დღე: დეკემბერი 28, 2020

საქართველოს ჯანდაცვის მინისტრის ეკატერინე ტიკარაძის განცხადებით, კორონავირუსის საწინააღმდეგო ვაქცინასთან დაკავშირებით „კოვაქს პლატფორმასთან“ მოლაპარაკებები სექტემბრიდან მიმდინარეობს და საქართველოს 16 მილიონი ლარი უკვე გადახდილი აქვს. მისივე თქმით, მიმდინარეობს მოლაპარაკებები თავად მწარმოებლებთანაც. „ვაქცინაზე მოლაპარაკებები სექტემბრის თვიდან აქტიურად მიმდინარეობს და ჩვენ უკვე გვაქვს გადახდილი 16 მილიონი ლარი, რომელიც არის მეოთხედი იმ ღირებულების, რომლითაც ჩვენ შეგვიძლია ავცრათ ქვეყნის მოსახლეობის 20 პროცენტი. „კოვაქს პლატფორმის“ გარდა, ასევე ჩვენ გვაქვს მოლაპარაკებები მწარმოებლებთან, რომელიც არის პროცესში, ჯერჯერობით მეტი დეტალის დასახელება შეუძლებელია“, – აღნიშნა ეკატერინე ტიკარაძემ. ამასთან, ტიკარაძემ აღნიშნა, რომ ყველა ცივი ჯაჭვი, რომელიც საჭიროა ვაქცინების შემოსატანად, დღეს ქვეყანაში არსებობს.…

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, დაფიქსირდა თუ არა კორონავირუსის ახალი შტამი საქართველოში, ამის შესახებ დაზუსტებით კვირის ბოლოს იქნება ცნობილი. თუმცა, როგორც ამირან გამყრელიძე აცხადებს, არაფერი განსაკუთრებული ამ მხრივ არ მოხდება, რადგან საქართველომ ბოლო 2 კვირის განმავლობაში დიდ ბრიტანეთში მოგზაურობის ისტორიის მქონე ადამიანებისთვის შესაბამისი შეზღუდვა შემოიღო და ისინი კარანტინში გადადიან. მისივე თქმით, ახალი შტამი არ არის უფრო აგრესიული, თუმცა, როგორც მეცნიერები ამბობენ, ის ახალგაზრდებში უფრო ადვილად ვრცელდება. „მიმდინარეობს გენომის სეკვენირება ერთ შემთხვევასთან დაკავშირებით, რომელიც უკვე იდენტიფიცრებულია, რომ მეტი ეჭვის საფუძველია იქ. ამ გენომის სეკვენირებას სჭირდება 4-5 დღე და ალბათ,…

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საკოორდინაციო საბჭოზე 3 იანვრიდან სრულ ლოქდაუნზე მსჯელობა არ ყოფილა. როგორც გამყრელიძემ განაცხადა, თუ ეპიდვითარება არსებულ დონეზე შენარჩუნდება, ლოქდაუნის საკითხი დღის წესრიგში არ დადგება. “ვაკვირდებით ეპიდსიტუაციას. თუ ეპიდსიტუაცია იქნა მსგავსი, როგორიც დღეს გვაქვს, რა თქმა უნდა, ეს საკითხი განხილული არ იქნება, მაგრამ ის შეზღუდვები იქნება, რაც 2-თვიანი გეგმით არსებობს,” -აღნიშნა გამყრელიძემ.

ყველა ინიდიკატორი მიუთითებს, რომ ინიფიცირება ქვეყანაში მცირდება, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მთავრობის ადმინისტრაციაში, საკოორდინაციო სხდომის დასრულების შემდეგ განაცხადა. მისივე თქმით, დღეისათვის საქართველო ინფიცირების მაჩვენებლით ევროპაში დაახლოებით მე-8 ადგილზეა, მსოფლიოში კი -12-ზე. „ბოლო ერთი თვის განმავლობაში, განსაკუთრებით ბოლო 2 კვირაში უკვე აღინიშნება ინფიცირების მაჩვენებლის კლება ქვეყანაში. ყველა მაჩვენებლით, ყველა ინდიკაროტით, რომელიც დაკავშირებულია 7-დღიან საშუალო ინციდენტობასთან , 14-დღიან კუმულაციურ ინციდენტობასთან, ყველა მაჩვენებელი უკვე ქვემოთ არის წამოსული. მრუდს რომ შეხედავთ ქვეყანაში ახალი შემთხვევების განვითარების და გადაიყვანთ მას ასი ათას მოსახლეზე, ნახავთ, რომ ჩვენ უკვე ქვემოთ მოვდივართ. თუ ჩვენ…

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ კორონავირუსის გავრცელებიდან დღემდე გადადგმულ პრევენციულ ნაბიჯებზე ისაუბრა. მინისტრმა ანგარიშის პრეზენტაციისას ყურადღება იმ ძირითად ღონისძიებებზე გაამახვილა, რომლითაც ქვეყანა ვირუსის პირველ ტალღას წარმატებით გაუმკლავდა. „ჩვენ პანდემიის პირველი ტალღის შეკავება დრამატული შედეგების გარეშე შევძელით. დაბალი გავრცელების მიუხედავად, ყოველთვის ღიად ვაცხადებდით, რომ ვემზადებოდით მეორე, ბევრად რთული ეტაპისთვის, რომელიც, ჩვენი გათვლებით, შემოდგომაზე დაიწყებოდა. პროგნოზი გამართლდა და სექტემბრის დასაწყისიდან შემთხვევების მკვეთრი მატების ტენდენცია დაფიქსირდა. სწორედ წინასწარ მიღებული ზომების შედეგია, რომ გავრცელების მაღალი ნიშნულის მიუხედავად, ჯანდაცვის სისტემა ინარჩუნებს მდგრადობას და დღეს ყველა პაციენტს მიეწოდება მისთვის საჭირო მომსახურება“,…

საქართველოში გამოვლენილი კორონავირუსით ინფიცირების 538 ახალი შემთხვევიდან თბილისში დადასტურდა 257 შემთხვევა, აჭარაში – 68, იმერეთში – 55. დანარჩენი შემთხვევები სხვა რეგიონებზე ნაწილდება. კერძოდ,  უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილის, ბერდია სიჭინავას ინფორმაციით, ქვემო ქართლში გამოვლინდა კორონავირუსის 29 ახალი შემთხვევა, შიდა ქართლში – 16, გურიაში – 14, სამეგრელო-ზემო სვანეთში – 34, კახეთში – 36, მცხეთა-მთიანეთში – 19, სამცხე-ჯავახეთში – 8, რაჭა-ლეჩხუმსა და ქვემო სვანეთში – 2. „ამ ეტაპზე ინფიცირების მიმდინარე აქტიური შემთხვევა არის 13 386, საიდანაც, 5 624 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 608, აჭარაში…

საქართველოში, ბოლო 24 საათში კორონავირუსით 41 პაციენტი გარდაიცვალა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. „სამწუხაროდ, ბოლო 24 საათში გვაქვს კორონავირუსით გარდაცვალების 41 ახალი შემთხვევა.  პანდემიის გავრცელებიდან დღემდე ვირუსს ჯამში 2 418 პირი ემსხვერპლა“, – აღნიშნა ბერდია სიჭინავამ. ამასთან, ბოლო 24 საათში ქვეყნის მასშტაბით ჩატარდა 4 769 კვლევა, შედეგად გამოვლინდა ვირუსით ინფიცირების 538 ახალი შემთხვევა, გამოჯანმრთელდა 2 766 პირი.

საქართველოში კორონავირუსის 538 ახალი შემთხვევა გამოვლინდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის  მოადგილემ, ბერდია სიჭინავამ მთავრობის ადმინისტრაციაში გამართულ ბრიფინგზე განაცხადა. მისივე ცნობით, ქვეყანაში ბოლო 24 საათში 2 766 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 41 პაციენტი. ბოლო 24 საათში ქვეყნის მასშტაბით ჩატარდა 4 769 კვლევა ტესტით, მათ შორის, 1 955 კვლევა ანტიგენის ტესტით და 2 814 PCR ტესტით. საქართველოში კორონავირუსით ინფიცირების სულ 222 143 შემთხვევაა გამოვლენილი, მათგან 206 313 გამოჯანმრთელდა, 2 418 კი გარდაიცვალა. ამ ეტაპზე ინფიცირების მიმდინარე აქტიური შემთხვევა არის 13 386, საიდანაც, 5 624 ადამიანი მკურნალობს საავადმყოფოში. მძიმეა 1 019 პაციენტის მდგომარეობა.…