დღე: სექტემბერი 25, 2019

სმიტების ოჯახის მკვლელობაში მსჯავრდებული, მალხაზ კობაური დუმილს არღვევს და სასტიკი დანაშაულის დეტალებს ყვება.  როგორც კობაური განმარტავს, ის ფოტო, რომელზეც ჩანს, როგორ აქვს მას თოფი მხარზე გადაკიდებული, მკვლელებმა გადაუღეს. “რამდენიმე ადამიანი ქართულადაც საუბრობდა. რაიან მაიკლის ენაზეც, ეტყობა თავიანთი ენა იყო. კი არ ესაუბრებოდა, უყვიროდა. წაართვეს ტელეფონი. მე ეს ვუთხარი პოლიციას რაღაც საბუთებიც დავინახე, რომელიც ქალს ამოაცალეს ჩანთიდან. სურათი რომაა, თოფი რომ მიკიდია მხარზე, ეგ მკვლელების გადაღებულია”,- აცხადებს კობაური. კითხვაზე, რატომ დატოვეს ის ცოცხალი დამნაშავეებმა, მწყემსი ამბობს, რომ სმიტების მკვლელებს სურდათ საქმე მის წინააღმდეგ აღძრულიყო. 19 წლის მწყემსს, მალხაზ კობაურს განსაკუთრებული სისასტიკით ჩადენილი…

მთავარ პროკურატურაში პრეზიდენტის საპარლამენტო მდივნის დიმიტრი გაბუნიას გამოკითხვა დასრულდა. ის პრეზიდენტის მიერ შეწყალებული პირების საქმეზე დაიბარეს. როგორც დიმიტრი გაბუნიამ გამოკითხვის დასრულების შემდეგ ჟურნალისტებთან განაცხადა, მას გაუთქმელობის ხელწერილიდან გამომდინარე დეტალებზე საუბრის უფლება არ აქვს, მაგრამ ამბობს, რომ გამოძიებას მის ხელთ არსებული სრული ინფორმაცია მიაწოდა. მისი თქმით, პროკურატურას „200 პროცენტით ენდობა“. “ვენდობი სრულად გამოძიებას. გამოკითხვის მერეც დამრჩა განცდა, რომ გამოძიება არის დაინტერესებული, გამოავლინოს შესაძლო დანაშაულში მხილებული პირები და 200 პროცენტით ვენდობით საქართველოს გენერალურ პროკურატურას და გამოძიებას. დარწმუნებული ვარ, რომ გამოძიება დეტალურად უმოკლეს ვადებში დადებს დასკვნას და თუ შესაძლო დანაშაულში მხილებული პირები გამოიკვეთნენ, ისინი უმკაცრესად…

“დემოკრატიაა, რომ თქვენ პოლიტიკოსები ხშირად იცვლებით. თქვენ დღეს ხართ, ხვალ აღარ ხართ, ზეგ ხართ და ა.შ.” – ასე მიმართა პარლამენტის იურიდიული კომიტეტის სხდომაზე ეკა ბესელიას უზენაესი სასამართლოს მოსამართლეობის კანდიდატმა შოთა გეწაძემ. მისი თქმით, პოლიტიკურ ცვლილებები არ უნდა გახდეს, უზენაესი სასამართლოს მოსამართლეების შეცვლის მიზეზი, წინააღდეგ შემთხვევაში ეს ქვეყნისთვის დამანგრეველი იქნება.   “მე უვადოდ დანიშნული მოსამართლე უნდა ვიყო და თქვენს ცვალებადობასთან ერთად არ უნდა ვიცვლებოდე. ამას ჩვენ მივაღწიეთ რამდენიმე წლის წინ. მოსამართლეები არ უნდა ვიცვლებოდეთ, წინააღდეგ შემთვევაში დაინგრევა ეს ქვეყანა. მე ვარ უვადოდ დანიშნული და არ უნდა მაინტერესებდეს პოლიტიკური რყევები,” – განაცხადა შოთა გეწაძემ. 

“წესიერად, ცოტა თავი გააკონტროლე. შეგიძლია დატოვო დარბაზი. იცოდე ვის როგორ უნდა მიმართო. “შენობით” მიმართე იმას ვისთვისაც მიგიმართავს. თავი გააკონტროლე პარლამენტის წევრი ხარ,” – ასე მიმართა პარლამენტის იურიდიულ საკითხთა კომიტეტის ხელმძღვანელმა, ანრი ოხანაშვილმა, დამოუკიდებელ დეპუტატს ბექა ნაცვლიშვილს, პარლამენტის იურიდიული კომიტეტის სხდომაზე, სადაც უზენაესი სასამართლოს მოსამართლეობის კანდიდატს შოთა გეწაძეს უსმენენ. ბექა ნაცვლიშვილი, დროს ითხოვდა კითხვის დასასმელად. მისი თქმით, 12 საათიდან პირველ საათამდე, უფრაქციო დეპუტატებს უწევდათ კითხვების დასმა.  “ბატონო ანრი, ჩვენ ხომ გუშინ შევთანხმდით, რომ გარკვეული დრო იქნებოდა რეგლამენტით გათვალისწინებული. ჩვენ ხომ გვინდა რომ ვიცოდეთ, რომელ ფრაქციას თუ დეპუტატთა ჯგუფს როდის მოუწევს კითხვების დასმა. გუშინ…

უზენაესი სასამართლოს მოსამართლეობის კანდიდატის, შოთა გეწაძის განცხადებით, სისხლის სამართლის მოსამართლეების მიერ გამოტანილი გადაწყვეტილება, გირგვლიანის საქმესთან დაკავშირებით, იმ დროინდელი კანონმდებლობით სწორი იყო.  შოთა გეწაძემ აღნიშნა, რომ ის მურუსიძის გადაწყვეტილების საკუთარ შეფასებას ვერ გააკეთებს, რადგან არ არის სისხლის სამართლის სპეციალისტი. „არასდროს მიმუშავია სისხლის სამართალში. სისხლის სამართალში მე არ ვარ კომპეტენტური, თუმცა, ჩემი კოლეგა სისხლის სამართლის მოსამართლეებისგან მსმენია, მათ შორის ბატონი ლევან მურუსიძესგან, რომ ეს იყო სამართლებრივად სწორი გადაწყვეტილება იმდროინდელი კანონმდებლობით. მე სხვისგან ვაფასებ ამას, თორემ მე ვერ შევაფასებ, სისხლის სამართლის ამ დონის კომპეტენცია არ გამაჩნია“, – განაცხადა უზენაესი სასამართლოს მოსამართლეობის კანდიდატმა.

პარლამენტის იურიდიულ საკითხთა კომიტეტი, უზენაესი სასამართლოს მოსამართლეობის კანდიდატს, შოთა გეწაძეს უსმენს. „შინაგანად ვგრძნობ, რომ უზენაესი სასამართლოს მოსამართლეობისთვის მზად ვარ“, – განაცხადა შოთა გეწაძემ და აღნიშნა, რომ მოსამართლის ვალდებულებების ფარგლებში, ეცდება, გასაუბრების დროს დასმულ კითხვებს ამომწურავად და გულწრფელად უპასუხოს. მისი თქმით, დღეს სასამართლო ყველაფრისგან დამოუკიდებელია, მათ შორის პოლიტიკური ხელისუფლებისგან. „სასამართლო ახლა გაცილებით უფრო თავისუფალია პოლიტიკური ხელისუფლებისგან, აღმასრულებელი ხელისუფლებისგან. ეს იგრძნობოდა თუნდაც იმ სტატისტიკით, რომელიც სისხლის სამართალს ეხება. იგრძნობა, გაცილებით მეტი თავისუფლება და დამოუკიდებლობა. თუმცა, აქვე დავძენ იმას, რომ რაც გვაქვს, ამ დონის დამოუკიდებლობა არ არსებულა. მაგრამ, ეს ჯერ კიდევ არაა ის,…

მსჯავრდებულების შეწყალების საქმეზე, პრეზიდენტის საპარლამენტო მდივანს დიმიტრი გაბუნიას, დღეს მთავარ პროკურატურაში გამოკითხავენ. დიმიტრი გაბუნია მთავარ საგამოძიებო უწყებაში 11:00 საათზეა დაბარებული. დიმიტრი გაბუნია მარიამობის დღესასწაულზე განხორციელებული შეწყალების საქმის გამოძიების ფარგლებში გამოიკითხება. ​ამავე თემაზე პროკურატურაში გამოკითხავენ 22 წლის ბათუმელი პოლიციელის, თარაშ მუკბანიანის ოჯახის წევრსაც, რომლის მკვლელობისთვის მსჯავრდებული რამაზ დევაძეც საქართველოს პრეზიდენტმა, სალომე ზურაბიშვილმა 28 აგვისტოს კიდევ 33 პატიმართან ერთად შეიწყალა. მარიამობის დღესასწაულთან დაკავშირებით, სალომე ზურაბიშვილმა მკვლელობისთვის მსჯავრდებული სამი პირი შეიწყალა – თარაშ მუკბანიანის, დავით ოთხმეზურისა და სოსო ქოიავას მკვლელობისთვის მსჯავრდებული პირები. 20 სექტემბერს საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის,…