დღე: აპრილი 7, 2020

„თუ ჰიპოთეზები წუთელა – წითურას და ბცჟ – ს ვაქცინის ეფექტურობაზე მართალია ჩვენ სხვებზე უფრო დაცულები ვიქნებით“ – ამის შესახებ სოციალურ ქსელში დაავადებათა კონტროლის ცენტრის ხელმძღვანელი ამირან გამყრელიძე წერს. მედიკოსების ინფორმაციით ჰიპოთეზები მეცნიერულად გამყარებული არაა, თუმცა, როგორც დაავადებათა კონტროლის ცენტრის უფროსის მოადგილე პაატა იმნაძეც აღნიშნავდა, თუ მართალი აღმოჩნდება, საქართველო „ბედნიერი“  იქნება, რადგან იმნაძის ინფორმაციითვე საქართველოში, როგორც ახალგაზრდა, ასევე უფროს თაობაში ბცჟ ძალიან ფართოდ გამოიყენებოდა: „ ამრიგად, თუ ეს ჰიპოთეზები მართალია, ჩვენ გაცილებით უფრო დაცულები ვიქნებით ვიდრე სხვები არიან სხვა ქვეყნებში”

“ყველა ის ადამიანი, რომელიც რისკის ჯგუფშია, რომელსაც რაიმე მიზეზის გამო არ შეუძლია ეკლესიაში მოსვლა, არ იქნება მისი მხრიდან ცოდვა, თუ ის სახლში დარჩება”. ამის შესახებ  ჭიათურისა და საჩხერის მიტროპოლიტმა, მეუფე დანიელ (დათუაშვილმა)  ჟურნალისტებს განუცხადა მისივე განმარტებით, კაცობრიობას ეხარა, რომ ღმერთთან გაწყვეტილი კავშირი აღდგა: „ეკლესია არის სხეული ქრისტესი და ყველა მოქმედება, რომელიც ეკლესიაში აღესრულება, ნიშნავს ღვთაებრივი ორგანიზმის წიაღში აღსრულებულ პროცესებს.“ შეგახსენებთ: დღეს მართლმადიდებელი ეკლესია ყოვლადწმინდა ღვთისმშობლის ხარების დღესასწაულს აღნიშნავს. ხარება ქრისტიანულ ეკლესიაში ერთ-ერთი საუფლო დღესასწაულია. ცნობისათვის: საქართველოში კორონავირუსი 195 ადამიანს დაუდასტურდა, აქედან 39 ადამიანი უკვე გამოჯანმრთელდა, 2 კი გარდაიცვალა.

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ახალი პაციენტებიდან მათ კლინიკაში მხოლოდ ერთი პირია მოთავსებული და ის ამერიკის კლასტერს უკავშირდება. როგორც მარინა ეზუგბაიამ ჟურნალისტებთან საუბარში განაცხადა, ახალი პაციენტის მდგომარეობა მძიმე არ არის და ის მათ კლინიკაში საკარანტინო ზონიდან შეიყვანეს. „როგორც იცით, გუშინ 188 დაინფიცირებული იყო, 7 დაემატა და ამჟამად, ქვეყანაში 195 დადასტურებული შემთხვევაა. ამ 7-დან ერთ-ერთი ჩვენთანა მოთავსებული, წყარო ამერიკაა. ჩვენს ცენტრში განკურნებული და ბინაზე გაწერილა 29 პირი. ამჟამად, ჩვენთან მკურნალობს 39 პაციენტი, მათგან ერთი კრიტიკული პაციენტია, რომლის მდგომარეობაც არ გაუმჯობესებულა და პროგნოზულად ისევ სერიოზულია. დანარჩენი პაციენტების მდგომარეობა, რომლებიც…

საქართველოში კორონავირუსით ინფიცირების შემთხვევათა რაოდენობა 7-ით გაიზარდა და 195 შეადგინა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 4735 ადამიანი, ხოლო სტაციონარში მეთვალყურეობის ქვეშ – 383 პირი. ინფორმაციისთვის, 195 ადამიანიდან 39 გამოჯანმრთელებულია, ხოლო ორი გარდაიცვალა.