დღე: ივლისი 12, 2020

„შინაგან საქმეთა სამინისტრომ ზუგდიდში ნარკოდანაშაულისთვის ერთი პირი დააკავა,“ – ინფორმაციას ამის შესახებ შინაგან საქმეთა სამინისტრო ავრცელებს. როგორც განცხადებაშია ნათქვამი, სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, მოსამართლის განჩინების საფუძველზე ჩატარებული საგამოძიებო მოქმედებების შედეგად, 1982 წელს დაბადებული დ.შ. ნარკოტიკული საშუალების უკანონო შეძენა-შენახვის ბრალდებით, ზუგდიდში დააკავეს: „სამართალდამცველებმა, დაკავებულის პირადი, ავტომანქანის და საცხოვრებელი სახლის ჩხრეკისას, ნარკოტიკული საშუალებები – “მეტადონი” და “ლირიკა” ამოიღეს. ასევე, ნივთმტკიცების სახით ამოღებულია დაკავებულის პირადი ავტომანქანა, 6785 აშშ დოლარი და 500 ევრო. ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლით…

ევროკავშირის სადამკვირვებლო მისია რუსი სამხედროების მიერ საქართველოს მოქალაქის დაჭრასა და დაკავებასთან დაკავშირებით განცხადებას ავრცელებს. როგორც განცხადებაშია აღნიშნული, მისია ადასტურებს, რომ ოფიციალური თბილისის მიერ კონტროლირებად ტერიტორიასა და ე.წ სამხრეთ ოსეთს შორის მდებარე ადმინისტრაციულ სასაზღვრო ხაზზე საქართველოს მოქალაქის დაკავების, სავარაუდოდ მისთვის ცეცხლის გახნასთან დაკავშირებით მისიის ცხელი ხაზია გააქტიურებული. „მისია მთელი დღის განმავლობაში შესაბამისი ინფორმაციის მიმოცვლას აწარმოებდა. ევროკავშირის სადამკვირვებლო მისია აქტიურად დააკვირდება სავარაუდო სროლის ინციდენტს და შემდგომ დაკავების საქმეს. ამ კონტექსტში მისიის ხელმძღვანელი მარეკ შჩიგელი კიდევ ერთხელ უსვამს ხაზს ერგნეთის ინციდენტების პრევეცნციისა და მათზე რეგირების მექანიზმის სწრაფ აღდგენას“, – ნათქვამია განცხადებაში.

რუსთავის „ცხელების ცენტრიდან“ პაციენტი გაიქცა. შუახნის მამაცი, რომელსაც რუსეთში მოგზაურობის ისტორია აქვს, რუსთავის საკარანტინო სივრცეში იმყოფებოდა. მას შემოწმების დროს ტემპერატურა დაუდასტურდა, რის გამოც „ცხელების ცენტრის“ ბოქსირებულ განყოფილებაში გადაიყვანეს, სადაც შესაბამისი ანალიზები აუღეს. თუმცა, ვიდრე საკარანტინო სივრცეში დაბრუნდებოდა, პაციენტი ფანჯრიდან გადახტა და მიიმალა. მამაკაცს ამ დრომდე ეძებენ.

რუსთავში, ჯართის მიმრებ პუნქტში აფეთქება მოხდა, გარდაიცვალა ერთი მამაკაცი. ექიმების ინფომაციით, მამაკაცი კლინიკაში მიყვანისას უკვე გარდაცვლილი იყო. ჯართის მიმღებ პუნქტში გაზის ბალონი აფეთქდა. გარდაცვლილი ამავე პუნქტის თანამშრომელი იყო. ადგილზე პოლიცია და სამაშველო სამსახური არიან მობილიზებულნი.

თბილისში, მუხიანის დასახლებაში ერთსართულიან შენობაში აფეთქება მოხდა, მიზეზი ჯერჯერობით უცნობია, დაღუპულია 50 წლამდე ასაკის მამაკაცი. მეზობლების განცხადებით, მამაკაცი სახლში მარტო ცხოვრობდა და მას ფსიქიკური პრობლემები ჰქონდა. ადგილობრივები ორ ვერსიას განიხილავენ, გაზის გაჟონვასა და საბრძოლო ტექნიკის აფეთქებას. ჯერჯერობით ეს დაუდასტურებელი ინფორმაციაა. სახლიდან ამოღებულია ცეცხლსასროლი იარაღიც, თუმცა შსს ინფორმაციას ოფიციალურად ჯერ არ ადასტურებს.  ადგილზე გვიან ღამით გამნაღმველებიც იყვნენ მისულები, თუმცა მეზობლები აღნიშნავენ, რომ დეტალური ინფორმაცია არ აქვთ და არ იციან, იპოვეს თუ არა რამე გამნაღმველებმა. გამოძიება 187 მუხლით დაიწყო, რაც სხვისი ნივთის განადგურებას გულისხმობს, რამაც მნიშვნელოვანი ზიანი გამოიწვია.