დღე: ოქტომბერი 31, 2020

“ქართული ოცნების” აღმასრულებელი მდივნის ირაკლი კობახიძის პროგნოზით, “ქართულ ოცნებას” მილიონი ხმა, “ენმ-გაერთიანებული ოპზიციას” 360 ათასი, ხოლო “ევროპულ საქართველოს” 70-80 ათასი ხმას აიღებს. კობახიძის განცხადებით, ეს მონაცემები “ოცნებას” კარდაკარის გამოკითხვით აქვს. ირაკლი კობახიძე არ გამორიცხავს, რომ რამდენიმე ოლქში მეორე ტურის ჩატარება გახდეს საჭირო. “არის დაახლოებით 6-7 ოლქი, სადაც შეიძლება იყოს მეორე ტური. ამ ეტაპზე, ჩვენ ბუნებრივია, თავს შევიკავებთ ამ ოლქების დასახელებისგან. გვაქვს დიდი იმედი, რომ 30- ვე ოლქში პირველივე ტურში მოვიგებთ არჩევნებს, თუმცა, რა თქმა უნდა, მეორე ტურები არ არის გამორიცხული,”-განაცხადა ირაკლი კობახიძემ.

ბოლნისში მმართველი გუნდის მაჟორიტარობის კანდიდატის გოგი მეშველიანის განცხადებით, ოპოზიციის წარმომადგენლები პროვოკაციის მოწყობას ცდილობენ და მათი თითქმის 100-მდე მობილიზებული ადამიანი ადგილობრივი არ არის, მეშველიანის თქმით, ისინი სპეციალურად არიან ჩაყვანილები არეულობის მოსაწყობად.  “რა ინფორმაციებიც გუშინ ვრცელდებოდა, ფაქტობრივად დღეს დადასტურდა. ვხედავთ თითქმის 100-მდე მობილიზებული ადამიანის კონცენტრაციასა და გადაადგილებას. ესენი ჩვენი ოლქის მაცხოვრებლები არ არიან და ჩამოყვანილები არიან სპეციალურად პროვოკაციების მოსაწყობად. ერთი ასეთი პროვოკაცია უკვე ვიხილეთ მაშინ, როდესაც ჩვენმა ოპონენტებმა შეძლეს ყუთის გატაცება, თუმცა დროულად მოხერხდა ამ მცდელობის აღკვეთა. ჩვენი აქტივი გაფრთხილებულია, რომ პროვოკაციებს არ აჰყვნენ. როდესაც პოლიტიკოსი დემონსტრაციულად იარაღით გადაადგილდება, მიმაჩნია, რომ ეს…

“ქართული ოცნება-დემოკრატიული საქართველოს“ აღმასრულებელი მდივნის ირაკლი კობახიძის ინფორმაციით, კონკრეტული ოპოზიციური პარტიების მიერ არჩევნების დღეს დაგეგმილი დესტრუქციული ქმედებების ნაწილი უკვე დადასტურდა. როგორც კობახიძემ პარტიის ოფისში გამართულ ბრიფინზე განაცხადა, ოპოზიციური პარტიების მიერ დანიშნულმა წევრებმა მთელი ქვეყნის მასშტაბით უარი თქვეს საარჩევნო კომისიებში ფუნქციების გასანაწილებელ კენჭისყრებში მონაწილეობაზე. მისივე თქმით, შეინიშნება „ნაცმოძრაობის“ ფეიკ-სადამკვირვებლო ორგანიზაციების დესტრუქციული ქმედებები, რომელთაგან “პლატფორმა 2020“ გამოირჩევა. გარდა ამისა, როგორც კობახიძემ განაცხადა, საარჩევნო ინვენტარის მოპარვის ფაქტი დაფიქსირდა ბოლნისის 55-ე საარჩევნო უბანზე, სადაც ოპოზიციის ორ წარმომადგენელს, არზუმან ხასიევს “ევროპული საქართველოდან“ და ვაშაძის პარტიის კანდიდატს, ელიმდარ მირიევს, გადასატანი ყუთის გატაცების მცდელობა ჰქონდათ. “აღსანიშნავია, რომ ამ ფაქტს კამერით…

“გართიანებული ოპოზიციის” კანდიდატმა კახა ოქრიაშვილი გამოეხმაურა დიმიტრი შაშკინის კადრებს და  განაცხადა, რომ მასაც აქვს შაშკინის მსგავსად იარაღი და ისიც გადაადგილდება იარაღით, რადგან ამის უფლება აქვს. “დიმიტრი შაშკინს აქვს უფლება იარაღით გადაადგილების და მეც მაქვს იარაღი, მეც იარაღით გადაავაადგილდები,”- განაცხადა კახა ოქრიაშვილმა.

10:00 საათის მონაცემებით, ამომრჩევლის აქტივობამ საქართველოს მთელ ტერიტორიაზე 8.33 % შეადგინა. როგორც ცესკო-ს სპიკერმა ანა მიქელაძემ ბრიფინგზე განაცხადა, ამ დროისთვის საარჩევნო უბნებზე ხმის მიცემის პროცესი მშვიდ ვითარებაში მიმდინარეობს. „10:00 საათის მონაცემებით, ამომრჩეველთა აქტივობამ შეადგინა 8.33%, რაც 292 587 ამომრჩეველია. ყველაზე მაღალი აქტივობა დაფიქსირდა მე-19 საარჩევნო ოლქში, რაჭა-ლეჩხუმის და სვანეთში – 11%. ხოლო ყველაზე დაბალი აქტივობა აჭარის რეგიონში 7,3%,- განაცხადა მიქელაძემ.

“ერთიანი ნაციონალური მოძრაობის” მტკიცებით, ზუგდიდში ერთ-ერთ საარჩევნო უბანზე “ქართული ოცნების” კოორდინატორები ფულს არიგებდნენ. როგორც ოპოზიციური პარტიის დამკვირვებლები ამბობენ, მანქანაში მჯდომი ქალი “ქართული ოცნების” მომხრეებს მანქანასთან იბარებდა და სხვადასხვა კუპიურას აძლევდა. ფაქტს კატეგორიულად უარყოფენ თავად მანქანაში მსხდომი “ქართული ოცნების” კოორდინატორები და ამბობენ, რომ მანქანაში მხოლოდ საჭმელად ჩასხდნენ. ადგილზე იმყოფებოდა უბნის მაჟორიტარი “ქართული ოცნებიდან” თაზო ფაცაცია. მისი მტკიცებით, ფულს მმართველი გუნდი არ არიგებს და ეს ოპოზიციის ცილისწამებაა.

“დღევანდელი ამინდის შემხედვარეს იმედი მაქვს, რომ არჩევნების დღეც იმავე მაგალითს მიჰყვება, რომელიც მსუბუქი და სასიამოვნოა” – არც მეტისმეტად ცხელი, არც მეტისმეტად ცივი, – ამის შესახებ ევროკავშირის ელჩმა საქართველოში, კარლ ჰარცელმა დღევანდელ საპარლამენტო არჩევნებთან დაკავშირებით განაცხადა. მისი თქმით, დღევანდელი, 2020 წლის არჩევნების დღე დიდი დღეა. „მე, როგორც ბევრი, დღის განმავლობაში ბევრს ვიმუშავებ, რათა ვიხილო, თუ როგორ ჩაივლის ყველაფერი. ეს არის მომენტი, რომელიც ყველა დემოკრატიისთვის მნიშვნელოვანია – ამომრჩევლები არჩევნებზე მიდიან, რათა საკუთარი არჩევანი დააფიქსირონ, თუ ვინ უნდა მართავდეს ამ ქვეყანას მომდევნო 4 წლის განმავლობაში. საარჩევნო უბანზე შესვლა საზეიმო განწყობას მიქმნის, რადგან ეს მნიშვნელოვანი…

შინაგან საქმეთა სამინისტრო მთელი ქვეყნის მასშტაბით უზრუნველყოფს უსაფრთხოებას და მართლწესრიგის დაცვას, რათა ყველა მოქალაქეს მიეცეს საშუალება თავისუფალ და უსაფრთხო გარემოში გააკეთოს საკუთარი არჩევანი, – ამის შესახებ საქართველოს შინაგან საქმეთა მინისტრის მოადგილემ, ნინო ცაციაშვილმა ბრიფინგზე განაცხადა. მისი თქმით, 10:00 საათის მდგომარეობით, არჩევნები მშვიდ ვითარებაში მიმდინარეობს და პოლიციის ინფორმაციით, რაიმე სერიოზულ სამართალდარღვევას ან ინციდენტს ადგილი არ ჰქონია. „როგორც საზოგადოებას უკვე ვაცნობეთ, უსაფრთხო საარჩევნო გარემოს უზრუნველყოფის მიზნით შექმნილია პოლიციის მობილური ჯგუფები, რომლებიც მთელი დღის განმავლობაში დაიცავენ საზოგადოებრივ წესრიგს. შინაგან საქმეთა სამინისტროში ასევე შექმნილია სპეციალური ჯგუფი, რომელიც კოორდინაციას უწევს რეგიონულ დანაყოფებს და უფლებამოსილების ფარგლებში ახორციელებს მონიტორინგს. ამასთან,…

პარლამენტის თავმჯდომარის, არჩილ თალაკვაძის განცხადებით, მან ხმა მისცა ქვეყნის განვითარებას და წინსვლას. როგორც თალაკვაძემ ხმის მიცემის შემდეგ ჟურნალისტებს განუცხადა, ქვეყანა თავისუფალი და დემოკრატიული არჩევნების ჩასატარებლად მზად არის. „დღეს ძალიან მნიშვნელოვანი დღეა საქართველოს დემოკრატიის განვითარებისთვის. მეც და ჩემი ოჯახის წევრებმა გავაკეთეთ არჩევანი. ხმა მივეცი იმ პოლიტიკურ გუნდს, რომელსაც დემოკრატიული მართვა და ქვეყნის შემდგომი განვითარების უზრუნველყოფა შეუძლია. დარწმუნებული ვარ, დემოკრატიული რეფორმები, რომლებიც ჩვენ ამ წლების განმავლობაში გავატარეთ, პოზიტიურად უზრუნველყოფს ჩვენი ქვეყნის მომავლის შემდგომი განვითარების პროცესს. ამაში დღეს თითოეული მოქალაქის მონაწილეობა აუცილებელია. მადლობას ვუხდი მთელ საზოგადოებას, ყველა მოქალაქეს, მათი მხარდაჭერით ძალიან ბევრი გაკეთდა ამ წლების განმავლობაში.…