დღე: ივლისი 29, 2019

კომპანია „თბილისის მიკროავტობუსი“ სპეციალურ განცხადებას ავრცელებს. საუბარია კადრებზე, სადაც 42 ნომერი მიკროავტობუსის მძღოლი სიგარეტს ეწევა. “მედიაცენტრი მთავარი” კომპანიის განცხადებას უცვლელად გთავაზობთ: „მიმდინარე წლის 27 ივლისს სოციალურ ქსელში ერთ-ერთი მომხმარებლის მიერ გავრცელდა ვიდეო, სადაც 42 ნომერი მიკროავტობუსის მძღოლი სიგარეტს ეწევა. კომპანიის მონიტორინგის სამსახურმა აღნიშნული სატრანსპორტო საშუალების მძღოლს დაუყონებლივ შეუჩერა სატრანსპორტო საშუალების მართვის უფლება ერთი თვის ვადით, ხოლო განმეორებით შემთხვევაზე “თბილისის მიკროავტობუსის” შიდა სანქციების მიხედვით, მას კონტრაქტის შეწყვეტა ემუქრება. კომპანია კიდევ ერთხელ მოუწოდებს მომხმარებლებს მსგავსი ინციდენტების შესახებ ინფორმაციის ცხელ ხაზზე დაფიქსირებას. ხოლო თავის მხრივ “თბილისის მიკროავტობუსის” მენეჯმენტი მსგავსი შემთხვევების მიმართ საკუთარ კატეგორიულად…

მეტი...

“იუსტიციის უმაღლესი საბჭოს მოსამართლე წევრი, დიმიტრი გვრიტიშვილი არ გამორიცხავს, რომ უზენაესი სასამართლოს მოსამართლეობის კანდიდატებთან გასაუბრების პროცესი რაღაც ეტაპზე შეწყდეს და სექტემბერში გაგრძელდეს. გვრიტიშვილის განმარტებით, ამის მიზეზი საშვებულებო პერიოდია.  „ჯერჯერობით მივყვებით ამ გრაფიკს. ამ კვირის განმავლობაში დაგეგმილი გვაქვს გავესაუბროთ 2-2 კანდიდატს. გამორიცხული არ არის, რომ გასაუბრების პროცესი რაღაც ეტაპზე შეწყდეს და გაგრძელდეს სექტემბერში, თუმცა ამაზე იუსტიციის საბჭოს წევრებს გადაწყვეტილება მიღებული არ გვაქვს.  მიზეზი საშვებულებო პერიოდია, ვინაიდან, ჩვენ ნაზი ჯანეზაშვილის ბრალდებებისგან განსხვავებით, თითქოს არ გვეცოდებიან კანდიდატები, დამკვირვებლები და არც საბჭოს აპარატი, შევდივართ ყველას მდგომარეობაში და არ არის გამორიცხული, ასეთი გადაწყვეტილება მივიღოთ. შვებულებაც ადამიანის კონსტიტუციური უფლებაა“, – განაცხადა დიმიტრი…

მეტი...

ანანურის კომპლექსის ყველაზე დაზიანებული უბნები და ადგილები ტურისტებისთვის ხვალიდან დაიკეტება. გადაწყვეტილება საქართველოს კულტურული მემკვიდრეობის დაცვის ეროვნული სააგენტოს ხელმძღვანელმა, ნიკოლოზ ანთიძემ მიიღო. ცნობისთვის, ანანურის სამონასტრო კომპლექსის ტერიტორიაზე ტურისტებისთვის რეგულაციების ამოქმედება „საყდრისის დაცვის კომიტეტის“ წევრებმა მოითხოვეს. მათი თქმით, ანანურის სამონასტრო კომპლექსის გალავანი დაზიანებულია და იშლება.

მეტი...

“ოკუპირებული აფხაზეთის რეგიონში, კერძოდ, სოხუმის აეროპორტში ვერ მოხდება საერთაშორისო ფრენების განხორციელება, ვინაიდან ეს ეწინააღმდეგება საერთაშორისო სამართალს, სამოქალაქო ავიაციის საერთაშორისო ორგანიზაციის (ICAO) წესდებას და საქართველოს კანონმდებლობას”, – ასე ეხმაურება საქართველოს საგარეო უწყება რუსული მედიით გავრცელებულ ინფორმაციას სოხუმის აეროპორტის შესაძლო ამოქმედებასთან და საერთაშორისო ფრენების შესაძლო დაწყებასთან დაკავშირებით. როგორც საქართველოს საგარეო საქმეთა სამინისტრო განმარტავს, ოკუპირებული ტერიტორიების შესახებ საქართველოს კანონით, აფხაზეთის რეგიონსა და მის ზემოთ არსებულ საჰაერო სივრცეზე ვრცელდება საგანგებო მდგომარეობის რეჟიმი, რასაც მხარს უჭერს საერთაშორისო სამოქალაქო ავიაციის ორგანიზაცია. „ოკუპირებული ტერიტორიების შესახებ საქართველოს კანონით, აფხაზეთის რეგიონსა და მის ზემოთ არსებულ საჰაერო სივრცეზე ვრცელდება საგანგებო მდგომარეობის რეჟიმი,…

მეტი...

ქრონიკული დაავადებების სამკურნალო მედიკამენტების პროგრამა, რომლის გაფართოებაც პრემიერ-მინისტრმა მამუკა ბახტაძემ 16 ივლისს დააანონსა, დღეიდან ამოქმედდა. როგორც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში “მედიაცენტრ მთავარს” განუცხადეს, პენსიონრები, შშმ პირები და სოციალურად დაუცველები, ქრონიკული დაავადებების სამკურნალო მედიკამენტებს, დღეიდან შეუფერხებლად, 1 ლარად იყიდიან.   შეგახსენებთ, რომ ქრონიკული დაავადებების სამკურნალო 35 სახეობის მედიკამენტის 1 ლარად ყიდვა პენსიონერებს, შშმ პირებსა და სოციალურად დაუცველებს შეუძლიათ. პროგრამისთვის, საქართველოს ბიუჯეტიდან, 20 მლნ ლარი გამოიყო.

მეტი...

საყდრისის კომიტეტის წევრების  ინფორმაციით, ანანურის ხუროთმოძღვრული კომპლექსი ინგრევა. საყდრისის კომიტეტის წევრის, ნინო ბურჭულაძის განცხადებით, მნიშვნელოვნად არის დაზიანებული კომპლექსის კედლები და კოშკი. „ვნახეთ ჩამოშლილი კედლები, ჩამოყრილი ქვები, ასევე დაზიანებული ქონგურები და მიწისქვეშა გასასვლელი, რაც აღმაშფოთებელია. ვნახეთ იქ ნაგავსაყრელი. ეს არის მავნებლობა. რა თქმა უნდა პირველ რიგში ადგილობრივი ხელისუფლების პასუხისმგებლობა დგას აქ და ყველა იმ სამსახურის, რომელიც არის მოწოდებული დაიცვას საქართველოში კულტურული მემკვიდრეობა,“-განაცხადა საყდრისის კომიტეტის წევრმა ნინო ბურჭულაძე. კომიტეტის წევრებმა ინფორმაცია უკვე მიაწოდეს კულტურული მემკვიდრეობის დაცვის სააგენტოს. ისინი დღეს ადგილზე, უწყების წარმომადგენლებთან ერთად ჩავლენ. ანანურის ხუროთმოძღვრული ანსამბლი საქართველოს გვიანფეოდალური ხანის ერთ-ერთი უმნიშვნელოვანესი…

მეტი...

თბილისის ზოოპარკს, ახალი ნაშიერები, ბერბერული მაკაკა და ზებრა შეემატა.  როგორც თბილისის ზოოპაკში “მედიაცენტრ მთავარს” განუცხადეს, ნაშიერები თავს კარგად გრძნობენ და მნახველებს ელიან. მათი თქმით, თბილისის ზოოპარკის ბილეთების შეძენა უკვე ინტერნეტით არის შესაძლებელი.  “ამ ბოლო დროს ზოოპარკში იმდენი პატარა გაგვიჩნდა, რომელ ვოლიერშიც არ უნდა შეიხედო, ლამის ყველგან მეძუძურ, ან ბავშვატატებულ დედას მოჰკრავ თვალს. დღეიდან ახალშობილების კვირეულს გახსნილად ვაცხადებთ,”- განუცხადეს თბილისის ზოოპარკში “მედიაცენტრ მთავარს”.

მეტი...

პარტია „გამარჯვებული საქართველოს“ ლიდერის ირაკლი ოქრუაშვილის ადვოკატებმა, თბილისის საქალაქო სასამართლოს გადაწყვეტილება გაასაჩივრეს, რომელიც აღკვეთის ღონისძიების სახედ ოქრუაშვილის მიმართ წინასწარ პატიმრობას ითვალისწინებს. საჩივრის გარდა, მათ ყველა ის მტკიცებულება წარადგინეს, რომელიც დაცვის მხარეს ოქრუაშვილის უდანაშაულობის დასაბუთების მიზნით აქვს მოპოვებული. „გამარჯვებული საქართველოს“ ლიდერ ირაკლი ოქრუაშვილს სასამართლომ აღკვეთის ღონისძიებად პატიმრობა 27 ივლისს შეუფარდა. გამოძიება ირაკლი ოქრუაშვილს სისხლის სამართლის კოდექსის 225-ე მუხლით გათვალისწინებულ დანაშაულს ედავება, რაც მასობრივი ძალადობის ორგანიზებას, ხელმძღვანელობას ან მონაწილეობას გულისხმობს. შეფარდებული პატიმრობის შემდეგ ირაკლი ოქრუაშვილი ე.წ. მატროსოვის ციხეში გადაიყვანეს.

მეტი...

 სამეგრელო-ზემო სვანეთის მხარის ხობის მუნიციპალიტეტში, სოფელ ძველი ხიბულის საჯარო სკოლას, საქართველოს პირველი პრეზიდენტის, ზვიად გამსახურდიას სახელი მიენიჭა. შესაბამის ბრძანებას განათლების, მეცნიერების, კულტურისა და სპორტის მინისტრმა მიხეილ ბატიაშვილმა მოაწერა ხელი. ძველ ხიბულაში, ზვიად გამსახურდიას მემორიალური სახლის რეაბილიტაცია და ახალი ტაძრის მშენებლობა მიმდინარეობს.

მეტი...