Day: ივლისი 17, 2020

პრეზიდენტის ადმინისტრაცია, სალომე ზურაბიშვილის 15 ივლისის განცხადებაზე სახალხო დამცველის, ნინო ლომჯარიას შეფასებას გამოეხმაურა. ადმინისტრაცია განმარტავს, რომ საქართველოს სახალხო დამცველის მოვალეობა საქართველოში თითოეული ადამიანის უფლებებისა და თავისუფლებების დაცვის ზედამხედველობაა. „თუმცა, საარჩევნო კამპანიის პერიოდში, ომბუდსმენმა თავი აარიდა რეაგირებას ქალი კანდიდატის მიმართ გაკეთებულ შეურაცხმყოფელ განცხადებებზე და თუნდაც მისი შვილების მიმართ განხორციელებულ მუქარაზე, რომელიც შემდგომში სასამართლოს მიერ დადასტურდა. აგრეთვე სახალხო დამცველი არასოდეს რეაგირებს პრეზიდენტის წინააღმდეგ გაკეთებულ შეურაცხმყოფელ განცხადებებზე, მაშინ, როცა ის სხვა პოლიტიკოსი ქალებისა და აგრეთვე მის მიმართ განხორციელებულ შეტევებს პასუხობს. მეტად სამწუხაროა, ამ პირობებიდან გამომდინარე, რომ ომბუდსმენმა ჩათვალა საჭიროდ პრეზიდენტის 15 ივლისის განცხადების შეფასება მისი არასწორი ინტერპრეტაციის საფუძველზე“, –…

ზონალურ-საათობრივი პარკირების სისტემა, რომელიც მიმდინარე წლის 10 სექტემბრიდან საბურთალოს რაიონში ამოქმედდება, რამდენიმე გამზირსა და ქუჩას მოიცავს. პარკირების ახალი სისტემა ჟვანიას მოედნიდან პეკინის გამზირზე სრულად, მიცკევიჩის, ცინცაძისა და ბახტრიონის ქუჩებზე (გამრეკელის ქუჩის კვეთამდე), ასევე, ყაზბეგის გამზირზე – კარტოზიას ქუჩიდან პეკინის გამზირამდე არსებულ საგზაო მონაკვეთში დაინერგება. გარდა ამისა, ზონალურ-საათობრივი პარკირება იმოქმედებს ვაჟა-ფშაველას გამზირზე (პეკინის გამზირიდან ასათიანის ქუჩის კვეთამდე). მოსახლეობის ინფორმირების მიზნით, პეკინისა და ყაზბეგის გამზირსა და მის მიმდებარე ტერიტორიაზე 10 აგვისტოდან, ათი საინფორმაციო პავილიონი განთავსდება, სადაც მოსახლეობა რეგისტრაციასა და დეტალური ინფორმაციის მიღებას შეძლებს. ფიზიკურ პირს, რომელიც ზონალური პარკირების არეალში უძრავ ქონებას ფლობს,…

გიორგი შაქარაშვილის საქმეზე პრეზიდენტის მიერ რამდენიმე დღის წინ გაკეთებულ განცხადებაც რამდენიმე მედია საშუალების კრიტიკა მოჰყვა. სალომე ზურაბიშვილი ამბობს, რომ მას არ უთქვამს ის ფრაზა, რის გამოც გააკრიტიკეს. პრეზიდენტის თქმით, მის განცხადებას საზოგადოების გარკვეულმა ნაწილმა ისევ არასწორი ინტერპრეტაცია მისცა. “დავიღალე თქვენი, რამდენიმე ტელევიზიის ბულინგით, ჩემ მიმართ. თუ არ გესმით ქართული, თქვენი პრობლემაა. თუ ვერ კითხულობთ წინადადებას ბოლომდე, თქვენი პრობლემაა. მე არ მითქვამს, რომ ერთი-ერთზე ძალადობა კარგია, არ მითქვამს ჩხუბი, ვთქვი რომ ერთი-ერთზე არის ცხოვრებაში ყველაფერი, საუბარი, სიყვარული, ალბათ, არ იცით. არ მითქვამს არც ჩხუბი, არც გარჩევა. მე ვთქვი, რომ ვაჟკაცობა არ არის ძალადობაში,…

„ტრანსპორტისა და გზების ასოციაციის“ ხელმძღვანელმა დავით მესხიშვილმა „მედიაცენტრ მთავარში“ კვლევის პრეზენტაცია გამართა, რომელიც ტექდათვალიერების ევროპულ დირექტივებთან შესაბამისობას ეხებოდა. როგორც მესხიშვილმა აღნიშნა, ტექინსპექტირების პროცესში დარღვევები საკმაოდ ბევრია და იკვეთება კორუფციის ნიშნებიც. „ერთ ცენტრში დახარვეზებული მანქანა ტექდათავლიერებას მეორეში ტექნიკური ხარვეზის გარეშე გადის. ეს ხდება ნახევარ საათიან შუალედში. თუ ავტომანქანა ერთ ცენტრში დახარვეზდა, შეუძლებელია, მას ამ დროში ხარვეზი გამოესწორებინა და მეორე ცენტრში ტექდათვალიერება უპრობლემოდ გაევლო“ – განაცხადა მესხიშვილმა „მედიაცენტრ მთავარში“. „მედიაცენტრი მთავარის“ კითხვას, ხომ არ გამოიკვეთა კორუფციის ნიშნები, მესხიშვილმა ასე უპასუხა: „ამ მიმართულებით კორუფციის ნიშნები იკვეთება. სწორედ მსგავსი ათასობით შემთხვევა იწვევს კორუფციული გარიგებების…

„ტრანსპორტისა და გზების ასოციაციამ“ ტექნიკური ინსპექტირების ევრო დირექტივასთან შესაბამისობის დასადგენად სპეციალური კვლევა ჩაატარა. შედეგები საკმაოდ ნეგატიური აღმოჩნდა. კვლევის პრეზენტაცია დავით მესხიშვილმა „მედიაცენტრ მთავარში“ გამართა.   „კვლევის შედეგები გვაჩვენებს, რომ პერიოდული ტექნიკური ინსპექტირების რეფორმა მიმდინარეობს სერიოზული შეფერხებებით, რომლის თანმდევია მთელი რიგი გადაუჭრელი პრობლემები და რომელთა რაოდენობაც, ნაცვლად შემცირებისა ყოველდღიურად იზრდება. შესაბამისი სამსახურების მიერ პრობლემათა გადაჭრის პროცენტული მაჩვენებელი ძალიან დაბალია, ხოლო მათი ეფექტიანობა გაურკვეველი. გადაუჭრელ პრობლემათა მომრავლებამ შეუქცევადი ხასიათი მიიღო, რის გამოც სერიოზული საფრთხე ექმნება ევრო დირექტივის დანერგვის პროცესს. პერიოდული ტექნიკური ინსპექტირება ეტაპობრივად იძენს ფორმალურ ხასიათს  და რეფორმა დგება ჩავარდნის წინაშე, რაც…

შინაგან საქმეთა სამინისტრომ მიმდინარე წლის 12 მარტს ჭიათურაში გამართული „ქურდული შეკრების“ და „ქურდული სამყაროს“ წევრებისთვის ფინანსური სარგებლის მიღების მიზნით ერთ-ერთი კომპანიის წარმომადგენლისთვის საწარმოს მოგების 30%-ის გადახდის იძულების ფაქტთან დაკავშირებით კიდევ ერთი პირი დააკავა. სამინისტროს ცნობით, იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ჭიათურის რაიონული სამმართველოს და განსაკუთრებულ დავალებათა დეპარტამენტის იმერეთის სამხარეო სამმართველოს თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, 1968 წელს დაბადებული მ.გ. „ქურდული სამყაროს“ საქმიანობის მხარდაჭერის ბრალდებით დააკავეს. „დანაშაული სამიდან ექვს წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებული მონაწილეობდა მიმდინარე წლის 12 მარტს, “ქურდული სამყაროს” წევრების, ამჟამად პატიმრობაში…