თბილისის საკრებულოს საკრებულოს სახელდების და სიმბოლიკის კომისიის გადაწყვეტილებით, დედაქალაქის რამდენიმე ქუჩას, 2008 წლის აგვისტოს ომის დროს დაკარგული და ოკუპირებული ქართული სოფლების სახელები მიენიჭება.
როგორც “მთავარს” თბილისის საკრებულოს სახელდებისა და სიმბოლიკის კომისიაში განუმარტეს, ნაძალადევის, საბურთალოს და კრწანისის რაიონებში არსებული უსახელო ქუჩები, ახალგორის მუნიციპალიტეტის სოფლების – ჯვარისუბნის, მარტიანის და დადიანეთის სახელობის გახდება. გარდა ამისა, სამგორის რაიონში, სოფელ ნასაგურში ექვს უსახელო ქუჩას ქართული ვაზის ჯიშების სახელები დაერქმევა.
უსახელო ქუჩებისთვის სახელების მინიჭებაზე თბილისის საკრებულოს სახელდების და სიმბოლიკის კომისიის სხდომაზე იმსჯელეს, რომელსაც კომისიის წევრებთან ერთად, საკითხით დაინტერესებული მოქალაქეებიც ესწრებოდნენ.
კომისიის წევრებმა განსახილველ საკითხებს დადებითი რეკომენდაცია მისცეს. ამ ქუჩების სახელდებას საკრებულოს უახლოეს სხდომაზე დაამტკიცებენ.
