დღე: ივნისი 15, 2020

საქართველოში კორონავირუსზე ტესტირება ფართოვდება. ამის შესახებ საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემ განაცხადა. „დღეს გარკვეულად სიახლე გახლდათ ის, რომ დამტკიცდება მთავრობის ახალი დადგენილება, რომელიც შეეხება პისიარტესტირების და ზოგადად, ქვეყანაში ტესტირების კიდევ უფრო გაფართოებას. ჩვენ ტესტირების დღიური საშუალო მაჩვენებელი თებერვალში, როდესაც ვიწყებდით, გვქონდა 27, მარტში გვქონდა 73, აპრილში უკვე ავედით 473-მდე, მაისსა და ივნისში საშუალოდ დღიურად ვართ 1500-ის ფარგლებში, რაც სერიოზული გაფართოებაა, დაახლოებით ოთხჯერადი აპრილთან მიმართებით. დღეიდან ეს პროცესი კიდევ უფრო ფართოვდება და მეტი რისკჯგუფი ერთვება ტესტირებაში. რატომ?! – იმიტომ, რომ ეკონომიკის გახსნასთან და ზოგადად, შემსუბუქების პოლიტიკასთან ერთად, მზადყოფნა ჯანდაცვის, რომ ადრეულ ეტაპზე იქნას…

დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, მიმდინარეობს მუშაობა იმასთან დაკავშირებით, რომ ზამთარში კორონავირუსის მეორე ტალღა თუ ძლიერი იქნება, ჯანდაცვის სისტემა შესაბამისად იყოს მომზადებული. მისივე თქმით, ასევე, ყველა უნდა ფიქრობდეს იმაზე, თუ რა მოხდება შემოდგომაზე და როგორ სხვადასხვა სიტუაციაში შეიძლება აღმოჩნდეს ქვეყანა. ამ განცხადებით იმნაძემ უპასუხა კითხვას, თუ იყო მსჯელობა საკოორდინაციო საბჭოზე არჩევნების გადადებასთან დაკავშირებით. „ზამთარი რომ მოდის, ჩვეულებრივ მაშინ მოდის ხოლმე რესპირატორული დაავადებები, ისევე როგორც ჩვენ ვემზადებით იმისთვის, რომ თუ ზამთარში მეორე ტალღა მძლავრად შემოგვიტევს, ჯანდაცვის სისტემა იყოს მზად, ასევე თავის ქვეყანაში ყველა უნდა ფიქრობდეს, რა მოხდება…

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, საქართველოში მსუბუქ შემთხვევათა რიცხვის მატების ტენდენცია შეინიშნება. „დღეს საღამოს ან ხვალ ალბათ გამოქვეყნდება ჩვენი მეორე მიმოხილვა და ნახავთ იქ, რომ შედარებით იმატებს ე.წ მსუბუქ შემთხვევათა რიცხვი, საშუალო და მძიმე შემთხვევებთან მიმართებაში. ახალი დადასტურებული შემთხვევებიც, შემიძლია გითხრათ, რომ კლინიკურად შედარებით უფრო დამაკმაყოფილებელია“,- განაცხადა ამირან გამყრელიძემ.

კორონავირუისთ გარდაცვლილი მე- 14 პაციენტი, თბი­ლი­სის სა­ხელ­მწი­ფო სა­მე­დი­ცი­ნო უნი­ვერ­სი­ტე­ტის პირ­ვე­ლი სა­უ­ნი­ვერ­სი­ტე­ტი კლი­ნი­კა­ში გა­დი­ო­და მკურ­ნა­ლო­ბას. სო­ცი­ა­ლურ ქსელ­ში გარ­დაც­ვლი­ლის შვი­ლი მი­მარ­თვას ავ­რცე­ლებს, სადაც ხაზგასმით აღნიშნავს, რომ გარდაცვლილის არანაირი თანხმლები დაავადებები არ ჰქონია. “ძა­ლი­ან ბევრ არა­ს­ა­სი­ა­მოვ­ნო და გუ­ლის ამ­რევ კო­მენ­ტარს ვა­წყდე­ბი, რომ თით­ქოს უამ­რა­ვი თან­ხმლე­ბი და­ა­ვა­დე­ბა ქონ­და და სა­ერ­თო­დაც კო­რო­ნა არ არ­სე­ბობს… ძა­ლი­ან ცდე­ბით და უტიფ­რე­ბი ხართ!! ეს ადა­მი­ა­ნი 65 წლის ასაკ­შიც კი ისე­თი ჯან­მრთე­ლი და ახალ­გაზ­რდა იყო, ბევრ ჩემ თა­ნა­ტოლს ჯობ­ნი­და!!! უპა­სუ­ხის­მგებ­ლო ხელ­მძღვა­ნე­ლო­ბის გამო, სი­ცხი­ა­ნი მთე­ლი კვი­რა სამ­სა­ხურ­ში და­დი­ო­და, რო­დე­საც სეფ­სი­სის ცენ­ტრში და­აწ­ვი­ნეს უკვე მძი­მე იყო, მა­თაც უფრო და­უმ­ძიმ­დათ, რად­გან თურ­მე რე­ა­ნი­მა­ცია არ…

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საქართველოში გამოვლენილი კორონავირუსის 15 ახალი შემთხვევიდან ორი სამედიცინო პერსონალია, 10 საკარანტინო სივრციდანაა, ერთი საბურთალოს უკავშირდება, ხოლო ორის წყაროს მოძიება გრძელდება. „დაგვემატა 15 ახალი შემთხვევა და გახდა 879. გამოჯანმრთელებული მხოლოდ ერთია და ამჟამად  არის სულ 704. ამ ეტაპზე კოვიდ-ცენტრებში მკურნალობს 161 პაციენტი. 15 დადასტურებული შემთხვევიდან ორი არის სამედიცინო პერსონალი, ხუთი არის საკარანტინო სივრციდან, იმპორტირებული შემთხვევა, ხუთი გახლავთ ისევ საკარანტინო სივრციდან, ოღონდ კონტაქტები დადასტურებულ შემთხვევებთან, ერთი არის საბურთალოს წყაროსთან დადასტურებულ შემთხვევასთან კონტაქტი და ორის წყაროს მოძიება გრძელდება. ალბათ გამოვლინდება კონტაქტები. უცნობი წყაროს რაოდენობა სავარაუდოდ…

საქართველოში კორონავირუსის კიდევ 15 შემთხვევა დაფიქსირდა. ინფორმაცია საქართველოს მთავრობის მიერ შექმნილ სპეციალურ ვებგვერდზე stopcov.ge ცოტა ხნის წინ განახლდა. ვებგვერდის მონაცემებით, საქართველოში ამ დროისთვის აღრიცხულია კორონავირუსის სულ 879 შემთხვევა. რაც შეეხება გამოჯანმრთელებულებს, მათი რიცხვი, გუშინდელთან შედარებით, ერთით გაიზარდა და704-ს შეადგენს. ვირუსით გარდაცვლილია 14 ადამიანი. კარანტინის რეჟიმში იმყოფება 2795 მოქალაქე, ხოლო სტაციონარში მეთვალყურეობის ქვეშ – 252. უცხოეთიდან სამკურნალოდ გადმოყვანილია საქართველოს სამი მოქალაქე.