ტვ პირველის გარდაცვლილი ოპერატორი ლექსო ლაშქარავა სახლში გუშინ გვიან ღამით გადაასვენეს. ცხედარს ექსპერტიზა უკვე ჩაუტარდა.
გარდაცვლილის დედა აცხადებს, რომ ლექსო ლაშქარავას ძლიერი ტკივილი ჰქონდა.
“4 დღე ადამიანს დილა-საღამოს მორფს უკეთებდნენ, იმას რა უნდა ფონიჭალაში? რა უნდა იშოვოს ან რათ უნდა? საშინელი ტკივილები იცოდა, ანტიბიოტიკებს ვუკეთებდი და თვალში სამნაირ წვეთს ვუწვეთებდი, მეტი არაფერი გამიკეთებია,”- აღნიშნა გარდაცვლილი ლექსო ლაშქარავას დედამ.
