თვე: მარტი 2021

პარლამენტის თავმჯდომარემ ბიუროს სხდომის მიმდინარეობისას კონსტიტუციაში დაგეგმილ ცვლილებებზე ისაუბრა და ხაზი გაუსვა იმას, რომ ცვლილებების ინიცირებით მმართველი პარტია ფუნდამენტური რეფორმების განხორციელების გზას აგრძელებს. არჩილ თალაკვაძის თქმით, მსგავსი ფუნდამენტური ცვლილებები მრავალპარტიული ჩართულობით უნდა განხორციელდეს და მან კიდევ ერთხელ მოუწოდა პოლიტიკურ პარტიებს ამ პროცესში ჩართვისკენ. “გარდამავალ დებულებებში ცვლილების შეტანის საკითხი, რომელიც ითვალისწინებს 2024 წლისთვის ერთჯერადად საარჩევნო ბარიერის დაწევას 3%-მდე, ეს ინიციატივაც უკვე ინიცირებულია პარლამენტში. პარლამენტს და ხელისუფლებას აქვს პოლიტიკური ნება და ჩვენ ჩვენს პასუხისმგებლობას და ვალდებულებას ვასრულებთ დემოკრატიის გაძლიერების და იმ ფუნდამენტური რეფორმების განხორციელების მიმართ, რომელზეც გვქონდა საჯაროდ პირობა დადებული. მე იმედი…

სახალხო დამცველი მოლაპარაკებებში ჩართვაზე საუბრობს – ნინო ლომჯარია კიდევ ერთხელ გამოთქვამს მზადყოფნას, შეხვდეს მხარეებს, როგორც პარტიებს, ასევე მედიატორებს. ომბუდსმენი თვლის, რომ უკეთესი იქნება თუ გარკვეული საკითხები გასაჯაროვდება, რადგან დიალოგის პროცესის გარშემო ბევრი სპეკულაცია ისმის. “მზად ვარ შევხვდე მხარეებს, როგორც პოლიტიკურ პარტიებს, ასევე მედიატორებს. მქონდა მათთან ცალკეული შეხვედრები და კომუნიკაცია. ველოდები, რომ უნდა იქნეს მიღწეული შეთანხმება იმიტომ, რომ თუ რომელიმე მხარე ქვეყნისთვის არსებითი მნიშვნელობის საკითხებთან დაკავშირებით არ განაცხადებს მზაობას გადადგას ნაბიჯები, იქნება ეს ხელისუფლება თუ ოპოზიცია. პირველ რიგში, ხელისუფლება, იმიტომ, რომ ამ საკითხების რეალიზება და განხორციელება ხელისუფლების ვალდებულებას ისედაც წარმოადგენს. მიმაჩნია, რომ ამ…

ევროპარლამენტარი ანდრიუს კუბილიუსის განცხადებას ოპოზიციის წევრები ეხმაურებიან. ოპოზიციის შეფასებით, ბიძინა ივანიშვილისა და მიხეილ სააკაშვილის ჩართვა მოლაპარაკების პროცესში სიტუაციას ვერ განმუხტავს და ვერ იქნება მომგებიანი. “არ მიმაჩნია, რომ ახლა რაიმე ფორმატის გამოგონება, ივანიშვილისა და სააკაშვილის შეხვედრა შეიძლება იყოს უფრო მეტად მომგებიანი და განმმუხტველი სიტუაციის, ვიდრე დღეს არის. არ მგონია, არსებობდეს ადამიანი ამქვეყნად, ვისაც ჰგონია, რომ ბიძინას და მიშას ისეთი კარგი ურთიერთობები აქვთ ერთმანეთში, რომ დასხდებიან ერთ მაგიდასთან და ამ კრიზისზე და მის განმუხტვის გზებზე შეთანხმდებიან. არ მგონია, რომ ეს ყველაფერი სერიოზული იყოს,” – აღნიშნა “ევროპული საქართველოს” წევრმა სერგი კაპანაძემ.

“ქართული ოცნების” თავმჯდომარის ირაკლი კობახიძის თქმით,  ბიძინა ივანიშვილისა და მიხეილ სააკაშვილის ერთსა და იმაზე ტონალობაში ხსენება შეურაცხყოფაა. მისივე განცხადებით, სააკაშვილმა საქართველოში დანაშაულებრივი სისტემა შექმნა, ივანიშვილმა კი, ეს ქმედებები აღკვეთა.  ევროპარლამენტარი ანდრიუს კუბილიუსმა განაცხადა, რომ ხელისუფლებისა და ოპოზიციის მოლაპარაკებებში მონაწილეობა უნდა მიიღონ არა ფორმალურმა, არამედ რეალურმა ლიდერებმა – მიხეილ სააკაშვილმა და ბიძინა ივანიშვილმა. ​”როდესაც საუბარია იმაზე, რომ თურმე მოლაპარაკების მაგიდასთან უნდა დასხდნენ ბიძინა ივანიშვილი და მიხეილ სააკაშვილი, ეს სინამდვილის გამრუდებაა. ბიძინა ივანიშვილი გასულია პოლიტიკიდან და ეს სპეკულაციური განცხადებაა, პირდაპირ ასე ვიტყოდი. ერთ მხარეს არის მიხეილ სააკაშვილი, რომელმაც დანაშაულებრივი სისტემა შექმნა, რომელმაც უამრავი ადამიანის სიცოცხლე, ჯანმრთელობა და ღირსება…

პრემიერ-მინისტრი ირაკლი ღარიბაშვილი ევროპარლამენტარი ანდრიუს კუბილიუსის განცხადებას გამოეხმაურა და აღნიშნა, რომ ივანიშვილი აღარ აპირებს პოლიტიკაში ჩართვას, რაც შეეხება სააკაშვილის შესაძლო ჩართულობას, ეს არის შეურაცხმყოფელი ქვეყნისთვის. “ეს არის შეურაცხმყოფელი განცხადება, მე ასე ვიტყოდი. ბატონი ბიძინა ივანიშვილი პოლიტიკიდან წავიდა, მან დატოვა პოლიტიკური თანამდებობაც, შემდეგ პარტიის თავმჯდომარის თანამდებობის პოსტი და ღიად განაცხადა, რომ იგი აღარ მონაწილეობს, აღარც აპირებს პოლიტიკაში ჩართვას, ეს ერთი. ეს არის მარტივი ჭეშმარიტება. მეორე, რაც შეეხება სააკაშვილის შესაძლო ჩართულობას, ეს არის შეურაცხმყოფელი ჩვენი ქვეყნისთვის, ჩვენი სახელმწიფოსთვის, რომ ვიღაც, ვინც არ უნდა იყოს, არ მაინტერესებს აბსოლუტურად, მოგვიწოდებდეს ჩვენ, რომ ეს კრიმინალი, არა ერთ მძიმე დანაშაულში…

პრემიერმინისტრი ირაკლი ღარიბაშვილი ყოფილი პრემიერის, გიორგი გახარიას სამომავლო პოლიტიკური გეგმების შეფასებას ჯერჯერობით არ აპირებს. “გახარიასთან დაკავშირებით რა კომენტარი შემიძლია გავაკეთო. გიორგი იყო ჩვენი მთავრობის დროს, 8 წლის განმავლობაში, ჯერ ბიზნესომბუდსმენი, შემდეგ ეკონომიკის მინისტრი, შემდეგ შინაგან საქმეთა მინისტრი, შემდეგ პრემიერმინისტრი. 8 წელი იყო მთავრობის წევრი. მე არ მაქვს ინფორმაცია, თუ რას აპირებს… ჯერ დაელოდეთ, მოუსმინეთ რას იტყვის, როგორ იტყვის, შემდეგ ვიტყვით ჩვენს შეფასებას,” – აღნიშნა ირაკლი ღარიბაშვილმა. 

პრემიერ-მინისტრმა ირაკლი ღარიბაშვილმა განაცხადა, რომ ვადამდელი არჩევნების საკითხი არ განიხილება. “ვადამდელი არჩევნები ქვეყანაში არ იქნება. ამაზე საუბარი ჩვენ დავასრულეთ, ამაზე ჩვენ მოვისმინეთ ევროკავშირის ოფიციალური წარმომადგენლების განცხადებები. ეუთო/ოდირის დასკვნებიც ვნახეთ. ჩვენი დიალოგი გრძელდება და დიდი იმედი მაქვს, რომ შეთანხმება შედგება.  ჩვენგან რაიმე სახის დესტრუქციას ადგილი არც ჰქონია. ჩვენ ამის მომსწრე ოპოზიციის მხრიდან გავხდით. ვადამდელი არჩევნების საკითხი არის დახურული, პოლიტპატიმრები ჩვენს ქვეყანაში არ არსებობენ. ეს არსებობდა თქვენი ბელადი სააკაშვილის დროს,”-აღნიშნა ღარიბაშვილმა.

საქართველოს პრემიერ-მინისტრმა ირაკლი ღარიბაშვილმა ენგურჰესზე მიმდინარე სამუშაოები დაათვალიერა. პრემიერის განცხადებით, საქართველოში ჰესების მშენებლობას უდიდესი მნიშვნელობა აქვს ქვეყნის ენერგოდამოუკიდებლობისთვის.  “დღეს ჩვენ დავათვალიერეთ ენგურჰესზე მიმდინარე სამუშაოები. სამუშაოების ღირებულება შეადგენს 43 მილიონ ევროს. სამუშაოები იანვარში დაიწყო და მაისის ბოლოს დასრულდება. ენგურჰესს ჩვენი ქვეყნისთვის უდიდესი მნიშვნელობა აქვს. ეს ჰესი დაახლოებით 50 წლის წინ აშენდა და რეალურად ყველამ კარგად იცის, რომ ამ ჰესის მშენებლობით აშენდა მთელი ეს მხარე, ათასობით ადამიანი იყო დასაქმებული. საერთო გენერაციის 40%-ზე მეტი გამომუშავდება ენგურჰესის მიერ. ვინმემ, უბრალოდ რომ წარმოიდგინოს, რომ არ არსებობდეს ჩვენს ქვეყანაში ენგურჰესი და თუ ვინმეს დღეს წუხილი აქვს ჰესების მიმართ, მინდა…