დღე: ოქტომბერი 1, 2020

ოკუპირებული აფხაზეთის დე-ფაქტო რესპუბლიკის დროშის დაწვის გამო გალის რაიონში მცხოვრები საქართველოს მოქალაქე დააკავეს. ადგილობრივი მედიის ინფორმაციით, დაკავებულმა პირმა გალში ე.წ “აფხაზეთის გამარჯვების” დღისადმი მიძღვნილ ზეიმზე აფხაზური დროშა დაწვა. სოციალურ ქსელში გავრცელებულ ვიდეოში დაკავებული პირი აცხადებს, რომ ქართველებისა და აფხაზების დაყოფის თარიღი არ უნდა აღინიშნებოდეს და ის მეგობრული ურთიერთობის მომხრეა. გავრცელებული ინფორმაციით, პირი გალიდან სოხუმში გადაიყვანეს.

აჭარისა და სხვა რეგიონების იმ სკოლების გარდა, სადაც კორონავირუსით ინფიცირების ფაქტი დადასტურდა, პირველიდან მეექვსე კლასის ჩათვლით მოსწავლეები საკლასო ოთახებში სწავლას დღეიდან გააგრძელებენ. ამასთან, საქართველოს განათლების, მეცნიერების, კულტურისა და სპორტის სამინისტროს ცნობით, თუ მოსწავლე თბილისში, ზუგდიდში, ქუთაისში ან რუსთავში სწავლობს, სურვილის შემთხვევაში, მშობელს შეუძლია, დისტანციური სწავლების რეჟიმით ისარგებლოს. „სწავლის დისტანციურად გაგრძელების სურვილის შემთხვევაში განაცხადი უნდა გააკეთოთ საიტზე: online.emis.ge, ან მიმართოთ სკოლას და რეგისტრაციას ადმინისტრაცია უზრუნველყოფს“, – განაცხადეს განათლების სამინისტროში. განათლების სამინისტრო წერტილოვან შეზღუდვებს დააწესებს იმ სკოლებში, სადაც კორონავირუსით ინფიცირების ფაქტი დადასტურდება. როგორც უწყებაში აცხადებენ, დაავადებათა კონტროლის ცენტრის რეკომენდაციების შესაბამისად, კორონავირუსის ფაქტის შემთხვევაში, ყველა…