს დაამთხვია.