დღეს, პარლამენტის შენობაში შესვლა შეზღუდულია

  •  

საქართველოს პარლამენტი მიღებული უსაფრთხოების დამატებითი ზომების შესახებ განცხადებას ავრცელებს, რომელსაც „მედიაცენტრი მთავარი“ უცვლელად გთავაზობთ.  

„18 ივლისს, „საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ“ საქართველოს პარლამენტის თავმჯდომარის 2016 წლის 30 დეკემბრის N259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი, გარდა მედიის წარმომადგენლებისა, რომელთა დაშვება ჩვეულ რეჟიმში განხორციელდება წინასწარ შეთანხმებული გადამღები ჯგუფების რაოდენობისა და საშვების საფუძველზე.

აღნიშნული ღონისძიების მიზანია შესაძლო პროვოკაციების პრევენცია და საქართველოს პარლამენტის წევრებისა და აპარატის თანამშრომლებისთვის სამუშაო პირობების უზრუნველყოფა“ – ვკითხულობთ განცხადებაში.

შეგახსენებთ, რომ დღეს, პარლამენტში შინაგან საქმეთა მინისტრს ელოდებიან. ოპოზიცია, აქტივისტები და მედიის ნაწილი კი პროტესტს გეგმავს.  

მსგავსი თემები