დღე: სექტემბერი 19, 2019

საქართველოს პროკურატურა, სახალხო დამცველის დღევანდელ განცხადებებს ეხმაურება.  პროკურატურის განცხადებას “მედიაცენტრი მთავარი” უცვლელად გთავაზობთ: “საქართველოს პროკურატურა, მუდმივად თანამშრომლობს სახალხო დამცველთან, მაქსიმალურად ხელს უწყობს მისი საქმიანობის განხორციელებას და მომავალშიც კვლავ მზადყოფნას გამოთქვამს კანონის გათვალისწინებით განაგრძოს ამ მიმართულებით მუშაობა. სახალხო დამცველს, განსაკუთრებით ბოლო წლების განმავლობაში, პროკურატურაში დაუბრკოლებლად, ყოველგვარი შეზღუდვის გარეშე, შესაძლებლობა აქვს გაეცნოს  იმ საქმეთა მასალებს, რომელთა ხელმისაწვდომობასაც მისთვის საქართველოს კანონმდებლობა განსაზღვრავს. ასევე, აღსანიშნავია, რომ სახალხო დამცველის აპარატის წარმომადგენლები უშუალოდ არიან ჩართულნი პროკურატურაში მიმდინარე სხვადასხვა საგამოძიებო პროცესში იმ ფარგლებში, რაც საჭიროა ადამიანის უფლებების დაცვაზე ზედამხედველობის ფუნქციის სათანადოდ განსახორციელებლად. სახალხო დამცველი პროკურატურის მიმართ ხშირად გამოირჩევა სხვადასხვა სისხლის სამართლის საქმეებზე  სამართლებრივ რეაგირებასთან დაკავშირებული მოწოდებებით,…

არასრულწლოვანთა პორნოგრაფიაში ჩართვისა და ტრეფიკინგის ბრალდებით დაკავებულ ავსტრალიის მოქალაქე პოლ გრეგორი ლეხმანს ბრალი წარედგინა. ბრალდებულის ადვოკატის თქმით, მისი დაცვის ქვეშ მყოფი დუმილის უფლებას ინარჩუნებს. „მტკიცებულებები საკმარისი არ არის. ნუ გამოხვალთ იმ საქმის მასალებიდან, რაზეც ბრიფინგი ჩატარდა. ეს სულ სხვა საქმეა და აქ შესაბამისად, საკმარისი მტკიცებულებები, რაც დასაბუთებული ვარაუდის სტანდარტს სჭირდება აღკვეთის ღონისძიების შეფარდების დროს, საქმეში არ იკვეთება. რასაც ედავებიან, ტრეფიკინგი არის განსაკუთრებით მძიმე კატეგორიის დანაშაული, ფაქტობრივად, ტრეფიკინგთან მიმართებაში მტკიცებულებები საერთოდ არ არის საკმარისი. რამდენად არის პორნოგრაფიული მასალების დამზადება და გასაღება, ესეც ძალიან დიდი კითხვის ნიშნის ქვეშ არის“, – განაცხადა ადვოკატმა. არასრულწლოვნების პორნოგრაფიის…

ცოტახნის წინ, აღმაშენებლის ქუჩაზე, მარჯანიშვილის მეტროსთან ეროვნებით არაბი მამაკაცი დაჭრეს. გავრცლებული ცნობით, სავარაუდო მოტივი ურთიერთშელაპარაკება გახდა. მამაკაცი საავდმყოფოშია გადაყვანილი.  როგორც შინაგან საქმეთა სამინისტროში აცხადებენ, პოლიციელებმა ცხელ კვალზე ერთი პირი დააკავეს. გამოძიება 108-ე მუხლით დაიწყო, რაც განზრახ მკვლელობის მცდელობას გულისხმობს. 

თბილისში, საბურთალოს რაიონში, სტუდენტმა მიტოვებული ჩვილი იპოვა. თვითმხილველების ინფორმაციით, ბავშვი კალათაში იყო მოთავსებული. ახალშობილი ბიჭი, დაახლოებით ერთ თვემდე ასაკისაა. შსს ინფორმაციით, ჩვილი კლინიკაშია გადაყვანილი და მის სიცოცხლეს საფრთხე არ ემუქრება. უწყებაში აცხადებენ, რომ საქმეზე გამოძიება სისხლის სამართლის კოდექსის 127-ე მუხლით დაიწყო, რაც სიცოცხლისათვის საშიშ მდგომარეობაში ჩაყენებას გულისხმობს.

საქართველოს პარლამენტმა იუსტიციის სამინისტროს მომზადებული კანონპროექტი დაამტკიცა. კანონპროეტი, სოციალურად დაუცველების, პენსიონერების, ომისა და თავდაცვის ძალების ვეტერანების, არასრულწლოვნების, შშმ პირების, მარტოხელა მშობლებისა და დევნილების ადმინისტრაციული სახდელისგან ერთჯერად გათავისუფლებას ითვალისწინებს. იუსტიციის სამინისტროს მიერ მომზადებული კანონის თანახმად, მოქალაქეებს 23 538 178 ლარის მოცულობის ჯარიმა-საურავები ჩამოეწერებათ. სახდელისაგან ის პირები გათავისუფლდებიან, რომლებმაც ადმინისტრაციული სამართალდარღვევა 2019 წლის 15 იანვრამდე ჩაიდინეს. კანონი მოქალაქეებს, სახდელთან ერთად, მასზე დარიცხულ საურავებსაც ჩამოაწერს. იუსტიციის სამინისტროს ინფორმაციით, პროექტი, ჯამში, 37 350-მდე საქმეს შეეხება. სსიპ „აღსრულების ეროვნული ბიურო” ზემოაღნიშნული კატეგორიის პირთა შესახებ მონაცემთა ბაზების მწარმოებელი ორგანოებიდან ინფორმაციის გამოთხოვის შემდგომ, სამი თვის ვადაში, ეტაპობრივად, შეწყვეტს ამ…

სახალხო დამცველის ნინო ლომჯარიას განცხადებით, ე.წ ჯიხურებში მომუშავე დაცვის თანამშრომლებს, შეუსაბამო, კრიტიკულ პირობებში უწევთ მოვალეობის შესრულება.  როგორც, ნინო ლომჯარიამ, პარლამენტში ანგარიშის წარდგენისას აღნიშნა, სახალხო დამცველის აპარატმა წელს პირველად შეამოწმა მათი უფლებრივი მდგომარეობა. „თავდაცვის სფეროში წელს პირველად შევამოწმეთ შსს-ის დაცვის პოლიციის დეპარტამენტის დიპლომატიური წარმომადგენლობების დაცვის სამსახურის წარმომადგენლების საქმიანობის პირობები, ე.წ. ჯიხურებში მყოფი დაცვის თანამშრომლების უფლებრივი მდგომარეობა და ნამდვილად მათი ყოფა ვერ უძლებს კრიტიკას. არ არსებობს პირობები იმისათვის, რომ დღის განმავლობაში მათ შეძლონ ღირსებისთვის შესაბამის პირობებში ყოფნა,“- განაცხადა ნინო ლომჯარიამ.

„მთელი წლის განმავლობაში ვცდილობდით პროკურატურისგან მიგვეღო ინფორმაცია გამოძიების მიმდინარეობასთან დაკავშირებით, თუმცა, პროკურატურიდან მიღებული პასუხები იყო მშრალი, ზედაპირული და არაინფორმატიული“, –  აღნიშნული განცხადება, საქართველოს სახალხო დამცველმა ნინო ლომჯარიამ, პანკისის ხეობაში ჩატარებული სპეცოპერაციისას გარდაცვლილი თემირლან მაჩალიკაშვილის საქმის გამოძიებასთან დაკავშირებით გააკეთა.  ნინო ლომჯარიამ აღნიშნა, რომ აუცილებელია, პარლამენტმა გენერალური პროკურორი დაიბაროს, რათა აღნიშნულ საქმესთან დაკავშირებულ ყველა კითხვას პასუხი გასცეს. მისი თქმით, საქართველოს პარლამენტმა ყველა შესაძლო ბერკეტი უნდა გამოიყენოს იმისთვის, რომ დაადგინოს თემირლან მაჩალიკაშვილის გარდაცვალების გარემოებები. „ვფიქრობ, ძალიან მნიშვნელოვანი იქნება გამოიყენოთ ის უფლება, რაც გაქვთ პროკურატურასთან მიმართებით. კერძოდ, წლიური ანგარიშის განხილვის მოსმენა. უნდა მოითხოვოთ გენერალური პროკურორისგან, რომ…

სახალხო დამცველის, ნინო ლომჯარიას განცხადებით, საქართველოს პარლამენტმა, ომბუდსმენის აპარატის მიერ გაცემული რეკომენდაციების 80% გაითვალისწინა. როგორც ნინო ლომჯარიამ, პლენარულ სხდომაზე განაცხადა, 2017 წელს პარლამენტმა ომბუდსმენის რეკომენდაციების 70% გაითვალისწინა, 2018-ში კი ეს რაოდენობა 10%-ით გაიზარდა. ნინო ლომჯარიამ აღნიშნა, რომ 2018 წელს სახალხო დამცველის აპარატში 8 480 განცხადება შევიდა, ცხელ ხაზზე კი 6 063 ზარი დაფიქსირდა.  2018 წლის განმავლობაში სახალხო დამცველის აპარატმა 11 სპეციალური ანგარიში მოამზადა.

დავით ოთხმეზურის მკვლელობაში ბრალდებული ასლან ბეჟანიძის ადვოკატი აცხადებს, რომ პროკურატურა, მაშინდელ უზენაესი სასამართლოს თავმჯდომარეზე ზეგავლენას ახდენდა. სწორედ ამით ხსნის ირაკლი ჩომახაშვილი ასლან ბეჟანიძის მიმართ გამოტანილ გამამტყუნებელ განაჩენს. როგორც ადვოკატმა “მედიაცენტრ მთავარში” განაცხადა, ნინო გვენეტაძე თავის არჩევანში თავისუფალი არ იყო. ამასთან, მისი თქმით, ის ოთხმეზურის მკვლელობის საქმეს არ იცნობდა. “მაშინ, უზენაეს სასამართლოში იყო ქ-ნი ნინო გვენეტაძე, რომელზეც ხდებოდა გარკვეული ზეგავლენა საქართველოს პროკურატურისა და ხელისუფლების მხრიდან. ანუ, ხდებოდა უზენაესი სასამართლოს ცენტრალიზება. ვისაც „ეს“ სისხლის სამართლის საქმე ეწერა, არის გიორგი შავლიაშვილი, რომელმაც განსხვავებული დასკვნა დაწერა, რომ ასლან ბეჟანიძე არ არის დამნაშავე. პაატა სილაგაძემ…