თვე: ივლისი 2019

ბერძნული მედიის ცნობით, საბერძნეთში სასჯელაღსრულების დაწესებულებაში, ერთმანეთს რუსი და ქართველი პატიმრები დაუპირისპირდნენ. 43 წლის რუსმა 35 წლის ქართველი ცემით მოკლა. ციხის ხელმძღვანელობის ცნობით, ისინი თანამესაკნეები იყვნენ. ექიმების თქმით, თავისა და კისრის არეში მიღებული დაზიანებები სიცოცხლისთვის შეუთავსებელი აღმოჩნდა და პაციენტის გადარჩენა ვერ მოხერხდა. ორივე პატიმარი სასჯელს ყაჩაღობის ბრალდებით იხდიდა, თუმცა, მათ შორის დაპირისპირების მიზეზი ამ დრომდე უცნობია. როგორც ცოტახნის წინ გახდა ცნობილი, დამნაშავემ ჩადენილი დანაშაული აღიარა. მომხდარი ფაქტის გამო მიმდინარეობს გამოძიება. 

„თიბისი ბანკის“ დამფუძნებლების, მამუკა ხაზარაძისა და ბადრი ჯაფარიძის ადვოკატმა, ზვიად კორძაძემ თბილისის საქალაქო სასამართლოს განჩინება, მისი დაცვის ქვეშ მყოფებისთვის აღკვეთის ღონისძიების შეფარდების თაობაზე სააპელაციო წესით გაასაჩივრა. ადვოკატის განმარტებით, განჩინება სრულად გასაჩივრდა. „სამწუხაროდ, სასამართლომ განჩინება ჩაგვაბარა მხოლოდ დღეს, დილის 11:00 საათზე და გასაჩივრებისთვის გამოყოფილი 48 საათიდან მხოლოდ რვა საათი დაგვრჩა, მითუმეტეს 18:00 საათზე კანცელარია იკეტება სასამართლოში. თვითონ განჩინებაში, რაც არ უნდა უცნაური იყოს, საერთოდ არ არის დასაბუთებული მსჯელობა. დაცვის მხარის პოზიციებს განჩინებაში აქვს მხოლოდ ერთი აბზაცი მიძღვნილი და იმაზეც არ არის პასუხი გაცემული. ყველაფერი გავასაჩივრეთ სააპელაციო სასამართლოში. სამწუხაროდ, არგუმენტაცია არ არსებობს განჩინებაში, თუ რატომ უნდა შეფარდებულიყო. ზოგადი ფრაზები…

“მთელი კაცობრიობა დაღლილია, მაგრამ წყალობა ღვთისა აღემატება ამ დაღლილობას”, – ამის შესახებ სრულიად საქართველოს კათოლიკოს პატრიარქმა, ილია მეორემ ყოვლადწმინდა სამების ტაძარში საკვირაო ქადაგებისას ბრძანა. პატრიარქმა ქადაგებისას ლოცვა „დავიღალე, დავიღალე, მოდი ჩემთან უფალო” აღავლინა და მრევლს ერთად გალობისკენ მოუწოდა. “ეს ლოცვა წარმოიშვა წმ.ნიკოლოზის ეკლესიაში. როდესაც ნიკოლოზის ეკლესია იყო ბიბლიოთეკა, ჩვენ ნიკოლოზობას საღამოს მივდიოდით თითქოს წიგნების წასაკითხად, სინამდვილეში პარაკლისს ვასრულებდით. ამ პარაკლისის დროს თითქოს მიკარნახა უფალმა „დავიღალე, დავიღალე, მოდი ჩემთან უფალო“ და იმის შემდეგ ჩვენ ვგალობთ ამას. ყველამ ერთად ვიგალობოთ. მთელი კაცობრიობა დაღლილია, მაგრამ წყალობა ღვთისა აღემატება ამ დაღლილობას. ჩვენთანაა უფალი, ჩვენთან არს ღმერთი.…

უბედური შემთხვევა მოხდა შეკვეთილში. მშენებარე სასტუმროდან გადმოვარდნილი ორი მუშიდან, ერთი ადგილზე გარდაიცვალა, მეორე კი მძიმე მდგომარეობაში, ფოთის კლინიკაშია გადაყვანილი. შემთხვევა მეხუთე სართულიდან მოძრავი ავტოკალათის მოწყვეტამ გამოიწვია. გარდაცვლილი 60 წლამდე მამაკაცი ჭიათურიდანაა, მეორე დაშავებული კი მისი ახლობელია. 9-სართულიან სასტუმროს შეკვეთილში შპს “მაგნიკა” აშენებდა, რომლის გახსნაც პირველი აგვისტოსთვის იგეგმებოდა. ადგილზე სამუშაოები დაჩქარებული წესით მიმდინარეობდა. შსს-ში აცხადებენ რომ მომხდარზე გამოძიება სისხლის სამართლის კოდექსის 240-ე მუხლის მე-2 ნაწილით მიმდინარეობს, რაც სამთო-სამშენებლო ან სხვა სამუშაოების წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

“თიბისი ბანკის” დამფუძნებლების, მამუკა ხაზარაძისა და ბადრი ჯაფარიძის ადვოკატი, ზვიად კორძაძე განცხადებას ავრცელებს. ადვოკატის თქმით, დაცვის მხარე დღეს უშედეგოდ ცდილობდა განჩინების მიღებას, რომელიც სასამართლოს მიერ მიღებული გადაწყვეტილების გასაჩივრებისთვისაა საჭირო. „2019 წლის 26 ივლისს, დაახლოებით 19:00 საათზე, მამუკა ხაზარაძესა და ბადრი ჯაფარიძეს გამოეცხადათ მოსამართლის განჩინების სარეზოლუციო ნაწილი, მათთვის აღკვეთის ღონისძიების შეფარდების თაობაზე. სსსკ-ს 207-მუხლის 1-ლი ნაწილის თანახმად, განჩინება შეიძლება გასაჩივრდეს მისი გამოტანიდან 48 საათში. ამავე მუხლის მე-2 ნაწილის მიხედვით: „საჩივარში უნდა აღინიშნოს, რა მოთხოვნები დაირღვა გასაჩივრებული გადაწყვეტილების მიღებისას და რით გამოიხატა გასაჩივრებული გადაწყვეტილების დებულებათა მცდარობა. აღკვეთის ღონისძიებასთან დაკავშირებულ საჩივარში, შესაძლოა, აგრეთვე მიეთითოს, რა არსებითი მნიშვნელობის…

ანაკლიის განვითარების კონსორციუმი განცხადებას ავრცელებს, სადაც აღნიშნულია, რომ ეს არის პასუხი ანაკლიის პორტის ყველა მოწინააღმდეგეს. როგორც განცხადებაში ვკითხულობთ, ანაკლიის განვითარების კონსორციუმი გააგრძელებს მუშაობას მთავრობასთან და ყველაფერს გააკეთებს, რათა ეს პროექტი შედგეს. „ანაკლიის განვითარების კონსორციუმმა გადაწყვიტა პასუხი გაეცა ანაკლიის პორტის ყველა მოწინააღმდეგისთვის. თუმცა იქამდე უნდა აღვნიშნოთ, ანაკლიის პორტის ერთ-ერთი მოწინააღმდეგის, ეკონომიკისა და მდგრადი განვითარების ყოფილი მინისტრის, ბატონი გიორგი ქობულიას შესახებ, რომელსაც თავისი მინისტრობის ცხრა თვის მანძილზე არც ერთხელ არ მოუთხოვია ჩვენთან შეხვედრა და პროექტის კომერციულ დასაბუთებაში გარკვევა. აღსანიშნავია ისიც, რომ მის მიერ გამოთქმული მოსაზრებები არასწორია და უმეტეს შემთხვევაში, არ შეესაბამება სიმართლეს. ჩვენი…

მალხაზ მაჩალიკაშვილი მისი ძმისშვილის, მორის მაჩალიკაშვილისთვის პატიმრობის შეფარდებას ეხმაურება. მაჩალიკაშვილი ამბობს, რომ ახლა ორ სტრუქტურასთან, შსს-სა და სუს-თან მოუწევს შებრძოლება. „არც მე, არც ჩემს მოდგმას ციხე არ შეგვაშინებს. მე აქამდე ვებრძოდი სახელმწიფო უსაფრთხოების სამსახურს იმის გამო, რომ მომიკლეს ერთადერთი ვაჟი, მძინარე საწოლში და მოვითხოვდი, გაეცათ პასუხები, რატომ მომიკლეს შვილი. თურმე, მორის მაჩალიკაშვილისთვის დაურეკავთ, ბიძაშენმა კარავი თუ გაშალა, თქვენ დაგიჭერთო. ახლა მომიწევს მეორე სტრუქტურას ვებრძოლო – შსს-ს, ნაბიჭვარ, ნაძირალა, გახარიას. მე ამ ორივე სტრუქტურას შევებრძოლები, ვნახოთ, ვინ დამარცხდება, ვინ მოიგებს,“ – განაცხადა მაჩალიკაშვილმა. მორის მაჩალიკაშვილისთვის პატიმრობის შეფარდებას მისი ბებია, ელენე მაჩალიკაშვილიც გამოეხმაურა. “ჩამიცხრილეს ერთადერთი…

თბილისის საქალაქო სასამართლოს გადაწყვეტილებით, 20-21 ივნისის საქმეზე დაკავებულ ოთხ პირს – მორის მაჩალიკაშვილს, ილია მემარნიშვილს, ბეჟან ლორთქიფანიძესა და გიორგი ქურდოვანიძეს აღკვეთის ღონისძიებად პატიმრობა შეეფარდათ. მორის მაჩალიკაშვილი მალხაზ მაჩალიკაშვილის ძმისშვილია. პროცესს თავად მალხაზ მაჩალიკაშვილიც ესწრებოდა და სხდომის დასრულების შემდეგ, მან ხმაურით გააპროტესტა სასამართლოს გადაწყვეტილება. ოთხივე პირი 20-21 ივნისს პარლამენტის წინ განვითარებულ მოვლენებთან დაკავშირებით ჯგუფური ძალადობის ორგანიზების, ხელმძღვანელობისა და მასში მონაწილეობის ფაქტზეა დაკავებული.

ირაკლი ოქრუაშვილისთვის აღკვეთის ღონისძიების სახით წინასწარ პატიმრობაში დატოვებას მისი ადვოკატი გაასაჩივრებს.  ყოფილი თავდაცვის მინისტრის ადვოკატი, მამუკა ჭაბაშვილი ამბობს, რომ ირაკლი ოქრუაშვილი მის დაკავებას პირველივე დღიდან პოლიტიკურ პროცესებში გააქტიურებას უკავშირებს.  ადვოკატის თქმით, მიუხედავად იმისა, რომ სასამართლომ შეიძლება საჩივარი არ სცნოს, ისინი მაინც გაასაჩივრებენ ამ გადაწყვეტილებას. „სამარცხვინო გადაწყვეტილება მიიღო და უაპელაციოდ გაიზიარა პროკურატურის დაუსაბუთებელი შუამდგომლობა. ხაზი მინდა გავუსვა, რომ ასეთი საკითხების გადაწყვეტის დროს, თითოეული ინდივიდი, თითოეული ბრალდებული ინდივიდუალურად უნდა შეფასდეს, აბსოლუტურად სამივეზე გადმოკოპირებული ჰქონდა ის საფრთხეები, რაზეც პროკურატურა საუბრობდა. მიმალვის საფრთხესთან დაკავშირებით, რომ ოქრუაშვილს კავშირები აქვს უცხოეთში და დიდხანს ცხოვრობდა და ახლაც…

ყოფილი სახელმწიფო მინისტრი და თბილისის საკრებულოს წევრი, თედო ისაკაძე აცხადებს, რომ 25 წლის წინ ტელეკომპანია “რუსთავი 2”-ის ყოფილმა მფლობელებმა, კიწმარიშვილმა, დვალმა და აქიმიძემ სხვისი ქონების თაღლითურად “ახევის” პრაქტიკას დაუდეს საფუძველი. როგორც ისაკაძე სოციალურ ქსელში წერს, “რუსთავი 2”-ის, როგორც “ანტიმედიის ფლაგმანის” ჩამოყალიბებაში წვლილი ზემოთაღნიშნულ პიროვნებებს მიუძღვით. “ბევრჯერ ვთქვი, ახლაც ვამბობ და გავიმეორებ: რ2-ის, როგორც ანტიმედიის ფლაგმანის ჩამოყალიბებაში ამ “ტროიკას” მიუძღვის “ღვაწლი” – კიწმარიშვილი, დვალი, აქიმიძე. “ტვინების გამორეცხვის”, სიცრუის მეთოდოლოგიური ტირაჟირების, შავი პიარის, მედიაბულინგის და ყველა სხვა ევროპული ყვითელი მედიისათვის დამახასიათებელი ტენდენციები, რომელიც, სამწუხაროდ, ჩვენი ქვეყნის მედია სახედ იქცა, ამ “დამფუძნებელი მამების” დამსახურებაა. მეტიც,…

საქართველოს პრეზიდენტი, სალომე ზურაბიშვილი ქართველ ემიგრანტებს მოუწოდებს, გამოიყენონ კანონი, რომლითაც საშუალება აქვთ, ქვეყნის მოქალაქეობა მარტივი პროცედურით შეინარჩუნონ. “15 აგვისტომდე მოქმედებს კანონი, რომელიც ქართველ ემიგრანტებს საშუალებას აძლევს ჩვენი ქვეყნის მოქალაქეობა მარტივი პროცედურით შეინარჩუნონ. ეს ინიციატივა რამდენიმე წლის წინ დავიწყე, ჩემთვის სტრატეგიულად მნიშვნელოვანია თითოეული მოქალაქის შენარჩუნება და მიხარია, რომ საქართველოს ათასობით მოქალაქემ უკვე გამოიყენა ეს შანსი. განსაკუთრებით მინდა ვთხოვო იმ ქართველ ემიგრანტებს, ვინც ზაფხულს საქართველოში ატარებენ, თუკი ბოლო ხანებში სხვა ქვეყნის მოქალაქეობა მოიპოვეთ, აუცილებლად გამონახეთ დრო და მიაკითხეთ იუსტიციის სახლს! ყველამ უნდა გამოიყენოს ეს შესაძლებლობა“, – წერს სალომე ზურაბიშვილი სოციალურ ქსელში. ცნობისთვის,…

სამაუწყებლო კომპანია “რუსთავი 2-ის” დამფუძნებლები განცხადებას ავრცელებენ. ლევან ყარამანიშვილი,  გიორგი ყარამანიშვილი და ტელეკომპანია “საქართველოს” სახელით, ნიკოლოზ ნაყოფია საზოგადოებასა და სამაუწყებლო კომპანიის თანამშრომლებს მიმართავენ. ისინი “რუსთავი 2-ის” თანამშრომლებს მადლობას უხდიან და აღნიშნავენ, რომ ბრძოლა გრძელდება.   “მივმართავთ საზოგადოებას და თითოეულ “რუსთავი 2-ელს”. ერთი კვირა გავიდა სტრასბურგის სასამართლოს გადაწყვეტილების გამოქვეყნებიდან, რომელიც მის ძალაში შესვლამდე, გამოცხადებიდან 4 საათში „აღასრულა“ ივანიშვილის იუსტიციის მინისტრმა, თეა წულუკიანმა. არ დავმალავთ, რომ როგორც ყველა, ვისთვისაც ძვირფასია ჩვენი ქვეყნის თავისუფლება, დემოკრატიული მომავალი და სიტყვისა და გამოხატვის თავისუფლება, ჩვენც შოკირებული ვიყავით სტრასბურგის მოსამართლეთა ჩვენთვის აუხსნელი გადაწყვეტილებით – გადაწყვეტილებით, რომელიც შერჩევითად ციტირებს…

მალხაზ მაჩალიკაშვილი ძმისშვილის დაკავებას შურისძიებას უკავშირებს. პანკისში ჩატარებული სპეცოპერაციის შედეგად მოკლული თემირლან მაჩალიკაშვილის მამა, ამბობს, რომ 20-21 ივნისის ღამეს, პარლამენტის წინ, ძალიან ბევრი ადამიანი იმყოფებოდა, რომლებიც ხელისუფლების ქმედებების გამო იყვნენ გამწარებულები. მაჩალიკაშვილი აცხადებს, რომ მისი ძმისშვილი 20 ივნისის საქმეზე მანამდე გაფრთხილებულიც იყო და გამოკითხულიც. „ამ საქმესთან დაკავშირებით იყო მორის მაჩალიკაშვილი გასამართლებული, გამოშვებული და ჰქონდა შენიშვნა მიცემული. შემდგომში, როგორც კი დაიდგა ეს კარავი, მეორე დღეს, იქნა მაჩალიკაშვილი აყვანილი. მე ამას პირდაპირ შურისძიებას ვუკავშირებ. მივმართავ დღევანდელ ხელისუფლებას, ნუ ჩაიდენენ ამ შეცდომას. ჯერ რა სისხლიანი დანაშაულიც აქვთ ჩადენილი, იქ გამცენ პასუხი,“ – განაცხადა…

ფოტოხელოვანმა, ლელი ბლაგონრავოვამ ბავშვისთვის ნაყიდ ტორტში ბისკვიტის ნაცვლად, პენოპლასტი აღმოაჩინა. როგორც ფოტოგრაფი სოციალურ ქსელში წერს, როცა გამყიდველს ჰკითხა, თუ რატომ ღირდა ასეთი ძვირი ტორტის მოსართავი, უპასუხეს, რომ ის მთლიანად მარცეპანი იყო და იჭმეოდა. ფოტოგრაფმა ტკბილეული საკონდიტრო მაღაზიათა ქსელ “კარამელში” შეიძინა. “გუშინ, ანდრიას ვუყიდეთ ტორტი, გასაფორმებლად დამატებით მარცეპანისგან ჭიამაიაც დავუმატეთ. მაღალ ფასსზე (12 ლარი ჭიამაია) რომ დავიწუწუნეთ, პასუხად მარცეპანია სულ და იჭმევაო, იმიტომ ღირს ძვირიო, მეუბნება გამყიდველი. მოკლედ ბევრი ნერვიულობის შემდეგ დღეს მივუტანეთ და იქით გვეჩხუბნენ სულ ესეაო და არ იცოდითო? არა ბატონო, არ ვიცოდით რომ ტორტების მაღაზიაში ბისკვიტის მაგივრად შეიძლება…