დღე: სექტემბერი 28, 2020

კორონავირუსით გარდაცვლილი 32-ე პაციენტი თბილისის რესპუბლიკურ საავადმყოფოში მკურნალობდა. ჯანდაცვის მინისტრის, ეკატერინე ტიკარაძის ინფორმაციით, 57 წლის მამაკაცს თანმდევი დაავადებები ჰქონდა და მისი მდგომარეობა მძიმე იყო. მინისტრის თქმით, გამოიკვეთა, რომ ვირუსით გარდაცვალების ასაკი გაახალგაზრდავდა.

„მაქსიმალურად უნდა ვიყოთ დაცული სეზონური ვირუსული ინფექციებისგან“, – ამის შესახებ „მედიაცენტრ მთავარში „მცხეთის სამედიცინო ცენტრის“ კლინიკურმა დირექტორმა, ლიკა მუმლაძემ განაცხადა. მედიკოსი მოსახლეობას ვაქცინაციისკენ მოუწოდებს და აღნიშნავს, რომ სეზონური გრიპის თანხვედრა კორონავირუსთან სავალალო შედეგებს მოიტანს: „გვემატება ისეთი პაციენტები, ვისაც სტაციონარი დასჭირდება, მაღალია თანმხლები დაავადებების მქონე პაციენტების რაოდენობა. თუ ორი ვირუსის თანხვედრა გვექნება, გამოსავალზე ცუდად იმოქმედებს. ამიტომ, უნდა ვიყოთ მზად სეზონური ვირუსებისთვის, ის რისი ვაქცინაციის საშუალებაც გვაქვს უნდა გავაკეთოთ,“ – განაცხადა ლიკა მუმლაძემ „მედიაცენტრ მთავარში.“ “მედიაცენტრ მთავარის” მასალის გამოყენების შემთხვევაში აუცილებელია ბმულის და წყაროს მითითება.

„ბავშვს დედ-მამა ჰყავს ინფიცირებული, ასეთი მცირე ასაკის პაციენტი არ გვყოლია,“ – ამის შესახებ „მედიაცენტრ მთავრში” „მცხეთის სამედიცინო ცენტრის“ კლინიკურმა დირექტორმა  ლიკა მუმლაძემ განაცხადა. მუმლაძის ინფორმაციით ჩვილს ვირუსი მშობლებისგან გადაედო, თუმცა მისი მდგომარეობა მძიმე არაა. „დადასტურდა ორი თვის ბავშვთან, რომელიც ოჯახური შემთხვევაა, ინფიცირებული ჰყავს მამა და დედა, ჩავატარეთ კვლევა და ბავშვსაც დაუდასტურდა ვირუსი. დაავადება მიდის უსიმპტომოდ და სტაბილურად, ძირითადად ბავშვებს გადააქვთ უსიმპტომოდ, მინიმალური ჩივილებით, დედასაც ორი დღის წინ დაუდასტურდა და დედაც არის უსიმპტომო მიმდინარეობა,“ – განაცხადა ლიკა მუმლაძემ „მედიაცენტრ მთავარში.“ “მედიაცენტრ მთავარის” მასალის გამოყენების შემთხვევაში აუცილებელია ბმულის და წყაროს მითითება.

გუშინ დადიანის ქუჩაზე მომხდარი დაჭრის საქმე გახსნილია. პოლიციამ ჯანმრთელობის დაზიანებისა და ძალადობის ფაქტზე ორი პირი დააკავა. გამოძიებით დადგინდა, რომ ერთ-ერთმა დაკავებულმა ირანის რესპუბლიკის მოქალაქეს, ურთიერთშელაპარაკების ნიადაგზე, ცივი იარაღით სხეულზე ორი მსუბუქი ჭრილობა მიაყენა და მიიმალა. რაც შეეხება მის თანმხლებს – მანაც ბლაგვი საგნით სხეულზე დაზიანება მიაყენა ინციდენტში მონაწილე პირებს. პოლიციამ დანაშაულის ჩადენის იარაღი – დანა ნივთმტკიცების სახით ამოიღო.

დაავადებათა კონტროლის ეროვნული ცენტრის გენერალური დირექტორის, ამირან გამყრელიძის ინფორმაციით, ქვეყანაში კორონავირუსის გავრცელების თვალსაზრისით ვითარება, სრულად მართვადია. მან აღნიშნა, რომ შემთხვევათა მატების პარალელურად, ქვეყანა ვირუსის მართვის ახალ მოდელზე გადავიდა, რომელიც მსუბუქი და უსიმპტომო პაციენტების ჯანმრთელობის მდგომარეობის ბინაზე მართვას გულისხმობს.  “ჩვენ, გარკვეული პერიოდის განმავლობაში, ყოველდღიურად გვექნება შემთხვევათა მერყეობა 200-400-500-ის ფარგლებში. მაგრამ ეს ყველაფერი, მთავარია, იყოს მართვადი. ჯერჯერობით, ეს ყველაფერი სრულად მართვადია. საქართველო გადავიდა იმ მოდელზე, სადაც შემთხვევათა ზრდის ფონზე აქტიურად ერთვება პირველადი ჯანდაცვა და მსუბუქი და უსიმპტომო პაციენტების სახლში დატოვება, მაგრამ რადგან ჩვენთან მრავალწევრიანი ოჯახების კულტურაა, ამ ადამიანებისთვის ჩვენ ე.წ. შუალედური რგოლი ჩავრთეთ, კოვიდ სასტუმროები, კარანტინები, სადაც მსუბუქ…

ზუგდიდში 14 მოსწავლეს კორონავირუსი დაუდასტურდა, რის გამოც სოფლის სამ სკოლაში სწავლა ონლაინ, დისტაციურ რეჟიმში გაგრძელდება. სამხარეო ადმინისტრაციის ინფორმაციით, ყველა მათგანის ინფიცირებული წყარო რეპეტიტორია, რომელიც, თავის მხრივ, ე.წ. ოქროს ბირჟის კლასტერს წარმოდგენს. მათ გარდა, კორონავირუსი დაუდასტურდა მარტვილში მყოფ პირს, რომლის ინფიცირების წყარო თბილისია, ასევე, ფოთში მცხოვრებ სამ პირს და მათი ინფიცირების წყაროა ბათუმი. ზუგდიდში კიდევ ერთი დადასტურებული შემთხვევა კი ასევე ადრე ინფიცირებულის კონტაქტია.

ინფექციური საავადმყოფოს ბოქსირებული განყოფილების ხელმძღვანელი, მარინა ენდელაძე ამბობს, რომ კორონავირუსით ინფიცირებულების მატება ფიქსირდება, თუმცა ვარაუდობს, რომ პროცესის შეკავება მოხერხდება. “ჩვენ ვხედავთ, რომ არის მატება, მაგრამ არ არის მნიშვნელოვანი მატება და ვფიქრობ, სტაბილიზაციისკენ მივდივართ და მოხდება პროცესის შეკავება,” – განაცხადა მარინა ენდელაძემ. შეგახსენებთ, რომ საქართველოში კორონავირუსის 298 ახალი შემთხვევა დაფიქსირდა, გამოჯანმრთელდა 148 ადამიანი.  ამასთან, კორონავირუსით გარდაცვლილთა რიცხვი 3-ით გაიზარდა და 31-ს შეადგენს სულ, ამ დროისთვის, საქართველოში კორონავირუსის 5552 შემთხვევაა დადასტურებული.​

საქართველოში კორონავირუსით გარდაცვლილი 3 პაციენტიდან ორი აჭარაში, ერთი კი თბილისში მკურნალობდა. გარდაცვლილთაგან ორი 65 და 70 წლის მამაკაცები, ერთი კი 57 წლის ქალია. სამივე მათგანს თანმხლები დაავადებები აღენიშნებოდა.

საქართველოში კორონავირუსით კიდევ სამი პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე განთავსდა. ვებგვერდის მიხედვით, გარდაცვლილთა რაოდენობა ჯამში 31-ს შეადგენს. ამ დროისთვის უცნობია დეტალები, თუ რა ასაკის არიან გარდაცვლილი პაციენტები და სად მკურნალობდნენ. შეგახსენებთ, საქართველოში დღეს კორონავირუსის 298 ახალი შემთხვევა გამოვლინდა, გამოჯანმრთელდა 148 პაციენტი.

საქართველოში კორონავირუსის 298 ახალი შემთხვევა დაფიქსირდა. სტატისტიკა ვებგვერდზე stopcov.ge განახლდა. სულ, ამ დროისთვის, საქართველოში კორონავირუსის 5552 შემთხვევაა დადასტურებული.​ გამოჯანმრთელებულთა რიცხვი, ჯერჯერობით, არ შეცვლილა და 1906-ს შეადგენს. კარანტინის რეჟიმში ამ დროისთვის 5650 ადმიანი იმყოფება. სტაციონარში მეთვალყურეობის ქვეშ –  836. კოვიდ სასტუმროში მყოფი პირების რიცხვი კი 800-ს შეადგენს. ქვეყანაში კორონავირუსით 28 ადამიანი გარდაიცვალა.