თვე: აგვისტო 2020

გიორგი შაქარაშვილის საქმეზე ბრალდებული არასრულწლოვნების სასამართლო პროცესი დღეს მოწმეების დაკითხვით გაგრძელდება. მცხეთის რაიონულ სასამართლოში დაგეგმილია გიორგი შაქარაშვილის საქმეზე ბრალდებული ექვსი არასრულწლოვანის საქმის განხილვა. წინასწარი ინფორმაციით, სასამართლოს დღევანდელ სხდომაზე დაიკითხებიან ის მოწმეები, რომლებიც სასამართლოს წინა სხდომაზე უნდა დაკითხულიყვნენ, თუმცა პროცესი გადაიდო, რადგან ბრალდებულ არასრულწლოვან ზ.ხ.-ს სახაზინო წესით დაენიშნა ადვოკატი, რომელმაც საქმის მასალების გასაცნობად დრო ითხოვა. ზ.ხ. თავად უთხრა მის პირველ ადვოკატს რომ არ მიეღო სასამართლო განხილვებში მონაწილეობა, რადგან თავად ბრალდებული უნდობლობას უცხადებდა გამოძიების პროცესს. წინასწარი ინფორმაციით, სასამართლოს სხდომაზე გამოიკითხებიან საქმის გამომძიებლები და ასევე ის პირები, რომლებიც 18 ივნისის ღამეს მცხეთაში წვეულებაზე…

საქართველოს პროკურატურამ ლისის გზაზე მომხდარი ავტოსაგზაო შემთხვევის ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით  დაიწყო, (ტრანსპორტის მოძრაობის უსაფრთხოების წესის დარღვევა,რამაც ადამიანის სიცოცხლის მოსპობა გამოიწვია.) „გამოძიებით დგინდება, რომ 2020 წლის 30 აგვისტოს, დაახლოებით 23:00 საათზე, ლისის გზაზე  მოძრავი საპატრულო პოლიციის ავტომანქანა, ქვეითად მოსიარულე 2008 წელს დაბადებულ მ.გ.-ს შეეჯახა, რომელიც ჟვანიას სახელობის პედიატრიულ კლინიკაში გადაყვანის შემდეგ გარდაიცვალა. სისხლის სამართლის საქმეზე  ტარდება ყველა საჭირო საგამოძიებო და საპროცესო მოქმედებები,“ – ნათქვამია უწყების მიერ გავრცელებულ ინფორმაციაში.

ბორჯომში ავტოსაგზაო შემთხვევას არასრულწლოვანი ემსხვერპლა. არსებული ინფორმაციით, მსუბუქი ავტომობილი, რომელიც ბორჯომიდან თბილისის მიმართულებით მოძრაობდა, ზანავი-კორტანეთის საავტომობილო გზის მონაკვეთზე ხევში გადავარდა. მანქანაში სულ ხუთი ადამიანი იმყოფებოდა. წინასწარი ინფორმაციით, ისინი ერთი ოჯახის წევრები არიან. ოთხი დაშავებული საავადმყოფოში გადაიყვანეს. მომხდარზე გამოძიება სსკ-ის 276-ე მუხლის მე-6 ნაწილით დაიწყო.

არ გვაინტერესებს წარსული, გვაინტერესებს მომავალი, გასაკეთებელი საქმე, გვაინტერესებს ჩვენი ბავშვების, ჩვენი შვილების მომავალი, – ამის შესხებ საქართველოს პრემიერ-მინისტრმა გიორგი გახარიამ შუახევში განაცხადა, სადაც „ქართულმა ოცნებამ“ მოსახლეობას ხულოს, შუახევის, ქედისა და ხელვაჩაურის მაჟორიტარი დეპუტატობის კანდიდატი ანზორ ბოლქვაძე და აჭარის ა/რ უმაღლესი საბჭოს მაჟორიტარი დეპუტატობის კანდიდატი ფრიდონ ფუტკარაძე წარუდგინა. ამასთან, როგორც გახარიამ აღნიშნა, აჭარაცა და მთლიანად საქართველოც სტუმრებმა უნდა გაიცნონ და ყველამ ნახოს, რომ ეს მხარე არის წარმატებული, ევროპული ქვეყანა თავისი ფასეულობებითა და მომავლით. მისივე თქმით, უშუალოდ შუახევში დარჩენილია ბრობლემები, რომლებიც აუცილებლად უნდა მოგვარდეს. ამასთან, სიტყვით გამოსვლისას გიორგი გახარიამ განათლებაზეც გაამახვილა ყურადღება…

უბედური შემთხვევა მოხდა ხაშურის მუნიციპალიტეტში, სოფელ ალში. ჭაში ორი ახალგაზრდა ჩავარდა და დაიხრჩო. წინასწარი ინფორმაციით, ისინი ძმები იყვნენ.

წუხელ, ტრაგიკული შემთხვევა მარჯანიშვილზე – ცოტა ხნის წინ, მარჯანიშვილის მოედანზე, კაფე ბარ “გრინფოინთში” 20 წლის ახალგაზრდა მამაკაცი მოულოდნელად გარდაიცვალა. მიზეზი დაუდგენელია, თუმცა ვარაუდობენ, რომ ტრაგიკული შემთხვევა დენის დარტყმამ გამოიწვია. ცხედარი შესაბამისმა სამსახურმა პროზექტურაში უკვე გადაასვენა.

საქართველოს საპატრიარქოს გადაწყვეტილებით, თერჯოლაში გარდაცვლილი 11 წლის მოზარდისთვის წესის აგება ნებადართულია. ამის შესახებ განცხადება საქართველოს საპატრიარქომ ცოტახნის წინ გაავრცელა. განცხადებაში ნათქვამია, რომ წესის აგება ნებადართული უნდა იყოს იმის მიუხედავად, რომ ჯერჯერობით დაუდგენელია, რა გახდა ბავშვის გარდაცვალების მიზეზი. „თერჯოლის რაიონში ახლადგარდაცვლილი 11 წლის მოზარდის, ავთანდილ აბჟანდაძის, წესის აგებასთან დაკავშირებით მიგვაჩნია, რომ, მიუხედავად იმისა, ჯერჯერობით დაუდგენელია, რეალურად რა მოხდა და რა გახდა მიზეზი პატარა ავთანდილის ამქვეყნიდან გასვლისა, ასაკიდან და გარემოებიდან გამომდინარე, მისთვის წესის აგება უნდა იყოს ნებადართული. გამოვთქვამთ დიდ გულისტკივილს მომხდარის გამო და აღვავლენთ ლოცვებს ავთანდილის უკვდავი სულისათვის, რათა უფალმა შეიწყალოს და…

გიორგი შაქარაშვილის მკვლელობის საქმეზე ბრალდებული ნიკოლოზ რევაზიშვილი ციხიდან წერილს ავრცელებს, სადაც აცხადებს, რომ პროკურატურამ მის წინააღმდეგ ცრუ მოწმე – მისი თანასაკნელი დაკითხა. წერილში, რომელიც საქართველოს პირველ არხს ბრალდებულის ძმამ გადასცა, ნიკოლოზ რევაზიშვილი წერს, რომ თანასაკნელი, რომელსაც საგამოძიებო უწყება გათავისუფლებას დაჰპირდა, პროკურატურისთვის მიცემულ ჩვენებაში ყვება, თითქოს რევაზიშვილმა მას „აღსარება ჩააბარა, შემდეგ კი, შაქარაშვილის მკვლელობის დაბრალება შესთავაზა, რისთვისაც რევაზიშვილს სანაცვლოდ 50 ათასი ლარი უნდა მიეცა მისთვის“. ბრალდებული ამბობს, რომ ის უდანაშაულო და „სისტემის მძევალია“. „დღეს, 2020 წლის 26 აგვისტოს ცნობილი გახდა, რომ გამოძიებამ გამოკითხა ჩემი თანამოსაკნე კობა ჩიტაძე, რომელსაც თურმე არჩადენილი დანაშაულის შესახებ…

შინაგან საქმეთა სამინისტროს აკადემიაში, პოლიციის დეპარტამენტების წარმომადგენლების მონაწილეობით “ქალთა მიმართ ან/და ოჯახში მოძალადეებზე ელექტრონული ზედამხედველობის დანერგვის შესახებ“ სამუშაო შეხვედრა გაიმართა. უწყების ცნობით, შეხვედრაზე საკანონმდებლო ცვლილება განიხილეს, რომლის საფუძველზეც, 2020 წლის 1 სექტემბრიდან, შემაკავებელი ორდერის გამოცემასთან ერთად, შესაძლებელი იქნება მოძალადის მიმართ დაწესდეს ელექტრონული ზედამხედველობა. სიახლის თანახმად, ძალადობის განმეორების რეალური საფრთხის და მსხვერპლის თანხმობის არსებობის შემთხვევაში, მოძალადეს სხეულზე ელექტრონული სამაჯური დაუმაგრდება. აღნიშნულის შედეგად, მოძალადის მიერ მსხვერპლთან და წინასწარ განსაზღვრულ ტერიტორიასთან მიახლოების კონტროლი განხორციელდება GPS სისტემის მეშვეობით. სამუშაო შეხვედრის ფარგლებში, შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტის, იურიდიული დეპარტამენტის, საზოგადოებრივი უსაფრთხოების მართვის ცენტრ…

პროკურატურამ გ.ს.-ს განზრახ მკვლელობის ფაქტზე გ.ზ-ს, აგრეთვე განზრახ მკვლელობის შესახებ ცრუ ინფორმაციის მიწოდებისა და დანაშაულის შეუტყობინებლობის ფაქტზე დ.თ.-ს და ბ.ბ.-ს ბრალდება წარუდგინა. ამის შესახებ ინფორმაციას საქართველოს პროკურატურა ავრცელებს. საგამოძიებო უწყების ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ 2020 წლის 26 აგვისტოს, ქ. თბილისში, გ.ზ.-მ ურთიერთშელაპარაკების ნიადაგზე, მოკვლის განზრახვით, გ.ს.-ს დანით მიაყენა ჭრილობები გულმკერდის და თავის არეში, რის შემდეგაც შემთხვევის ადგილიდან მიიმალა. ა. ალადაშვილის სახელობის კლინიკაში გადაყვანილი გ.ს. გაწეული სამედიცინო დახმარების მიუხედავად, მიყენებული დაზიანებებით გარდაიცვალა. „გამოძიებით ასევე დადგენილია, რომ ზემოხსენებულ ფაქტს შეესწრნენ ბ.ბ. და დ.თ., რომლებმაც აღნიშნულის შესახებ არ…

შინაგან საქმეთა სამინისტროს აჭარის პოლიციის დეპარტამენტის ხელვაჩაურის რაიონული სამმართველოს თანამშრომლებმა, ამჟამად ქურდობისთვის პირობითი მსჯავრის ქვეშ მყოფი,1999 წელს დაბადებული თ.ხ. ქურდობის ბრალდებით ბათუმში დააკავეს. სამინისტროს ინფორმაციით, დანაშაული სამიდან შვიდ წლამდე ვადით თავისუფლების აღკვეთას ითვალისწინებს. „გამოძიებით დადგინდა, რომ ბრალდებულმა მიმდინარე წლის 20-21 აგვისტოს ბათუმში,ანდრია პირველწოდებულის გზატკეცილზე, მოქალაქეების კუთვნილი ექვსი ავტომობილის საქარე მინები დააზიანა, მანქანების სალონებში შეაღწია და მართლსაწინააღმდეგოდ დაეუფლა იქ არსებულ სხვადასხვა პირად ნივთებს. სამართალდამცველებმა თ.ხ. ცხელ კვალზე დააკავეს. პოლიციამ ბათუმში, ბრალდებულის დროებით საცხოვრებელ ბინაში ჩატარებული ჩხრეკის შედეგად, ნაქურდალი ნივთები ნივთმტკიცების სახით ამოიღო. დაკავებულმა მის მიერ, მიმდინარე თვეში, თბილისში ჩადენილი კიდევ რვა…

6 თვიანი პაუზის შემდეგ კინოთეატრები მუშაობას რეგულაციების ფარგლებში აღადგენენ. დარბაზში დასხდომა ერთი სკამის გამოტოვებით იქნება შესაძლებელი. ანალოგიური წესი ვრცელდება თეატრებზეც, საკოორდინაციო საბჭო კინოთეატრებისა და თეატრებისთვის, საბოლოო რეგულაციებზე მუშაობს, თუმცა უკვე ცნობილია, რომ წარმოდგენებზე და კინოჩვენებებზე დასწრების მსურველებმა უნდა დაიცვან სოციალური დისტანცია, გაიკეთონ პირბადე და გაიარონ თერმოსკრინინგი. კინოთეატრებში ვიზიტი, მაყურებლებს 15 სექტემბრიდან შეეძლებათ, თეატრი კი სპექტაკლზე დასწრების მსურველებს კარს, 1 ოქტომბრიდან გაუხსნის. 

პარლამენტის 31 აგვისტოს ბიუროს სხდომაზე საკანონმდებლო ცვლილებების ინიცირება მოხდება, რომელიც გარემოსთვის მიყენებულ ზიანზე ფულად ჯარიმებს აწესებს. ახალ რეგულაციებს „გარემოსდაცვითი პასუხისმგებლობის შესახებ“ კანონპროექტი ითვალისწინებს, რომელიც საკანონმდებლო სივრცეში ახალია და ეფუძნება პრინციპს – „დამბინძურებელი იხდის“. კანონპროექტის გათვალისწინებით, გარემოზე ზიანის მიყენების გარდაუვალი საფრთხის ან გარემოზე მიყენებული ზიანის შესახებ შეუტყობინებლობა – 5 000-დან 10 000 ლარამდე ჯარიმას გამოიწვევს, დაზიანებული გარემოს პირვანდელ მდგომარეობაში აღდგენის ან პირვანდელ მდგომარეობასთან მიახლოებულ მდგომარეობამდე აღდგენის შესაძლებლობის შესახებ ინფორმაციის წარუდგენლობა – 5 000 ლარს, ზიანის პრევენციისთვის/შერბილებისთვის აუცილებელი ღონისძიებების გაუტარებლობა – 10 000-დან 20 000 ლარამდე, გარემოზე მიყენებული ზიანის შემდგომი გავრცელების თავიდან…