დღე: ივლისი 21, 2019

ცოტა ხნის წინ დასრულდა “კურიერისა” და “პოსტკრიპტუმის” გუნდის შეხვედრა “რუსთავი 2“-ის ახალ დირექტორთან,  პაატა სალიასთან.  პაატა სალიას განცხადებით, მან გაიარა კონსულტაციები ქიბარ ხალვაშთან, რომელიც უარს ამბობს შეიქმნას საზოგადოებრივი საბჭო, ჟურნალისტების სარედაქციო დამოუკიდებლობის დასაცავად. „რუსთავი 2“- ის ახალი გენერალური დირექტორის ამბობს, რომ ქიბარ ხალვაში, ასევე უარზეა გაფორმდეს რაიმე სახის დოკუმენტი, სადაც არხის ახალი მფლობელი აიღებს ვალდებულებას სარედაქციო დამოუკიდებლობაზე. პაატა სალია აძლევს სიტყვას ჟურნალისტებს, რომ არ მოხდება ჩარევა საინფორმაციო და პოლიტიკური გადაცემების კონტენტში და ჟურნალისტები მას სიტყვაზე უნდა ენდონ. „წერილობითი გარანტია არ არსებობს და არ არსებობს განსაკუთრებითი იმ ფორმით რა ფორმითაც იყო შემოთავაზებული. ეს ვერ იქნება გარანტია…

იულია სუსლიაკის ქვეყანაში არშემოშვებასთან დაკავშირებით განცხადებას შინაგან საქმეთა სამინისტრო ავრცელებს. უწყების მიერ გავრცელებული ინფორმაციის თანახმად, იულია სუსლიაკს, რომელიც უკრაინის მოქალაქეა, აზერბაიჯანიდან საქართველოში შემოსვლის უფლება მესაზღვრეებმა არ მისცეს.  შსს განმარტავს არშემოშვების მიზეზს და ამბობს, რომ სუსლიაკი მგზავრობის ზუსტ მიზანს საზღვარზე ვერ ასახელებს და ასევე არ აქვს საკმარისი ფინანსები და სამოგზაურო დაზღვევა. მათი ინფორმაციით, სუსლიაკი სასაზღვრო გამშვები პუნქტიდან აზერბაიჯანში გაუშვეს. „უკრაინის მოქალაქე იულია სუსლიაკს, რომელიც აზერბაიჯანიდან საქართველოს ტერიტორიაზე შემოსვლას ცდილობდა, საზღვრის გადაკვეთისას უარი ეთქვა ქვეყანაში შემოსვლაზე უცხოელთა და მოქალაქეობის არ მქონე პირთა სამართლებრივი მდგომარეობის შესახებ საქართველოს კანონის თანახმად. კერძოდ, აღნიშნული კანონის  მე-11…

იულია სუსლიაკი სამართალდამცავებს საბაჟო გამშვებ პუნქტ “სადახლოზე” ჰყავთ დაკავებული და საქართველოს საზღვრის გადმოკვეთის უფლებას არ აძლევენ. როგორც ადვოკატმა ზურაბ თოდუამ “მედიაცენტრ მთავარს” განუცხადა, სადახლოდან მას სუსლიაკი ახლახან დაუკავშირდა და უთხრა, რომ ქვეყანაში არ უშვებენ. ადვოკატის თქმით, სამხედრო ფორმაში ჩაცმულმა პირებმა ის, ვაგონიდან ჩაიყვანეს და ყოველგვარი სამართლებრივი საფუძვლის გარეშე წაიყვანეს. მისი თქმით, იულია სუსლიაკი, საქართველოში კონსულტაციებისთვის ბრუნდებოდა. ის ხვალ “მედიაცენტრ მთავარში” ბრიფინგის გამართვასაც გეგმავდა, სადაც აპირებდა დაესახელებინა ის პირები, ვინც მისი თქმით, საქმეში ჩართული იყო, მას აყალბებდა და სუსლიაკზე ზეწოლას ახორციელებდა. “დაახლოებით, 2-3 წუთის წინ დამიკავშირდა ქალბატონი იულია და იმის შემდეგ, რაც…

უკრაინელი ქალბატონი, იულია სუსლიაკი ისევ დაკავებულია. გვიან ღამით, როდესაც ის ბაქოდან თბილისში მატარებლით ბრუნდებოდა, მოულოდნელად მატარებელი გააჩერეს. როგორც  სუსლიაკის მეუღლე აცხადებს, ორმა უცნობმა პირმა სუსლიაკი მატარებლიდან ჩამოიყვანა და გაურკვეველი მიმართულებით წაიყვანეს. უკრაინელი ქალის ადგილსამყოფელი ამ დრომდე უცნობია.  სუსლიაკი საქართველოში კონსულტაციებისთვის ბრუნდებოდა. იგი ხვალ ბრიფინგის გამართვასაც გეგმავდა, რომელზეც აპირებდა დაესახელებინა ის პირები, ვინც მისი თქმით, საქმში ჩართული იყო, მას აყალბებდა და სუსლიაკზე ზეწოლას ახორციელებდა. შეგახსენებთ, რომ იულია სუსლიაკის საქმე შეწყვეტილი არ არის და ის გამოსაძიებლად სრულად გადაეცა უკრაინის მხარეს. თავად სუსლიაკი კი ამბობს, რომ ის უკრაინაში არ დაბრუნდება, სანამ საქართველოში არ აღადგენს სამართლიანობას და მის შელახულ რეპუტაციას.