სულისშემძვრელი ფოტო ვრცელდება საბერძნეთიდან. „ხანდაზმული წყვილი კუნძულ ევიადან“ – ასე დაასათაურა გამოცემამ კადრი, რომელიც სამაშველო გემზეა გადაღებული.
89 წლის კაცი და მისი 87 წლის მეუღლე, ოთხფეხა მეგობართან ერთად სიკვდილს სასწაულებრივად გადაურჩნენ. როგორც ბერძნული მედია წერს, მათ ალმოდებულ სახლს თავი ძლივს დააღწიეს. სრულიად ხელცარიელებმა დატოვეს საკუთარი კერა და თან წაიყვანეს ერთადერთი არსება, თავიანთი პატარა ძაღლი, ბელა.
შეგახსენებთ, საბერძნეთი უკვე 7 დღეა მასშტაბურ ხანძარს ებრძვის.
