დღე: სექტემბერი 24, 2019

მოკლული დავით ოთხმეზურის ნათესავი, მსახიობი ნანა ლორთქიფანიძე პრეზიდენტის ადმინისტრაციის წარმომადგენლებსა და მას შორის შემდგარ კომუნიკაციას იხსენებს. როგორც ლორთქიფანიძე ამბობს, ადმინისტრაციის წარმომადგენელმა მას უთხრა, რომ მკვლელობაში მსჯავრდებულის ასლან ბეჟანიძის შეწყალებისას ზურაბიშვილი საქართველოში არ იმყოფებოდა. “პირველი რაც მითხრეს ეს იყო, რომ ამ გადაწყვეტილების დროს პრეზიდენტი საქართველოში არ იმყოფებოდაო. ასეთი ახსნა-განმარტება წერილობით, ტელეფონზე მესიჯითაც მომივიდა და შემდეგ სატელეფონო საუბარშიც სხვა ადამიანმა მითხრა”- განაცხადა ნანა ლორთქიფანიძემ. ცნობისთვის, საქართველოს პრეზიდენტმა 28 აგვისტოს 35 პირი შეიწყალა, მათ შორის დავით ოთხმეზურის მკვლელობისთვის მსჯავრდებული ასლან ბეჟანიძე.

საქართველოს მთავარმა პროკურატურამ პრეზიდენტის საპარლამენტო მდივანი, დიმიტრი გაბუნია გამოკითხვაზე დაიბარა. გაბუნია მთავარ საგამოძიებო უწყებაში ხვალ 11:00 საათზეა დაბარებული. შეგახსენებთ, რომ პროკურორებმა სკანდალური შეწყალების საქმესთან დაკავშირებით, უკვე გამოკითხეს გიორგი ოთხმეზური და იოსებ ქოიავას მამა. სალომე ზურაბიშვილმა, მარიამობის დღესასწაულთან დაკავშირებით, 34 მსჯავრდებული შეიწყალა. მათ შორის, მკვლელობისთვის მსჯავდებული რამდენიმე პირია.

“შეწყალებაზე პასუხისმგებლობა ეკისრება სალომე ზურაბიშვილს. არ მაინტერესებს, ვისი გადაწყვეტილება იყო, ვინ ურჩია, ვინ ფული აიღო, ნაცნობობით გაკეთდა, სიყვარულით, თუ მტრობით”, – ამის შესახებ დავით ოთხმეზურის მამამ, გიორგი ოთხმეზურმა პროკურატურის დატოვების შემდეგ განაცხადა. კითხვაზე, რომელი ვერსიაა მისთვის დამაჯერებელი, გიორგი ოთხმეზურმა უპასუხა, რომ არც ერთ ვერსიას არ აქვს მისთვის მნიშვნელობა. “კითხვები სალომე ზურაბიშვილსა და დიმიტრი გაბუნიას არ შეხებია, მათი გვარები არც უხსენებიათ. ისიც მკითხეს, დამიკავშირდა თუ არა ვინმე პრეზიდენტისგან, მე ვუთხარი, რომ ჰქონდათ კომუნიკაციის მცდელობა, თუმცა მე უარი ვუთხარი“, – აღნიშნა ოთხმეზურმა. საქართველოს პრეზიდენტმა, სალომე ზურაბიშვილმა 28 აგვისტოს 34 მსჯავრდებული შეიწყალა, რომელთა შორის იყვნენ მკვლელობისთვის მსჯავრდებული პირები.…

ხორავას ქუჩაზე მოკლული დავით სარალიძის მამა, ზაზა სარალიძე მისი შვილის მკვლელობის საქმეზე ახალ დაკავებებს არ გამორიცხავს. როგორც ზაზა სარალიძემ მისი შვილის ჯგუფურად დამამძიმებელ გარემოებაში ჩადენილი მკვლელობის ბრალდებით დაკავებული მიხეილ კალანდიას სასამართლო პროცესის შემდეგ განაცხადა, ვისაც კი ამ საქმესთან ჰქონდა შეხება, ყველა დაისჯება. “სავარაუდოდ, ძალიან ბევრი დაჭერა წავა. ვგულისხმობ ბავშვებსაც, დამნახავებსაც. სამოხელეო ნაწილზე დაწყებულია გამოძიება. საქმის მასალებიდან ძალიან კარგად იკვეთება, რომ რამდენიმე პირი პასუხისგებაშია მისაცემი. ეს შთაბეჭდილება აქამდეც შექმნილი მქონდა, მაგრამ დღეს, რა თქმა უნდა, რამდენიმე მოწმის ჩვენებით გამიმყარდა”, – განაცხადა სარალიძემ. მიხეილ კალანდიას ბრალდების სისხლის სამართლის საქმეზე შემდეგი სასამართლო სხდომა…

“დღესაც რომ ვიხილავდე ნიკა მელიას საქმეს, იგივე გადაწყვეტილებას მივიღებდი და ისევ სამაჯურს დავადებდი”, – ასე უპასუხა უზენაესი სასამართლოს მოსამართლეობის კანდიდატმა, მერაბ გაბინაშვილმა ფრაქცია “ნაციონალური მოძრაობის” თავმჯდომარის შეკითხვას, ნიკა მელიასთან დაკავშირებით. “ნიკა მელიას აღკვეთის ღონისძიება დაუმძიმეთ, ეს გადაწყვეტილება იმიტომ ხომ არ მიიღეთ, რომ თუნდაც 20 კაციან სიაში მოხვედრილიყავით, რომლებსაც უზენაესი სასამართლოს მოსამართლეობა სურთ? თუნდაც იმიტომ, რომ საპარლამენტო უმრავლესობის 100% გეტყვით, რომ თქვენი საქციელი გაუხარდებოდათ. როცა ნიკა მელიას საქალაქო სასამართლომ გირაო შეუფარდა და საჯარო სივრცეში გამოსვლა და ქვეყნის გარეთ გადაადგილება აუკრძალა, ნიკა მელიამ სააპელაციო სასამართლოში მოგმართათ, თქვენ კი ნიკა მელიას პირველ ინსტანციასთან…