დღე: მაისი 15, 2019

თბილისის მერიამ დედაქალაქის საბავშვო ბაგა-ბაღების კვების პროდუქტებით მომმარაგებელ კომპანია “ნილს” შესაძლოა, ხელშეკრულება გაუწყვიტოს. როგორც მერის მოადგილემ ილია ელოშვილმა მთავრობის სხდომის დასრულების შემდეგ განაცხადა, კომპანია ბაღებს პროდუქტს შესაბამის ვადებში ვერ აწვდის და თუ პრობლემა რამდენიმე დღეში არ აღმოიფხვრება, მას ჩაანაცვლებენ. „არანაირი მნიშვნელობა არ აქვს რის გამო ვერ განახორციელებს კომპანია „ნილი“ თავის მოვალეობას. მნიშვნელოვანია რომ მან ბაღებში საკვები პროდუქტის მიწოდება შეუფერხებლად განახორციელოს. რამდენიმე შემთხვევა დაფიქსირდა, რომ “ნილმა” ვერ შეძლო თავისი ვალდებულებების შესრულება რამდენიმე თვის განმავლობაში. ძალიან ყურადღებით ვაკვირდებით და თუ უახლოეს დღეებში არ იქნება სრულად გამოსწორებული “ნილის” მიერ აღნიშნული პრობლემა, მივიღებთ შესაბამის…

ბიზნესომბუდსმენი ირაკლი ლექვინაძე, შრომის პირობების ინსპექტირების დეპარტამენტის უფროსი ბექა ფერაძე, მერიის მუნიციპალურ ინსპექციის უფროსი გიორგი ბაგრატიონი და სსიპ ტექნიკური და სამშენებლო ზედამხედველობის სააგენტოს უფროსი გრიგოლ კაკაურიძე სამშენებლო ბიზნესის წარმომადგენლებს შეხვდნენ. შეხვედრაზე ბექა ფერაძემ მშენებელი კომპანიების წარმომადგენლებს შრომის უსაფრთხოების შესახებ ახალი საკანონმდებლო რეგულაციების შესახებ პრეზენტაცია წარუდგინა. ტეგულაციის პირველ ეტაპზე თბილისში 200-მდე სამშენებლო ობიექტის შემოწმებაა დაგეგმილი. ბიზნესომბუდსმენის განცხადებით, შრომის პირობების ინსპექტირების ერთადერთი შედეგი დაჯარიმება არ უნდა იყოს და ეს ბიზნესისთვის არ უნდა იქცეს ტვირთად. „ბიზნეს სექტორი მიესალმება შრომის უსაფრთხოების დაცვის მიზნით ქმედითი ნაბიჯების გადადგმას და ვიზიარებთ ახალი რეგულაციების მიზანს უზრუნველყოფილი იყოს შრომის…

თბილისის მერია მომდევნო სამი წლის განმავლობაში, 40 სრულიად ახალ, თანამედროვე, ევროპული ტიპის ვაგონებს შეისყიდის. მეტროპოლიტენში განახლდება ძალოვანი კაბელი, სასიგნალიზაციო და სავენტილაციო სისტემები. როგორც თბილისის მერმა კახა კალაძემ დედაქალაქის მთავრობის სხდომაზე განაცხადა, მეტროს ინფრასტრუქტურის გაუმჯობესებისთვის დედაქალაქის მთავრობამ 2018-2019  წლებში, ამ მიმართულებით 100 მილიონ ლარზე მეტი გამოყო. „მეტროს ვაგონების რეაბილიტაციის მიზნით, 100 მილიონ ლარს დავხარჯავთ. პროექტის ფარგლებში, ჩვენ რვა ახალი შემადგენლობა გვყავს დამატებული და სექტემბრისთვის კიდევ ოთხი შემადგენლობა დაემატება. 2020-2021-2022 წლებში მუნიციპალიტეტი  ჯამში, 40 ახალ ვაგონს შეისყიდის”-განაცხადა კახა კალაძემ თბილისის მერიამ ახალი ვაგონების ჩამოყვანისთვის ხელშეკრულება ავსტრიულ კომპანიასთან გააფორმა, რომელმაც თავისი კრიტერიუმებით, ტექნიკური…

თბილისის მერიას დაავადებული ხე-მცენარეებისა და მავნებლების აღმოსაფხვრელად  სამკურნალო ინექციები ჩამოაქვს. სანიტარული ღონისძიებები სამი წლის განმავლობაში გაგრძელდება. როგორც მერის მოადგილემ მაია ბითაძემ განაცხადა,  მცენარეების დაავადების მიზეზის დადგენის რესურსი ქვეყანას არ აქვს. “საქართველოსთვის უპრეცედენტო შესყიდვას ვიწყებთ უახლოეს დღებში, რომელიც მომავალი სამი წლის განმავლობაში, ფიტო-სანიტარიული ღონისძიებების თვალსაზრისით, სრულიად ახლებურ მეთოდებს დაამკვიდრებს. მთელი თბილისის ურბანული გარემო ფიჭვების კუთხით უკვე დაყოფილია რამდენიმე უბნად. ყველაზე მთავარია, რომ ადგილებზე განვათავსოთ ფერომონები და დაავადება ვმართოთ. არსებული დაავადებული ხეები მთლიანად ამოღებული იქნება გარემოდან, თუმცა ჩვენი მთავარი მიზანია, რომ დაავადების გავრცელების მარშრუტი დავადგინოთ, რისი რესურსიც სამწუხაროდ, არათუ თბილისს, ქვეყანას არ…

თბილისში, ჭავჭავაძის გამზირის სრული რეაბილიტაცია მიმდინარე თვის ბოლოს დაიწყება. საგზაო სამუშაოები ეტაპობრივად განხორციელდება და გამზირი ნაწილობრივ ჩაიკეტება. გამზრირზე გზის საფარი მოწესრიგდება, ჩატარდება გამწვანებითი სამუშაოები, მოეწყობა საფეხმავლო ბილიკები და გარე განათების ქსელები დამონტაჟება. როგორც დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა, პირველ ეტაპზე გზის ჩაკეტვა თბილისის სახელმწიფო უნივერსიტეტის პირველ კორპუსიდან „პიქსელის“ შენობამდე მოხდება. „თვის ბოლოს ჭავჭავაძის გამზირის სრულ რეაბილიტაციას დავიწყებთ, რომელიც უმძიმეს მდგომარეობაშია. კომპანია „ჯორჯიან უოეთერ ენდ ფაუერს“ ჩამოყვანილი ჰყავს გერმანელი ექსპერტები, რომლებიც პროექტის მიმდინარეობას ზედამხედველობას გაუწევენ. პარალელურად, ჩვენი საქალაქო სამსახური კონტრაქტორთან ერთად, გამზირის მთლიანად მოწესრიგებას დაიწყებს. ეს არის…

სამგორი-ლილოსა და სამგორი-რუსთავის მიწისზედა მეტროს ხაზის პროექტირებაზე თბილისის სატრანსპორტო კომპანიის მიერ გამოცხადებული კონკურსი დასრულდა. საკონკურსო პროექტის ბიუჯეტი 12 762 530 ლარია და ის ხელშეკრულების გაფორმებიდან 15 თვეში უნდა დასრულდეს. როგორც მუნიციპალიტეტის მთავრობის სხდომაზე თბილისის მერმა კახა კალაძემ განაცხადა,კონკურსში ავსტრიულმა კომპანია ILF Consulting Engineers-მა გაიმარჯვა. „სამგორი-ლილოსა და სამგორი-რუსთავის მიმართულებით, მიწისზედა მეტროს მშენებლობასთან დაკავშირებით, ინფორმაცია გვქონდა გავრცელებული. ასევე, გვინდოდა კვლევები ჩაგვეტარებინა სამგორი-რუსთავის მიმართულებით, რათა თბილისი და რუსთავი მეტროთი იყოს დაკავშირებული. თბილისის სატრანსპორტო კომპანიას გამოცხადებული ჰქონდა კონკურსი პროექტირებაზე. გვყავს გამარჯვებული კომპანია – ILF Consulting Engineers Austria GmbH-ის წარმომადგენლობა საქართველოში, რომელმაც ორივე ხაზისთვის ტექნიკურ-ეკონომიკური…

ტაქსების რეფორმის ფარგლებში იმ პირთა წრე იზრდება, რომლებსაც შეუძლიათ, ვაუჩერული დაფინანსებით ისარგებლონ. როგორც თბილისის მერმა კახა კალაძემ დედაქალაქის მთავრობის სხდომაზე განაცხადა, ტაქსის მძღოლების საინიციატივო ჯგუფთან მორიგი შეხვედრისას გადაწყდა, რომ პირებმა, რომლებმაც გასული წლის 10 ოქტომბრის ჩათვლით გაიარეს ტაქსის რეგისტრაცია, სატრანსპორტო საშუალებების შეცვლისა და ახალი ნებართვის აღების მიუხედავად, შეძლებენ მიმართონ კომპანიას და მიიღონ ღებვის, ფირის გადაკვრისა და  ქიმწმენდის ვაუჩერები. „ტაქსების რეფორმის ფარგლებში იზრდება იმ პირთა წრე, რომლებსაც შეუძლიათ ისარგებლონ ვაუჩერული დაფინანსებით. ჩვენს რეგულაციაში ტაქსის მძღოლების გარკვეული კატეგორია ვერ ხვდებოდა, რადგან მიუხედავად იმისა, რომ მათ 10 ოქტომბრამდე აიღეს ტაქსის ნებართვა, შეცვალეს სატრანსპორტო…