დღე: მარტი 19, 2020

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის მქონე 39 პირიდან 12-ს პნევმონია აქვს. ამის შესახებ გამყრელიძემ მთავრობის ადმინისტრაციაში გამართულ ბრიფინგზე განაცხადა. როგორც გამყრელიძემ აღნიშნა, საყურადღებოა 3 ადამიანის მდგომარეობა, მათ შორის 2 ხანდაზმულია. „39 პირიდან, ვისაც კორონავირუსი აქვს, 1 მოთავსებულია ბათუმის ინფექციურ საავადმყოფოში, 3-საჩხერის სავადმყოფოში, 2 პირველ საუნივერსიტეტო კლინიკაში, დანარჩენი თბილისის ინფექციურ საავადმყოფოში. მათი კლინიკური მენეჯმენტი მიმდინარეობს ჯანდაცვის სამინისტროს მიერ შექმნილი კლინიკური მართვის ჯგუფით, რომელსაც ხელმძღვანელობს პროფესორი თენგიზ ცერცვაძე. ამ 39 ადამიანიდან პნევმონია დღევანდელი დილის მონაცემებით, 12-ს აქვს, მეტად საყურადღებოა 3 ადამიანი, მათ შორის 2 ხანდაზმული და…

ჯანდაცვის მსოფლიო ორგანიზაციის ხელმძღვანელობა აშშ-ის პრეზიდენტს, დონალდ ტრამპს მოუწოდებს, რომ არ მოიხსენიოს COVID-19 ჩინურ ვირუსად. „ვირუსები საზღვრებს არ ცნობენ და მათ ეთნიკური წარმომავლობა არ აინტერესებთ, არ აინტერესებთ არც კანის ფერი და არც ის რამდენი ფული გაქვს ბანკში. ამიტომ, ძალიან მნიშვნელოვანია, რომ ფრთხილათ ვიყოთ იმ ენასთან, რომელსაც ვიყენებთ“,- განაცხადა ჯანდაცვის მსოფლიო ორგანიზაციის საგანგებო პროგრამების აღმასრულებელმა დირექტორმა მაიკ რაიანმა. შეგახსენებთ, რომ აშშ-ის პრეზიდენტმა, დონალდ ტრამპმა კორონავირუსი ჩინურ ვირუსად რამდენჯერმე მოიხსნენია. გუშინ მან თავისი პოზიცია დაიცვა და აღნიშნა, რომ „ჩინური ვირუსი“ სულაც არ არის რასისტული გამონათქვამი.„ეს სულაც არ არის რასისტული. ის ჩინეთიდან მოდის, ამიტომაც…

„რატომ არის ბავშვებში კორონავირუსი უფრო ნაკლებად გავრცელებული და ნაკლებად აგრესიული? ზოგიერთი ინფექციური დაავადება ბავშვებში ნაკლებად მძიმედ მიმდინარეობს მოზრდილებთან შედარებით“ – ამის შესახებ „თსსუ“-ის პროფესორმა, იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხაიძემ განაცხადა. სპეციალისტი იმ შედარებებზე ამახვილებს ყურადღებას რაც დაავადების პროგრესირების დროს ბავშვებსა და ზრდასრულ ადამიანებში მიმდინარეობს. ივანე ჩხაიზე რამდენიმე ფაქტორზე ამახვილებს ყურადღებას. „მაგალითად, პოლიომიელიტის დამბლით მიმდინარე ფორმა ბავშვებში გვხვდება სიხშირით 1:1000-თან, მოზრდილებში სიხშირით 1:100 თან; წითურას დროს დაავადებების სისტემური გამოვლინებები გაცილებით ხშირია მოზრდილებში, ვიდრე ბავშვებში; ანალოგიურია ჩუტყვავილასთან, წითელასთან მიმართებაშიც; ბავშვებს აქვთ უფრო აქტიური თანდაყოლილი იმუნური პასუხი და უფრო…

საქართველოში ინფიცირებულთა რიცხვი ორი ადამიანით გაიზარდა. ერთი შემთხვევა თბილისის ინფექციურ საავადმყოფოში ფიქსირდება. “სამი პაციენტი არის პრობლემური. ერთის ასაკი არის 80 წელზე მეტის და აქვს თანმხლები დაავადება, ასეთ შემთხვევაში შეიძლება პაციენტის მდგომარეობა დაგვიმძიმდეს. ჩვენს ცენტრში ეს ქალბატონი არის ახალი შემთხვევა” – განაცხადა თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

“ინფექციური საავადმყოფოს 2 პაციენტს სავარაუდოდ კორონავირუსი დაუდასტურდება” – ამის შესახებ ბოქსირებული განყოფილების დირექტორმა მარინა ენდელაძემ განაცხადა. „ახალი ინფიცირებულების შესახებ ჯერ ვერ გეტყვით ზუსტად. თუმცა არის 2 სავარაუდო შემთხვევა, რომელიც ალბათ დადასტურდება. ჯერ არ ვიცი, ამის შესახებ ზუსტ ინფორმაციას ვერ მოგაწოდებთ. სავარაუდო გულისხმობს გამოვლენილ კლინიკურ სიმპტომებს და პლიუს კონტაქტს ინფიცირებულთან“, – განაცხადა ენდელაძემ. მისი თქმით, ამ პაციენტების ანალიზების პასუხი დღის განმავლობაში გახდება ცნობილი. საქართველოში კორონავირუსი 38 ადამიანს დაუდასტურდა, მათგან ერთი ინფექციური კლინიკიდან უკვე გაეწერა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა.