დღე: იანვარი 21, 2021

რუსეთის იუსტიციის სამინისტრო ადამიანის უფლებათა ევროპული სასამართლოს დასკვნებს, მათ შორის, 2008 წლის 12 აგვისტოს შემდეგ სამხრეთ ოსეთსა და აფხაზეთში მომხდარი ინციდენტების გამო რუსეთისთვის პასუხისმგებლობის დაკისრებას არ ეთანხმება და აცხადებს, რომ აღნიშნულ ინციდენტებში რუსი სამხედრო მოსამსახურეების მონაწილეობის პირდაპირი მტკიცებულება არ არსებობს. „მშვიდობიანი მოსახლეობის დაცვასა და შეიარაღებული კონფლიქტის ესკალაციის აღკვეთაში რუსეთის ფედერაციის მონაწილეობის გარემოებების ასეთი შეფასება გამომდინარეობს ევროსასამართლოს ექსტერიტორიული იურისდიქციის კონცეფციიდან, რომელიც ეწინააღმდეგება გაეროს საერთაშორისო სასამართლოს პოზიციას და საერთაშორისო სამართლის ზოგადად აღიარებულ წესებს,” – აღნიშნულია რუსეთის იუსტიციის სამინისტროს განცხადებაში. სტრასბურგის სასამართლოში რუსეთის წარმომადგენლისა და იუსტიციის მინისტრის მოადგილის მიხეილ გალპერინის თქმით, რუსულმა მხარემ შეძლო…

ქართველი სამხედრო ტყვეების მიმართ არასათანადო მოპყრობა უნდა ჩაითვალოს წამებად,” – ამის შესახებ სტრასბურგის სასამართოს დადგენილებაში წერია. ადამიანის უფლებათა ევროპულ სასამართლოში, სტრასბურგში, საქართველოდან რუსეთის წინააღმდეგ გაგზავნილი იყო კიდევ ერთი საქმე, რომელიც აგვისტოს ომის დროს ტყვედ აყვანილი ქართველი ჯარისკაცის წამებასა და მკვლელობას შეეხება. საუბარია 1984 წელს დაბადებულ გიორგი ანწუხელიძეზე, უფროს სერჟანტზე, რომელიც საქართველოს შეიარაღებული ძალების მე-4 ბრიგადის 41-ე ბატალიონში მსახურობდა.გიორგი ანწუხელიძის კვალი ცხინვალში 2008 წლის 9 აგვისტოს დაიკარგა. ნოემბერში კი, როდესაც ოკუპირებული ტერიტორიიდან თბილისში რამდენიმე დაღუპული ჯარისკაცის ცხედარი გადმოასვენეს, გენეტიკური ექსპერტიზის შედეგად, დადგინდა, რომ ერთ-ერთი სწორედ უფროსი სერჟანტი გიორგი ანწუხელიძე იყო. მეუღლემ,…

სტრასბურგის სასამართლოს გადაწყვეტილება არის მართლაც ისტორიული საქართველოსთვის, რადგან იგი ადასტურებს, მიუხედავად საქართველოს დღევანდელი ხელისუფლების მოღალატური განცხადებებისა, რომ სწორედ რუსეთის ფედერაცია არის ოკუპანტი, რომელმაც ჩაიდინა არაერთი მძიმე დანაშაული, – ამის შესახებ „ნაციონალური მოძრაობის“ წევრმა, გია ბარამიძემ განაცხადა. მისი თქმით, „საქართველო ნამდვილად არის ცამდე მართალი რუსეთის ფედერაციასთან და შეუძლებელი იყო ეს არ დაედასტურებინა სტრასბურგის სასამართლოს“. „ბუნებრივია, ეს არის ძალიან მნიშვნელოვანი გადაწყვეტილება, რომელიც საფუძვლად დაედება მომავალში საქართველოს გამთლიანებას და რუსეთის ფედერაციის მიმართ შესაბამისი სანქციების დაწესებას. ვულოცავ საქართველოს მთლიანად, ვულოცავ საქართველოს მთელ მოსახლეობას, ვულოცავ ყველა იმ გმირის ოჯახს, ვინც თავი დასდო. ვულოცავ ჩვენს საზოგადოებას,…

სტრასბურგის სასამართლოს გადაწყვეტილება რუსეთის მიერ საქართველოს წინააღმდეგ განხორციელებული სამხედრო აგრესიის პირველი საერთაშორისო სამართლებრივი შეფასებაა, რომელმაც იურიდიულად დაადასტურა რუსეთის ბრალეულობა მის მიერ ჩადენილ დანაშაულებებზე, – ამის შესახებ ვიცე-პრემიერმა, საგარეო საქმეთა მინისტრმა დავით ზალკალიანმა, ევროპის ადამიანის უფლებათა სასამართლოს გადაწყვეტილებაზე საუბრისას განაცხადა. როგორც ზალკალიანი საკუთარ განცხადებაში აღნიშნავს, ეს არის საქართველოს სახელმწიფოს უპრეცენდენტო საერთაშორისო გამარჯვება, რომელმაც ცალსახად, სამართლებრივად დაამტკიცა რუსეთის ფედერაციის პასუხისმგებლობა 2008 წლის აგვისტოს რუსეთ-საქართველოს ომის დროსა და შემდგომ პერიოდში საერთაშორისო სამართლის ნორმებისა და ადამიანის ფუნდამენტური უფლებების დარღვევებში. „მიღებული გადაწყვეტილებით სტრასბურგის სასამართლომ ცალსახად გამოკვეთა: რუსეთის მიერ საქართველოს ტერიტორიების ოკუპაცია და ეფექტური კონტროლი, 2008 წლის 12…

სტრასბურგის სასამართლომ დაადგინა, რომ ქართველი სამხედრო ტყვეების მიმართ განხორციელებული არასათანადო მოპყრობა უნდა ჩაითვალოს წამებად, – ამის შესახებ ადმიანის უფლებათა ევროპული სასამართლოს ოფიციალურ ვებგვერდზე გამოქვეყნებულ პრესრელიზშია ნათქვამი. ​„დამოკიდებულება სამხედრო ტყვეების მიმართ – მე-3 მუხლი სასამართლომ დაადგინა, რომ სამხრეთ ოსეთის ძალების მიერ სამხედრო ტყვეების მიმართ არასათანადო მოპყრობისა და წამების საქმეები აღნიშნულია მისთვის ხელმისაწვდომ სხვადასხვა წყაროებში. სტრასბურგში მოწმეების მოსმენაზე ორმა მოწმემ დეტალურად აღწერა ის მოპყრობა, რომელიც მათ მიმართ განახორციელეს სამხრეთ ოსეთის და ასევე რუსულმა ძალებმა. სასამართლომ ჩათვალა, რომ მას ჰქონდა საკმარისი მტკიცებულებები იმისთვის, რომ მას შეეძლო გამოეტანა დასკვნა, რომ ქართველი სამხედრო ტყვეები იყვნენ სამხრეთ ოსეთის…

სტრასბურგის სასამართლომ დაადინა, რომ 2008 წელს საომარი მოქმედებების შეწყვეტის შემდეგ ადგილი ჰქონდა ადმინისტრაციულ პრაქტიკას, რომელიც ეწინააღმდეგება ადამიანის უფლებათა ევროპული კონვენციის მესამე მუხლს, რაც გულისხმობს 160 ქართველი სამოქალაქო პირის დაკავების პირობებსა და იმ დამამცირებელ მოქმედებებს, რომლებსაც ისინი ექვემდებარებოდნენ და რამაც მათ უდაო ტანჯვა, არაადამიანური და დამამცირებელი მოპყრობა მოუტანა, – ამის შესახებ რუსეთ-საქართველოს 2008 წლის ომის საქმესთან დაკავშირებით სტრასბურგის სასამართლოს დასკვნაშია ნათქვამი. სტრასბურგის სასამართლომ კონვენციების აღნიშნული მუხლების დარღვევაში პასუხისმგებლად რუსეთის ფედერაცია სცნო. დასკვნაში, ასევე, ნათქვამია, რომ 160 ქართველ სამოქალაქო პირს, რომლებიც სამხრეთ ოსეთის შინაგან საქმეთა სამინისტროს შენობის სარდაფში იყო დაპატიმრებული, მათი დაკავების პირობებიც…

ალერგოლოგ-იმუნოლოგი ბიძინა კულუმბეგოვი 2008 წლის რუსეთ-საქართველოს ომთან დაკავშირებით მიღებულ გადაწყვეტილებას სოციალურ ქსელში ეხმაურება. „ჩვენი ქვეყნის მიწის თითოეული გოჯი მალე ისევ ჩვენი იქნება“, – წერს კულუმბეგოვი. დღეს, 21 იანვარს, 2008 წლის ომის საქმეზე სტრასბურგის სასამართლომ გადაწყვეტილება გამოაცხადა. საქართველოს იუსტიციის სამინისტროს ინფორმაციით, ადამიანის უფლებათა ევროპული სასამართლო დაეთანხმა საქართველოს მოთხოვნას, რომ რუსეთმა 2008 წლის აგვისტოს ომის დროს ადამიანის უფლებათა ევროპული კონვენციის არაერთი მუხლი დაარღვია.

სტრასბურგის სასამართლოს გადაწყვეტილება არის მნიშვნელოვანი ბერკეტი დეოკუპაციისთვის, – ამის შესახებ თბილისის მერმა, კახა კალაძემ განაცხადა. მისივე თქმით, ეს გადაწყვეტილება საერთაშორისო ასპარეზზე საქართველოს პოზიციონირებისთვის დიდი გარღვევაა. მისი შეფასებით, ასეთი დოკუმენტი საქართველოს რუსეთთან მიმართებით ჯერ  არ ჰქონია. „მეგობრებო, გილოცავთ. დღეს ძალიან მნიშვნელოვანი გადაწყვეტილება მიიღო სტრასბურგის სასამართლოს დიდმა პალატამ. მსგავსი გადაწყვეტილება ოკუპაციის შესახებ, კონკრეტულად რუსეთთან მიმართებით ჯერ არ გვქონია. ეს არის მნიშვნელოვანი კომპონენტი ჰააგის სისხლის სამართლის საერთაშორისო სასამართლოში მიმდინარე საქმისთვის. წინ დიდი გზა არის გასავლელი. უდიდესი შრომა, პროფესიონალიზი ჩაიდო იუსტიციის სამინისტროს მხრიდან ამ გამარჯვების მისაღწევად. ადამიანის უფლებათა ევროპულმა სასამართლომ თავისი ვერდიქტი გამოაქვეყნა საქართველო-რუსეთს…

ძალიან მნიშვნელოვანია, რომ სტრასბურგის სასმართლოს გადაწყვეტილებით ნათქვამია, რომ ეთნიკური წმენდის შემდეგ დევნილად დარჩენილი ადამინების დაბრუნების ხელშეშლის ახორციელებს სწორედ რუსეთი და არა რომელიმე თვითაღიარებული და არაღიარებული წარმონაქმნი, – ამის შესახებ პარლამენტის განათლების კომიტეტის თავმჯდომარემ, თეა წულუკიანმა სტრასბურგის სასამართლოს გადაწყვეტილებაზე საუბრისას განაცხადა. წულუკიანის განცხადებით, „ეს დოკუმენტი ამბობს ერთ ძალიან მნიშვნელოვან ფაქტს, რომ რუსეთი არა მხოლოდ ცხინვალის რეგიონში, აფხაზეთშიც და ე.წ. ბუფერულ ზონებშიც ახორციელებს ეფექტურ კონტროლს და რომ ის, რეალურად ოკუპანტი ხელისუფლებაა“. „ჩვენ ამ გამარჯვებისთვის ძალიან ბევრი ვიმუშავეთ და ვიბრძოლეთ. არსებითი განხილვა ამ საქმეზე დაიწყო  2013 წლიდან, მანამდე მიმდინარეობდა დასაშვებობის პროცედურები და 2018 წლამდე ჩვენ…

საქართველო რუსეთის წინააღმდეგ სტრასბურგის სასამართლოს გადაწყვეტილებით დადგინდა, რომ რუსეთმა 2008 წლის ომის პერიოდში განახორციელა და დაარღვია კონვენციის არაერთი მუხლი, ეს გადაწყვეტილება სასამართლოს დიდმა პალატამ მიიღო 17 მოსამართლის შემადგენლობით. დაადგინა, რომ რუსეთი ახორციელებდა ცხინვალის რეგიონზე და აფხაზეთზე ეფექტურ კონტროლს. აქედან გამომდინარე, მას შეერაცხება პასუხისმგებლობა საქართველოს მოსახლეობის უფლებების დარღვევისთვის, – ამის შესახებ საქართველოს იუსტიციის მინისტრმა, გოჩა ლორთქიფანიძემ დღევანდელ ბრიფინგზე განაცხადა. როგორც გოჩა ლორთქიფანიძემ აღნიშნა, სასამართლომ დაადასტურა საქართველოს მოთხოვნა, რომ ცხინვალის რეგიონი და აფხაზეთი არის საქართველოს განუყოფელი ნაწილი და ოკუპირებულია რუსეთს მიერ. „ამასთან ერთად, რაც ძალზე მნიშვნელოვანია, სასამართლომ დაადგინა, რომ 2008 წლის ომის დროს რუსეთმა…

„დავა – საქართველო რუსეთის წინააღმდეგ, ადამიანის უფლებების ევროპულ სასამართლოში საქართველოს გამარჯვებით დასრულდა! ეს საერთო გამარჯვებაა!“ – აცხადებს საქართველოს პრემიერ-მინისტრი გიორგი გახარია. მისივე თქმით, დღეს უმნიშვნელოვანესი დღეა. „დღეს საქართველოს უახლეს ისტორიაში უმნიშვნელოვანესი დღეა! დავა – საქართველო რუსეთის წინააღმდეგ, ადამიანის უფლებების ევროპულ სასამართლოში საქართველოს გამარჯვებით დასრულდა! ეს საერთო გამარჯვებაა! წერს გიორგი გახარია ფეისბუქის გვერდზე. შეგახსენებთ, რომ 2008 წლის ომის საქმეზე სტრასბურგის სასამართლომ გადაწყვეტილება გამოაცხადა. ადამიანის უფლებათა ევროპული სასამართლო დაეთანხმა საქართველოს მოთხოვნას, რომ რუსეთმა 2008 წლის აგვისტოს ომის დროს ადამიანის უფლებათა ევროპული კონვენციის არაერთი მუხლი დაარღვია.

ჩვენ გვსურს, რომ ევროკავშირში ინტეგრაცია, თავისუფალი მიმოსვლა, საუკეთესო ევროპულ სასწავლო დაწესებულებებში განათლების მიღება შევთავაზოთ ჩვენს თანამოქალაქეებს საოკუპაციო ხაზის მეორე მხარეს,- ამის შესახებ საგარეო საქმეთა მინისტრმა, ვიცე-პრემიერმა დავით ზალკალიანმა მთავრობის სხდომის შემდეგ გამართულ ბრიფინგზე განაცხადა. როგორც მან აღნიშნა, სწორედ ამ მიმართულებით იქნება მიმართული სამთავრობო გუნდის ძალისხმევა და დარწმუნებულია, რომ ხელშესახები შედეგები იქნება. „ჩემი, როგორც საგარეო საქმეთა მინისტრის და ვიცე-პრემიერის ერთ-ერთი მთავარი მიმართულება ქვეყნის შიგნით კონსოლიდაცია და საერთაშორისო პარტნიორებთან აქტიური მუშაობა იქნება იმისთვის, რომ ქვეყანა მოემზადოს იმ ძალიან ამბიციური განაცხადისთვის, რომელიც დაკავშირებულია 2024 წელთან, რომელიც გულისხმობს განაცხადის გაკეთებას ევროკავშირში გაწევრიანებასთან დაკავშირებით. ამას ყველა უწყების დაუღალავი…

ჩვენ, რა თქმა უნდა, ევროპულ სასამართლოში ისტორიული გამარჯვების მოლოდინი გვაქვს რუსეთის წინააღმდეგ,- ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებთან განაცხადა. მისი თქმით, ამ მიმართულებით, „ქართული ოცნების” ხელისუფლების პირობებში, კერძოდ, იუსტიციის სამინისტროს მხრიდან დიდი შრომა იყო გაწეული. „დაახლოებით 700-მდე მტკიცებულება იყო წარდგენილი სტრასბურგში 2013 წლიდან მოყოლებული. ამ მტკიცებულებებით დასტურდება, რომ 2008 წლის ომის დროს მსხვერპლი იყო საქართველო და ჩვენი მოსახლეობა და დაირღვა კონვენციის არაერთი მუხლი, მათ შორის როგორიც არის სიცოცხლის უფლება. გაწეული შრომის შედეგად, მოლოდინი გვაქვს, რომ ეს იქნება ისტორიული გამარჯვება. რაც უკავშირდება აღსრულებას, რა თქმა უნდა, მნიშვნელოვანია, თუმცა იმის ხაზგასმას,…

დღეს საქართველოს უახლოეს ისტორიაში ერთ-ერთი მნიშვნელოვანი დღეა. რამდენიმე საათში ადამიანის უფლებათა ევროპული სასამართლო მიიღებს საბოლოო გადაწყვეტილებას საქმეზე „საქართველოს რუსეთის წინააღმდეგ“, – ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა. მისი თქმით, დღეს პირველად მიეცემა საერთაშორისო სასამართლოს მიერ შეფასება 2008 წლის რუსეთ-საქართველოს ომს და ეს უნდა გახდეს ახალი ეტაპი ქვეყნის დეოკუპაციისთვის ბრძოლაში. „ეს გადაწყვეტილება იქნება ჩვენი თანამოქალაქეების, იუსტიციის სამინისტროს თანამშრომლების, სპეციალისტების 12-წლიანი შრომის შედეგი. ჩვენ, ყველანი დარწმუნებულნი ვართ, რომ იქნება სამართლიანი გადაწყვეტილება. ეს ძირითადად იქნება საფუძველი ჩვენი მოქალაქეების ინტერესების შემდგომი დაცვისთვის საერთაშორისო დონეზე. ყველას კარგად უნდა გვესმოდეს, რომ ეს არის პირველი საერთაშორისო…