დღე: აპრილი 28, 2020

პირველი საუნივერსიტეტო კლინიკის თანამშრომლებს გუშინ გეგმის მიხედვით, კორონავირუსზე ტესტირება ჩაუტარდათ და არც ერთ მათგანს კოვიდინფექცია არ დაუდასტურდა. „გუშინ ჩვენი კლინიკის თანამშრომლებზე, რომლებსაც გეგმურად ეკუთნოდათ, ჩატარდა მასიური ტესტირება პისიარით. ძალიან გვიხარია, რომ არც ერთი შემთხვევა არ არის დადებითი და ყველა უარყოფითია“, – განაცხადა კლინიკის ექიმმა ლევან რატიანმა. რატიანის თქმით, კლინიკაში ამ დროისთვის 86 ინფიცირებული აგრძელებს მკურნალობას. მისივე განმარტებით, კლინიკას ახალი პაციენტები არ მიუღია. ამასთან, რატიანი ამბობს, რომ ინფიცირებულებიდან რვა რეანიმაციულ განყოფილებაში რჩება. „რეანიმაციაში გვყავს რვა პაციენტი, ყველას მდგომარეობა ამ ეტაპზე უარყოფითი კლინიკის გარეშეა. გვყავდა პაციენტი, რომელიც იყო კრიტიკულ მდგომარეობაში. ამ ეტაპზე…

საქართველოს სამედიცინო ასოციაციების გაერთიანების მიერ,  COVID-19  ინფექციასთან დაკავშირებული საკითხების განხილვის შემდეგ, გაერთინება განცხადებას ავრცელებს, სადაც აღნიშნულია, რომ შექმნილი ვითარების ფონზე აუცილებელია სამედიცინო, რგოლების კონსოლიდირება. განცხადებაში ასევე ხაზგასმულია მედიკოსების ეფექტური მუშაობა.  “პირველ რიგში, უნდა აღვნიშნოთ, რომ საქართველომ ეფექტიანად და დროულად განახორციელა კომპლექსური ღონისძიებები ახალი კორონა ვირუსით (SARS-COV-2) გამოწვეული ინფექციის (COVID-19)  შეკავებისა და გავრცელების დაყოვნების მიმართულებით. მოხარული ვართ, რომ მიღწეული შედეგები  სათანადოდ შეფასდა საზოგადოების მხრიდანაც.  მიუხედავად აღნიშნული მიღწევებისა, მიგვაჩნია, რომ ამ ეტაპზე მოსახლეობის ჯანმრთელობის დაცვის კუთხით ქვეყანას სხვა გამოწვევებიც უდგას,  ამიტომ აუცილებელია სახელმწიფოსა და სამედიცინო პროფესიული საზოგადოებების მეტი კონსოლიდაცია,  რათა გრძელვადიან პერსპექტივაში მოხდეს…

თბილისის ზღვის ჰოსპიტალში კორონავირუსის ახალი შემთხვევა არ დაფიქსირებულა, – ამის შესახებ ჰოსპიტალის კრიტიკული მედიცინის დეპარტამენტის ხელმძღვანელმა, მარეხი ბექაიამ განაცხადა. როგორც მარეხი ბექაიამ აღნიშნა, კლინიკაში ამჟამად 41 პაციენტი იმყოფება. „გუშინ 32 პაციენტზე კვლევა იყო გაგზავნილი. 30 უარყოფითი პასუხია მიღებული. ორი პაციენტის კვლევა ჯერ გრძელდება. გაწერილია 20 პაციენტი და 20 ახალი პაციენტია მიღებული. ჰოსპიტალში საშუალო სიმძიმის პაციენტები არიან. მძიმე პაციენტები არ გვყავს. დარჩენილი 10 პაციენტია გასაწერი, ვისი პასუხიც უკვე მოსულია. ორი პაციენტის კვლევაც, რომ დასრულდება, ის ორიც გაიწერება“, – განაცხადა მარეხი ბექაიამ.

ვახტან ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, კლინიკას Covid-19-ის დიაგნოზის მქონე 7 პაციენტი დაემატა, რომელიც კლინიკაში ბოლნისიდან და შინდისიდან გადაიყვანეს. როგორც მაკა სოლოღაშვილმა ჟურნალისტებს განუცხადა, კლინიკაში მყოფი ერთი პაციენტის მდგომარეობა მძიმეა, 11 პაციენტის კი საყურადღებო რჩება. “ბოქსირებულ სექტორში არის 65 პაციენტი. Covid-19-ის დიაგნოზის მქონე არის 54. დაემატა 7 პაციენტი, აქედან 4 არის გადმოყვანილი ბოლნისიდან და შინდისიდან, 3 პაციენტის დიაგნოზი კი დადასტურდა ჩვენს კლინიკაში. გუშინ ორი გამოჯანმრთელდა და გაეწერა. 18 წლამდე ასაკის პირი არის 11. ერთი პაციენტი არის მძიმე და მკურნალობს რეანიმაციულ განყოფილებაში. არის ახალგაზრდა მამაკაცი, მაგრამ სტაბილურად მძიმეა.…

საქართველოში კორონავირუსისგან უკვე 156 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინშია 5107 ადამიანი, ხოლო სტაციონარში მეთვალყურეობის ქვეშ – 534 პირი. ინფორმაციისთვის, საქართველოში კორონავირუსით ინფიცირების 497 შემთხვევაა დადასტურებული, აქედან 156 გამოჯანმრთელებულია, ხოლო 6 გარდაიცვალა. გარდა ამისა, უცხოეთიდან სამკურნალოდ გადმოყვანილია საქართველოს 3 მოქალაქე.