დღე: თებერვალი 24, 2021

პროტესტი იქნება უმწვავესი – უნდა ველოდოთ ყველაფერს – სადაც „ქართული ოცნების” დეპუტატები, მაღალჩინოსნები ივლიან, მათ ქვეშ მიწა უნდა იწვოდეს, – ამის შესახებ „ევროპული საქართველოს“ ერთ-ერთმა ლიდერმა გიგი უგულავამ „ნაციონალური მოძრაობის“ ოფისში ჟურნალისტებთან განაცხადა. უგულავას თქმით, მათთვის ცნობილია იმ სამართალდამცავების სახელები, რომლებიც  ნიკა მელიას დაკავების პროცესში მონაწილეობდნენ და უნდა იცოდნენ, რომ მათ ექნებათ „მგლის ბილეთი“ და არასდროს სახელმწიფო სამსახურში აღარ იქნებიან. „ჩვენ ვხედავთ არნახულ საერთაშორისო მხარდაჭერას ნიკა მელიას მიმართ და უდიდეს შეშფოთებას იმასთან დაკავშირებით, რაც მოხდა და ხდება ქვეყანაში, მაგრამ ჩვენ ასევე უნდა გვესმოდეს ის, რომ საერთაშორისო მხარდაჭერა მხოლოდ და მხოლოდ მაშინ არის, როდესაც ჩვენ…

ოპოზიციონერი დეპუტატის, ლევან იოსელიანის მოსაზრებით, ქვეყანაში შექმნილი ვითარებიდან გამოსავალი დიალოგშია, პოლიტიკური მხარეები უნდა დასხდნენ და ერთმანეთთან ისაუბრონ. როგორც ჟურნალისტებს იოსელიანმა განუცხადა, ნიკა მელიას დაპატიმრებამ ეს პროცესი კიდევ უფრო გაართულა და ჩიხში შეიყვანა, თუმცა საბოლოო ჯამში, დიალოგის გარდა სხვა გამოსავალი არ არსებობს. „ნიკა მელია რომ უნდა გათავისუფლდეს და მოლაპარაკებების მაგიდის ერთ მხარეს უნდა იყოს, ეს პოზიცია სწორია. მონდომების შემთხვევაში, იურიდიული მექანიზმები მოინახება, რომელიც შესაძლებელს გახდის მის განთავისუფლებას. ის საქმე, რომელზეც ნიკა მელიას ბრალი აქვს წარდგენილი, არის პოლიტიზებული. აქედან გამომდინარე, მგონია, რომ ხელისუფლება სასამართლოში თავიდანვე ერეოდა, როცა ამ საქმეზე ბრალი წაეყენა არა…

“ქართული ოცნება” ოპოზიციასთან მოლაპარაკებებისთვის მზაობას გამოთქვამს. უმრავლესობის წევრები შექმნილი კრიზისიდან გამოსავალს სწორედ შეთანხმებასა და ერთიანი პოზიციების გამოძებნაში ხედავენ. როგორც მმართველი გუნდის წევრები აღნიშნავენ, ისინი მზად არიან ნებისმიერ ფორმატში დასხდნენ მოლაპარაკებების მაგიდასთან და პოზიციები შეაჯერონ. პარლამენტის საგარეო ურთიერთობათა კომიტეტის თავმჯდომარე, ნიკოლოზ სამხარაძის თქმით, საქართველოს მოქალაქეების სურვილია ხელისუფლება და ოპოზიცია არა კინკლაობით, არამედ რეალური პრობლემების გადაწყვეტით იყოს დაკავებული.  “ჩვენ უნდა ვისაუბროთ ქვეყანაში არსებულ პრობლემებზე, ეს საუბარი უნდა შედგეს პარლამენტში და თუ ოპოზიცია ისურვებს, რომ მათ მიიღონ ხალხის მიერ მინიჭებული მანდატები, ჩვენ მზად ვართ ნებისმიერ ფორმატში, ნებისმიერი სახით ვისაუბროთ მათთან ერთად. პოლიტიკური კრიზისის აღმოფხვრას სჭირდება…

„ახალგაზრდა იურისტთა ასოციაცია“ 23 თებერვალს განვითარებულ მოვლენებს აფასებს და მოუწოდებს საქართველოს ხელისუფლებას, მიიღოს ყველა ზომა პოლიტიკური პროცესების დეესკალაციისა და ნორმალიზების მიმართულებით, ასევე მისცეს დემონსტრანტებს მშვიდობიანი შეკრების უფლებით სარგებლობის უფლება. როგორც საია-ს მიერ გავრცელებულ განცხადებაშია აღნიშნული, სამწუხაროდ, საქართველოს მთავრობამ ვერ უზრუნველყო შექმნილი პოლიტიკური კრიზისის განმუხტვა და მშვიდობიანი მოლაპარაკების გზით მიმდინარე პროცესების დეესკალაცია, ხელისუფლებამ არ გაითვალისწინა მრავალმხრივი მოწოდებები, საპოლიციო ძალების მეშვეობით ოპოზიციური პარტიის თავმჯდომარის დაპატიმრებამ კიდევ უფრო დაამძიმა არსებული ვითარება. ასოციაციის განმარტებით, მნიშვნელოვანია, რომ საქართველოს მთავრობამ გადადგას კონსტრუქციული ნაბიჯები ქვეყნის პოლიტიკური კრიზიდან გამოსაყვანად, ამასთანავე, არ დაუშვას შეკრება/მანიფესტაციის უფლებაში ჩარევა და მისცეს დემონსტრანტებს…

მადლობა ელჩებს, რომ ისინიც ეძებენ გამოსავალს არსებული სიტუაციიდან, – ამის შესახებ „სტრატეგია აღმაშენებლის“ წევრი სერგო ჩიხლაძე ოპოზიციის წარმომადგენლების ფასილიტატორ ელჩებთან შეხვედრის შესახებ. ჩიხლაძის თქმით, ელჩების ოპოზიციასთან მორიგი შეხვედრა იგეგმება დიპლომატების „ქართული ოცნების“ წარმომადგენლებთან შეხვედრის შემდეგ. „ელჩებთან შეხვედრაზე რაიმე სახის გადაწყვეტილება არ ყოფილა მიღებული. უბრალოდ, ბოლო დღეების ვითარება კიდევ ერთხელ ავუხსენით ელჩებს. ისინი ძალიან შეშფოთებული არიან და მადლობა მინდა, ვუთხრა, რომ ისინიც ეძებენ გამოსავალს ამ სიტუაციიდან. ჩვენ დავუდასტურეთ, „ქართული ოცნების“ მხრიდან თუ იქნება შემხვედრი ნაბიჯები, კვლავ მზად ვართ მოლაპარაკეკებისთვის. დიდი მოწონებით შეხვდნენ ჩვენს მზაობას და ამიტომ ჯერი „ქართულ ოცნებაზეა“ ისევ. შეხვედრები…

დღეს, პრემიერ-მინისტრ ირაკლი ღარიბაშვილის ხელმძღვანელობით მთავრობის უწყებათაშორისი საკოორდინაციო საბჭოს პირველი სხდომა გაიმართება. საკოორდინაციო საბჭოს სხდომა მთავრობის ადმინისტრაციაში 11:00 საათზე დაიწყება. ცნობისთვის, პარლამენტში გამოსვლისას ირაკლი ღარიბაშვილმა მიმდინარე კვირაში რეგულაციების შემსუბუქება დაანონდა. „შემსუბუქებები ამ კვირიდანვე ამოქმედდება, რა თქმა უნდა, ეპიდემიოლოგებთან მჭიდრო კოორდინაციით, მათი და ჯანდაცვის მინისტრის რეკომენდაციების გათვალისწინებით“,-აღნიშნა ღარიბაშვილმა.