დღე: მაისი 14, 2020

საქართველოში კორონავირუსით კიდევ ერთი, მე-12 პაციენტი გარდაიცვალა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. საქართველოში ამ დროისთვის კორონავირუსით ინფიცირების 652 შემთხვევაა დადასტურებული, აქედან 383 გამოჯანმრთელებულია, ხოლო 12 გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.

ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, მათ კლინიკაში ერთი ახალი პაციენტია, რომელიც ოკუპირებული ცხინვალის რეგიონიდან არის გადმოყვანილი. როგორც მაკა სოლოღაშვილმა განაცხადა, პაციენტის ჯანმრთელობის მდგომარეობა საყურადღებოა. „ბოჭორიშვილის კლინიკის ბოქსირებულ სექტორში მკურნალობს 55 პაციენტი. აქედან „კოვიდ-19“-ის დიაგნოზი დადასტურებულო აქვს 45 პირს. 18 წლამდე ასაკის პაციენტია შვიდი. კლინიკაში გვაქვს ხუთი გამოჯანმრთელება, სამი მოზრდილი და ორი მოზარდი. გვყავს ერთი ახალი პაციენტი, რომელიც გადმოყვანილია მცხეთის საავადმყოფოდან დადასტურებული დიაგნოზით. ახალი პაციენტი მკურნალობდა მცხეთის საავადმყოფოში, თანამშრომელი არ არის. როგორც ვიცით, გადმოყვანილია ცხინვალიდან, მამაკაცია 60 წელს ზემოთ ასაკის. მდგომარეობა საყურადღებოა და მიმდინარეობს გამოკვლევები, ასევე მკურნალობა. ​​საყურადღებოა კიდევ ოთხი პაციენტის მდგომარეობაც. დანარჩენი პაციენტების მდგომარეობის სიმძიმე საშუალოა“, – განაცხადა მაკა სოლოღაშვილმა.

საქართველოში კორონავირუსით ინფიცირების შემთხვევათა რაოდენობა 24 საათში 5-ით გაიზარდა და 652 გახდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. გამოჯანმრთელებულთა რაოდენობა კი 11 – ით გაიზარდა და 383 გახდა. კარანტინის რეჟიმშია 4246 ადამიანი, ხოლო სტაციონარში მეთვალყურეობის ქვეშ – 394 პირი. საქართველოში კრონავირუსით 11 ადამიანი გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.