ზურაბ ზვიადაური საკუთარი ძმის დაკრძალვას დაესწრება. მკვლელობაში ბრალდებულ ოლიმპიურ ჩემპიონს წინასწარი პატიმრობა აქვს შეფარდებული, თუმცა მისმა უფლებადამცველებმა სასამართლოს შუამდგომლობით მიმართეს, რომ მისთვის ძმის სამგლოვიარო რიტუალებზე დასწრების უფლება მიეცათ.
ზურაბ ზვიადაურს ბადრაგის თანხლებით, სისხლიანი გარჩევის დროს მოკლული ძმის დაკრძალვაზე მიიყვანენ, რომელიც დღეს 13:00 საათზეა დაგეგმილი.
