ნუ ეთამაშებით სიკვდილს! – ნანა გეგეჭკორი მოსახლეობას მიმართავს

აშშ-ში მოღვაწე ქართველი ექიმი ნანა გეგეჭკორი საქართველოში არსებულ ეპიდვითარებას აეხმაურება. როგროც ნანა გეგეჭკორი სოციალურ ქსელში წერს, თუ ასე გაგრძელდა, არა მარტო კოვიდით, არამედ სხვა დაავადებებით პაციენტებსაც მოუწევთ სახლში დარჩენა რადგან საკმარისი არც ადგილი იქნება ჰოსპიტალში და არც საკმარისი სამედიცინო პერსონალი

„წერილებიდან ჩანს, რომ ყოველ დღე უფრო და უფრო მეტი კოვიდ-ინფიცირებული, მძიმე ჰიპოქსიით, ვერ იღებს საჭირო დახმარებას იმის გამო რომ ჰოსპიტლებში ადგილები შეზღუდულია.

ნუ ეთამაშებით სიკვდილს. გთხოვთ აიცერით! უსამართლობაა კოვიდით სიკვდილი იმ პირობებში როცა პრევენციის საშუალება არსებობს.

კოვიდის ვაქცინა ნამდვილად იცავს სიკვდილისგან. კოვიდის ვაქცინის ფუნქცია არ არის ინფიცირებისგან სრულად დაცვა, მან სიკვდილის და ჰოსპიტალიზაციისგან უნდა დაგიცვათ. ნუ უგდებთ ყურს უსინდისო ტროლ-ბოტებს, რომლებიც კედელ-კედელ ავრცელებენ თითქოს საქართველოში უამრავი ვაქცინირებულია გარდაცვლილი. საბედნიეროდ, ორჯერადად აცრილი გარდაცვლილები არ გვყავს და ეს თვანათლივ აჩვენებს, რომ ყველა ვაქცინა რომელიც საქართველოში გამოიყენება, ყველა უკლებლივ, იცავს სიკვდილისგან.

არ არის კოვიდ ვაქცინა მასონების მოგონილი, არც დასაჩიპად გამოიყენება, არც ემბრიონულ მასალას არ შეიცავს, არ იწვევს სიკვდილს, ნამდვილად არ იწვევს უშვილობას, არ ვნებს ჩვლს ძუძუთი კვებისას, არ ვნებს ნაყოფს მუცლადყოფნისას, არ ვნებს ადამიანებს მძიმე ქრონიკული დაავადებებით… გამოგონილი, ბოროტი მითებია ეს ყველაფერი.

მე ავიცერი, ჩემი ოჯახის წევრების, ახლობლების უდიდესი ნაწილი აცრილია, ნაწილს კოვიდი აქვს გადატანილი და თავის რიგს ელოდება როგორც კი ანტისხეულები ვეღარ დაიცავს იმ წუთასვე აიცრას. ახალგაზრდა ბიძაშვილები ავცერი, რომ სიკვდილისგან ვიხსნა და ზუსტად ვიცი როცა მათ ცხოვრებაში ამის დრო დადგება ჯანმრთელი შვილები ეყოლებათ. კოვიდ ვაქცინა მათ მხოლოდ დაიცავს, რომ ციცხლები და ჯანმრთელები დაელოდონ სიყვარულს.

აიცერით, გადარჩებით სიკვდილს და გადაარჩენთ სხვებსაც… უგუნურობაა ისეთი დაავადებისგან დაიღუპოთ რომლის პრევენციაც ვაქცინითაა შესაძლებელი. თუ პრინციპულად არ ან ვერ იცრებით, დაიცავით პრევენციით წესები გთხოვთ! ნუ გაავრცელებთ სიკვდილს“,- წერს ნანა გეგეჭკორი.

მსგავსი თემები