დღე: აგვისტო 16, 2020

ვერც ქართული ჯარი, ვერც საქართველოს სახელმწიფო და ქართველი ხალხი, ვერც სტრასბურგში და ვერც ჰააგაში დავებს ვერ წააგებს, რადგან სიმართლე არის საქართველოს მხარეს, – ამის შესახებ საქართველოს იუსტიციის მინისტრმა, თეა წულუკიანმა განაცხადა. „მტკიცებულებებს ვიცნობ რაც მოვაგროვეთ და ამ მტკიცებულებებიდან ვამბობ, რომ ჩვენ შეგვიძლია, ვიყოთ მშვიდად. ქართველ ჯარისკაცს შეუძლია, იყოს მშვიდად, სახელმწიფოს და ხალხს, ჩვენი ქვეყნის ტერიტორიული მთლიანობის მომავალს, შეუძლია, იყვნენ მშვიდად, რადგან ჩვენ ამ დავებს აუცილებლად მოვიგებთ.სააკაშვილს აქვს შიში, რომ ჰააგაში დავას წააგებს. სააკაშვილი და მისი სიის პირველი ნომერი, ბაქრაძე ამბობს, თურმე ქართველი ხალხის ინტერესის ხარჯზე კომპრომისების გზით უვლიათ. გოკა გაბაშვილმა,…

გარდაცვლილი 23 წლის პროგრამისტის, თამარ ბაჩალიაშვილის დედის თქმით  მისი შვილის გარდაცვალება სამსახურს არ უკავშირდება. „ეს მზაკვრული გეგმა არის დასახული თვეების განმავლობაში და არა სპონტანურად ერთ დღეში“ – ამის შესახებ თეონა თამაზაშვილმა ოჯახის წევრებთან და ადვოკატთან ერთად გამართულ ბრიფინგზე განაცხადა. მისივე თქმით, კომპიუტერზე იყო „ფლეშკა“, რომელიც დაკარგულია. „100%-ით დარწმუნებული ვარ, რომ არ არის მის სამსახურთან კავშირში. სამსახურიდან თამარი უკვე წამოსული იყო. ძალიან კარგად არის შესწავლილი თამარის ცხოვრება და მისი ფსიქოლოგიური ტიპი. ეს მზაკვრული გეგმა არის დასახული თვეების განმავლობაში და არა სპონტანურად ერთ დღეში. თამარს კომპიუტერი უკვე ორშაბათს უნდა დაებრუნებინა სამსახურში. ამიტომ…

თბილისში, ფიროსმანის ქუჩაზე მამაკაცი მოკლეს. შემთხვევა სავარაუდოდ, გუშინ ღამით მოხდა. არსებული ინფორმაციით დანაშაული ჯგუფურად ჩადენილია. „გამოძიება დაწყებულია სსკ-ის 108-ე განზრახ მკვლელობის მუხლით, რაც დანაშაულისთვის 7-დან 15 წლამდე ვადით თავისუფლების აღკვეთას ითვალისწინებს. გამოძიების მიერ დანაშაულის სავარაუდო ჩამდენი პირი იდენტიფიცირებულია“, – განაცხადეს შინაგან საქმეთა სამინისტროში.

„შეიცვალოს თვითმკვლელობა მკვლელობით,“ – ამ მოთხოვნით თამარ ბაჩიალაშვილის ოჯახი და ადვოკატი გენერალურ პროკურატურას მიმართავს. მიხეილ რამიშვილის ინფორმაციით არის საკითხები, რომლის გაჟღერებაც ამ ეტაპზე არ შეიძლება. მისი განცხადებითვე თვითმკვლელობის ვერსია აბსურდულია: „მისი საქმიანობიდან გამომდინარე გარკვეულმა ჯგუფმა ისარგებლა, რომ განევითარებინა თვითმკვლელობის ვერსია, მე მესმის საზოგადოების ინტერესი, მაგრამ თავს ვიკავებ იმ ინფორმაციის გავრცელებისგან, რაც მაძლევს საფუძველს ვიფიქრო, რომ თვითმკვლელობა აბსურდული ვერსიაა, ამიტომ მოვუწოდებ მთავარ პროკურატურას შეცვალოს იმ ვერსიაზე მუშაობა, რასაც ჰქვია თვითმკვლელობა, ამას აზრი აღარ აქვს და და გადაკვალიფიცირდეს მვკლელობით. მთელი ძალები კეთილი ინებონ, გამოიყენენ და წავიდნენ მკვლელობის ვერსიიკსკენ.“ – განაცხადა მიხეილ რამიშვილმა.

“ბაუჰაუსის” 2 თანამშრომლის გაუჩინარების საქმეზე შსს-მ გამოძიება თავისუფლების უკანონო აღკვეთის მუხლით დაიწყო. შსს-ს ინფორმაციით, 2 ახალგაზრდას გაუჩინარების შესახებ პოლიციაში შეტყობინება 15 აგვისტოს შევიდა. „ბაუჰაუს ბარიდან 2 ახალგაზრდის გაუჩინარების შესახებ შეტყობინება პოლიციაში გუშინ, 15 აგვისტოს დაახლოებით 21:00 საათზე შემოვიდა. პოლიციის მხრიდან მოხდა მყისიერი რეაგირება და ახალგაზრდების ადგილსამყოფელის დადგენის მიზნით, ინტენსიურ რეჟიმში დაიწყო შესაბამისი საძიებო ღონისძიებები. ფაქტთან დაკავშირებით გამოძიება 143-ე მუხლით მიმდინარეობს, რაც თავისუფლების უკანონო აღკვეთას გულისხმობს“,- აცხადებენ უწყებაში.

ფონიჭალაში ავტოავარიის შედეგად ოთხი ადამიანი დაიღუპა, მათ შორის ორი არასრულწლოვანი. მსუბუქი ავტომანქანა ფეხით მოსიარულეებს დაეჯახა. ავტოავარიის შედეგად დაშავდა შვიდი ადამიანი. მანამდე ვრცელდებოდა ინფორმაცია, რომ შემთხვევის შედეგად ორი ადამიანი დაიღუპა. როგორც საქართველოს პირველ არხს შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლის მერვე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების წესის დარღვევას, რამაც ორი ან მეტი ადამიანის სიცოცხლის მოსპობა გამოიწვია.

პარტია „ქართული მარშის“ ლიდერი სანდრო ბრეგაძე ძველი თბილისის პოლიციის სამმართველოში გამოკითხეს. ამასთან, პოლიციამ მისი ავტომობილი და საცხოვრებელი ბინა გაჩხრიკა. სანდრო ბრეგაძე აცხადებს, რომ პოლიციას მის მიმართ მუქარის შესახებ მიაწოდა ინფორმაცია. სანდრო ბრეგაძე აღნიშნულ მუქარას დავით გარეჯის თემაზე მის აქტივობას უკავშირებს. „დაახლოებით ერთი კვირის განმავლობაში ერთი და იგივე პიროვნება ღამის საათებში მიკავშირდებოდა და მაყენებდა სიტყვიერ შეურაცხყოფას, ემუქრებოდა ჩემი ოჯახის წევრებს, არასრულწლოვან შვილებს და იმუქრებოდა ჩემი განადგურებით. ამავე დროს, მომდიოდა ინფორმაცია სხვა მხრიდან, რომ მოითხოვდნენ, დავით გარეჯის საკითხზე ხმა არ ამომეღო. როდესაც ამ პიროვნებებმა შესაბამის მიზანს ვერ მიაღწიეს – ელოდებოდნენ, რომ ფიზიკურ შეურაცხყოფას მივაყენებდი, დაწერეს პოლიციაში,…