დღე: მაისი 19, 2020

თსსუ-ის პროფესორმა, იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხაიძემ აღნიშნა, რომ კორონავირუსის ახალი ტალღა შესაძლოა ნომერიდან დაიწყოს. პროფესორი პანდემიის გავრცელებისთვის, ზაფხულს ნაკლებად საშიშად მიიჩნევს. აღნიშნულ თემაზე ივანე ჩხაიძემ “მედიაცენტრ მთავარში” ისაუბრა. „რამდენიმე თვე იქნება შედარებით წყნარი. იმედი გვაქვს, რომ ზაფხულში ახალი კორონავირუსის შეთხვევბი იქნება ერთეული, მაგრამ ნომბერიდან უნდა ველოდოთ მატებას. თუ დავეყრდნობით იმ გამოცდილებას, რაც ჩვენს ქვეყანას აქვს გრიპის ვირუსთან დაკავშიებით. ეს პერიოდი იქნება ნოემბრის თვიდან, ამ დროიდან ვაფიქსირებთ ვირუსების პირველ შემთხვევებს და აქაც გამონაკლისი არ იქნება. არასოდეს ყოფილა საქართველოში სექტემბერი ან ოქტომბერი გრიპის ვირუსის გავრცელების პერიოდი. ივნისი,…

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, თუ ასეთი სტაბილური მონაცემები შენარჩუნდება, შესაძლოა, ივარაუდონ, რომ ვირუსის პირველი შემოტევა გადალახულია. თუმცა, ეზუგბაიას თქმით, ამით მოსახლეობა არ უნდა გათამამდეს. „მოსახლეობას მინდა, მივმართო, მიუხედავად შეზღუდვებისა და აკრძალვების მოხსნისა, ჩვენ მაინც უნდა გავაგრძელოთ შეზღუდულად ცხოვრება. აკრძალვებისა და შეზღუდვების პერიოდში არსებული სიტუაციის მკვეთრად გაუმჯობესებას ნუ ვეცდებით. მე მუდმივად გთხოვთ და ახლაც გეუბნებით, თვითშეზღუდვები დავიწესოთ.„დარჩი სახლში“ მემგონი უნდა დარჩეს, ოღონდ აუცილებელ შემთხვევაში დავტოვოთ სახლი, გავიდეთ მხოლოდ და მხოლოდ აუცილებელ საქმეზე. როგორც ჩემთვის ცნობილია, რამდენიმე დღეა, შეინიშნება ძალიან ხალხმრავალი ადგილები ქუჩებში, ეზოებში. მე გთხოვდით, მოსახლეობას ვთხოვდი,…

“ხაზგასმით ვამბობ, რომ დღეისათვის არ არსებობს არცერთი ექსპერტი, რომელიც უარყოფს მეორე და მესამე ტალღის შესაძლებლობას”, – ამის შესახებ „მედიაცენტრ მთავარში“ თსსუ“-ის პროფესორმა, იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხაიძემ განაცხადა. პროფესორი ახალი ტალღების სცენარებსა და სეზონებზე საუბრობს. ჩხაიძის ინფორმაციით, მსოფლიოში დღემდე არსებულ პანდემიებს ჰქონდა განმეორების რამდენიმე ანალოგი. „რამდენიმე სცენარი არსებობს სიტუაციის განვითარების, სამი სცენარი განიხილება ყველაზე ხშირად. არსებული ტალღა არის ყველაზე მაღალი და შემდეგ, მომდევნო 18, 24 თვე. ეს არ ეხება მოკლევადიან პერიოდს, ეს ეხება საშუალოდ ორწლიან პერიოდს, როდესაც ვაფიქსირებთ ახალი “კორონავირუსის” არსებობას მსოფლიოს ყველა ქვეყანაში. ჩვენ უნდა…

ვახტანგ ბოჭორიშვილის კლინიკაში ამ დროისთვის 53 პაციენტი მკურნალობს. როგორც კლინიკის სამეთვალყურეო საბჭოს თავმჯდომარემ, მაკა სოლღაშვილმა ჟურნალისტებთან საუბრისას განაცხადა, აქედან კოვიდინფიცირებულია 42 პირი. „42 ინფიცირებულიდან ათი ბავშვია. ორი პაციენტი აგრძელებს მკურნალობას რეანიმაციაში. გამოჯანმრთელება გვაქვს სამი პაციენტის. ორი დადასტურებული პაციენტის გადმოყვანა მოხდა ჩვენს კლინიკაში. ორი გადმოყვანილი პაციენტიდან ერთი ბოლნისიდანაა და მეორე ძველო შემთხვევაა. ამ პაციენტების მდგომარეობა ფასდება როგორც საშუალო სიმძიმის. ოთხი პაციენტი რჩება საყურადღებო. დანარჩენი პაციენტების მდგომარეობა საშუალო სიმძიმისაა. რეანიმაციაში მყოფი პაციენტების მდგომარეობა სტაბილურად მძიმეა, მათ მდგომარეობას გართულების რისკები ნაკლებად ემუქრება, თუმცა მათ ჯერ მაინც სჭირდებათ რეანიმაციაში მკურნალობა. ეს პაციენტები არ არიან აპარატდამოკიდებულები“, – განაცხადა მაკა სოლღაშვილმა.

საქართველოში კორონავირუსის ერთი ახალი შემთხვევა დაფიქსირდა, – ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ცენტრის ინფორმაციით, ამ დროისთვის საქართველოში კორონავირუსის 702 შემთხვევა არის დადასტურებული. რაც შეეხება გამოჯანმრთელებულებს, მათი რიცხვი 24-ით გაიზარდა და 456 შეადგინა. ამ დროისთვის კლინიკებში კორონავირუსით მკურნალობს სულ 234 მოქალაქე. საქართველოში ახალი კორონავირუსით გარდაიცვალა 12 პირი. ამასთან, დაავადებათა კონტროლის ცენტრის ინფორმაციით, პისიარტესტით (PCR) პირველადი ტესტირება უკვე ჩაუტარდა სულ 40 711 პირს.