დღე: თებერვალი 1, 2021

საქართველოში კორონავირუსის 240 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 681 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 16 პაციენტი. ბოლო 24 საათში ქვეყანაში ჩატარდა 9 056 ტესტი, მათ შორის, ანტიგენის სწრაფი ტესტით – 5 490, პისიარტესტით –3 566. საქართველოში კორონავირუსით ინფიცირების სულ 258 351 შემთხვევაა გამოვლენილი, მათგან 249 709 გამოჯანმრთელდა, 3 194 კი გარდაიცვალა. კარანტინის რეჟიმშია 474, სტაციონარში მეთვალყურეობას გადის 2 676 ადამიანი, კლინიკურ სასტუმროში იმყოფება 268 პირი. ამასთან, 31 იანვრის მდგომარეობით, საქართველოში კორონავირუსის 479 ახალი შემთხვევა გამოვლინდა, გამოჯანმრთელდა 491 პაციენტი.

მეტი...

სავაჭრო ცენტრების ადმინისტრაციები ვალდებულები არიან, მომხმარებელთა ნაკადის მართვასთან ერთად, სისტემატურად ჩაატარონ თანამშრომელთა ტესტირება. “მომხმარებლებისთვის რეგულაციები არ იცვლება, მათ უნდა გამოიყენონ სავაჭრო ცენტრში პირბადე, ასევე უნდა დაიცვან დისტანცია. გარდა ამისა, ორ კვირაში ერთხელ უნდა მოხდეს თანამშრომლების მინიმუმ 20 პროცენტის ტესტირება და პირველი ეტაპი ტესტირების უკვე დასრულებულია. ამას გარდა ჩვენ უნდა ვაკონტროლოთ შენობაში შემომსვლელი ნაკადის რაოდენობა,” – განაცხადა “გალერია თბილისის” კომუნიკაციების დეპარტამენტის უფროსმა ქეთა ახობაძემ. სავაჭრო ცენტრები და მაღაზიები დღეიდან კვლავ იხსნება. ბიზნეს სექტორის მოთხოვნის მიუხედავად, მაღაზიები შაბათ-კვირას დახურული იქნება.

მეტი...

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მათ ვისაც Covid-19 უკვე გადატანილი აქვს, ამ ეტაპზე, პირველი სამი თვე არ აცრიან. „ზოგიერთ ადამიანს კოვიდი უკვე გადატანილი აქვს და მათ გარკვეული იმუნიტეტი აქვთ, მაგრამ ეს აცრის წინააღმდეგ ჩვენება არ არის, მაგრამ ბოლო ჩვენი რეგულაციებით, მაინც დადგენილია, რომ გადატანიდან პირველი სამი თვის განმავლობაში, ამ ეტაპზე, ისინი არ აიცრებიან“, – განაცხადა გამყრელიძემ.

მეტი...

ჯანდაცვის სამინისტრომ დღეს იმ კლინიკების ჩამონათვალი უნდა გაასაჯაროოს, სადაც ვაქცინაციის პროცესი ჩატარდება. ცნობილია, რომ მედიკამენტის გადანაწილება მხოლოდ 3 დიდ ქალაქში – თბილიში ბათუმსა და ქუთაისში მოხდება. ამის მიზეზი კი Pfizer-ის ტიპის ვაქცინის შენახვის განსაკუთრებული პირობებია – 70 გრადუსი. ვაქცინაცია ქვეყანაში რამდენიმე კვირაში იწყება. პირველ ეტაპზე 15 ათას მედიკოსს აცრიან. საქართველო მარტის მეორე ნახევარში კოვაქს პლატფორმიდან დამატებით დოზებს კიდევ ელოდება, ამჯერად უკვე AstraZeneca-ს, რომელსაც განსაკუთრებული ლოჯისტიკური ბაზა არ ესაჭიროება. “საქართველო მიიღებს Pfizer-ის ვაქცინის პირველ დოზას, ეს იქნება, დაახლოებით, 30 ათასი დოზა. საქართველოსნაირი ქვეყანა არის 200-მდე მსოფლიოში და ის, რომ პირველ ხუთეულში მიიღო ვაქცინა, ძალიან სერიოზული ძალისხმევა უნდა. მარტის თვეში ქვეყანა…

მეტი...